ព័ត៌មានជាតិ
ក.ប.ប ខេត្តស្វាយរៀង រកឃើញសារធាតុគីមីក្នុងចំណោមអាហារ២៣គំរូ
ខេត្តស្វាយរៀង៖ មន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំសាខាខេត្តស្វាយរៀង ដឹកនាំដោយលោក ផឹង និល ប្រធានសាខា ក.ប.ប.ខេត្ត បានសហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី បានរកឃើញសារធាតុគីមីបូរ៉ាក់លើពពុះសណ្ដែកក្នុងចំណោមអាហារ២៣គំរូ។
ការរកឃើញនេះ ស្ថិតនៅក្នុងការចុះត្រួតពិនិត្យទំនិញផលិតផលម្ហូបអាហារ និងតាមដានតំលៃទំនិញ ជាពិសេសអំពីតម្លៃ ម៉ាស់ អាលកុល និងជែល នៅតាមបណ្ដាស្តង់ដាក់តាំងលក់ក្នុងផ្សារវាលយន្តខេត្តស្វាយរៀង នាព្រឹកថ្ងៃទី១០ ខែឧសភា ឆ្នាំ២០២១នេះ។
លោក ផឹង និល ប្រធានសាខា ក ប ប ខេត្តស្វាយរៀងបានឲ្យដឹងថា សកម្មភាពការងារចុះពិនិត្យនេះ មន្ត្រីជំនាញបានពិនិត្យគ្រឿងឧបភោគបរិភោគ ដោយប្រើប្រាស់នូវឧបករណធ្វើ Test Kits បឋម លើម្ហូបអារហាចំនួន២៣គំរូ ដើម្បីស្វែងរកសារធាតុគីមីដែលច្បាប់ហាមឃាត់ ធ្វើឱ្យប៉ះពាល់ដល់សុខភាពប្រជាពលរដ្ឋ។
លោក ផេង និល បានបញ្ជាក់ថា៖ ក្រោយពីធ្វើតេស្តបឋមទៅលើគ្រឿងឧបភោគបរិភោគទាំង២៣គំរូនោះ យើងបានរកឃើញសារធាតុគីមី ១គំរូ គឺពពុះសណ្ដែកទម្ងន់១គីឡូក្រាមដែលមានសារធាតុគីមីបូរ៉ាក់ ហើយមន្ត្រីជំនាញបានធ្វើកំណត់ហេតុដកហូតទំនិញទាំងនោះ យកមករក្សាទុកដើម្បីធ្វើការដុតកម្ទេចចោលនៅពេលក្រោយ ព្រមទាំងបានព្រមានម្ចាស់ហាងត្រួតពិនិត្យ និងឈប់លក់គ្រឿងឧបភោគបរិភោគដែលមានសាធាតុគីមីហាមឃាត់បន្តទៀត។
មន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំសាខាខេត្តស្វាយរៀង បានធ្វើការផ្សព្វផ្សាយណែនាំដល់អាជីវករទាំងអស់ មុននឹងទិញ ត្រូវពិនិត្យកាលបរិច្ឆេទឱ្យបានច្បាស់លាស់ដើម្បីកុំឱ្យប៉ះពាល់ដល់សុខភាព។
គួរបញ្ជាក់ថា ការចុះត្រួតពិនិត្យមុខទំនិញគ្រឿងឧបភោគបរិភោគ នៅផ្សារវាលយន្តនេះ គឺដើម្បីស្វែងរកសារធាតុគីមីក្រែងមានអាជីវករដាក់ក្នុងមុខទំនិញគ្រឿងឧបភោគបរិភោគ នៅតាមស្តង់ដែលអាជីវករលក់ដូរ និងនៅតាមផ្ទះជុំវិញផ្សារក្នុងខេត្តស្វាយរៀង៕
អត្ថបទ៖ ភក្ដី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ