ព័ត៌មានជាតិ
សម្តេចតេជោ ឱ្យពិនិត្យឡើងវិញ បញ្ហារោងចក្រខ្លះនិយាយថា កម្មករមិនទាន់ចាក់វ៉ាក់សាំង មិនអនុញ្ញាតឱ្យចូលធ្វើការ
សម្តេចតេជោ ហ៊ុន សែន នាយករដ្ឋមន្ត្រីមន្ត្រីកម្ពុជា នៅថ្ងៃទី ៨ ខែឧសភានេះ បានស្នើឱ្យក្រសួងការងារ និងបណ្តុះបណ្តាលវិជ្ជាវៈ ធ្វើការត្រួតពិនិត្យឡើងវិញ បញ្ហាដែលសម្តេចទទួលបានថា មានរោងចក្រមួយចំនួន បាននិយាយថា កម្មករកម្មការិនី ដែលមិនទាន់បានចាក់វ៉ាក់សាំងការពារជំងឺកូវីដ១៩ មិនអនុញ្ញាតឱ្យចូលធ្វើការងារ។
សម្តេចតេជោ ហ៊ុន សែន បានបញ្ជាក់ថា ប្រសិនបើរឿងនេះ ជារឿងពិត វាគឺជាកំហុសមួយ របស់ថៅកែរោងចក្រ ដែលសូមឱ្យក្រសួងការងារ និងអាជ្ញាធរមូលដ្ឋាន ត្រូវធ្វើការត្រួតពិនិត្យបញ្ហានេះឡើងវិញ។
សម្តេចតេជោនាយករដ្ឋមន្ត្រីអះអាងថា រាជរដ្ឋាភិបាលមិនទាន់អាចអនុវត្តបាននូវចំណុចដែលយកបញ្ហាចាក់វ៉ាក់សាំងមកធ្វើជាមូលដ្ឋាន ដើម្បីការធ្វើដំណើរ កាត់បន្ថយការធ្វើចត្តាឡីស័ក និងការធ្វើការងារនោះទេ ព្រោះវ៉ាក់សាំងទើបតែចាក់ដូច្នេះ នៅកន្លែងខ្លះចាក់បានដូសទី១ ដូសទី២ មិនទាន់បានចាក់ ហើយអ្នកខ្លះមិនទាន់បានចាក់ដូស ទី១នៅឡើយ។
សម្តេចតេជោ ហ៊ុន សែន បញ្ជាក់ថាប្រសិទ្ធភាពវ៉ាក់សាំង មិនទាន់ទប់ទល់បាននូវជំងឺនៅឡើយ ដូច្នេះទោះបីបានទទួលវ៉ាក់សាំងហើយក៏ដោយ ការការពារខ្លួនតាមរយៈវិធានការ ៣ ការពារ និង៣កុំ ត្រូវតែអនុវត្តចំពោះគ្រប់មនុស្សទាំងអស់គ្មានការលើកលែង។
សម្តេចតេជោថ្លែងថា “ យើងមិនទាន់ឈានទៅដល់ដំណាក់កាលនៃការបញ្ចប់ ការធ្វើវិធានការសុខាភិបាលតាមរយៈការជំនួសដោយការចាក់វ៉ាក់សាំងនោះទេ មានវេជ្ជបណ្ឌិតប្រទេសខ្លះ ដោយសារអាងលើវ៉ាក់សាំង មានការធ្វេសប្រហែស ធ្វើឱ្យខ្លួនឯងស្លាប់ក៏មាន”។
សម្តេចតេជោ ហ៊ុន សែន បញ្ជាក់ថា ការប្រើប្រាស់វ៉ាក់សាំងដើម្បីកំណត់ការធ្វើការងារ គឺវាអយុត្តិធម៌ចំពោះអ្នកដែលមិនទាន់ទទួលបានវ៉ាក់សាំង ដូច្នេះមិនទាន់អាចយកបញ្ហាចាក់វ៉ាក់សាំង ធ្វើជាមូលដ្ឋានដើម្បីរក្សាបានការងារធ្វើនោះឡើយ។
សម្តេចតេជោ ហ៊ុន សែន ក៏បានស្នើឱ្យគ្រប់ទីកន្លែងទាំងអស់នៃកន្លែងការងារ ទាំងសេដ្ឋកិច្ចក្នុងប្រព័ន្ធ និងសេដ្ឋកិច្ចក្រៅប្រព័ន្ធ សូមមេត្តាកុំអាលដាក់បញ្ហា ចាក់វ៉ាក់សាំងហើយ ទើបអនុញ្ញាតឱ្យចូលធ្វើការងារ ដែលជាការរំខានទៅដល់ការចាក់វ៉ាក់សាំងនៅក្នុងមូលដ្ឋាន ដូចដែលបានកើតឡើងនៅផ្ទះប្រធានភូមិមួយ ដែលគាត់បានទទួលបន្ទុកទៅដល់ក្រុមគ្រួសារ ដែលត្រូវចាក់ ប៉ុន្តែបែរជាមានកម្មករកម្មការិនី ទៅផ្ទះរបស់គាត់ ទៅទាមទារលិខិតបញ្ជាក់ទៅចាក់វ៉ាកសាំង បណ្តាលមកពីថៅកែរោងចក្រ ប្រាប់ឱ្យពួកគាត់ទៅចាក់វ៉ាក់សាំង ទើបចូលធ្វើការងារបាន៕
អត្ថបទ៖ ឡេង ដេត
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ