ព័ត៌មានជាតិ
ប្រជាពលរដ្ឋមិនអស់ចិត្តករណីឆេះផ្ទះស្លាប់មួយគ្រួសារ៥នាក់នៅរស់តែប្ដីម្នាក់
ខេត្តកំពង់ឆ្នាំង៖ ករណីឆេះផ្ទះ១ខ្នងបណ្ដាលឱ្យស្លាប់មនុស្សមួយគ្រួសារសរុប៥នាក់មាន ម្ដាយមានផ្ទៃពោះ និងកូនប្រុសតូចៗ៤នាក់ ដោយរួចខ្លួនតែប្ដីម្នាក់ ត្រូវបានប្រជាពលរដ្ឋក្នុងមូលដ្ឋានមិនអស់ចិត្តដោយសារ នៅរស់តែប្ដីម្នាក់ ទន្ទឹមពេលមុនកើតហេតុប្ដីប្រពន្ធមានទំនាស់ជាមួយគ្នា។ ជាមួយគ្នានេះសមត្ថកិច្ចចម្រុះមកពីក្រសួង រួមទាំងប៉ូលីសអន្តរជាតិ សហការជាមួយសមត្ថកិច្ចចម្រុះខេត្តកំពង់ឆ្នាំង កំពុងស្រាវជ្រាវ។
ទីតាំងកើតហេតុស្ថិតនៅក្នុងភូមិដើមជ្រែ ឃុំឃុនរ៉ង ស្រុកបរិបូណ៌ ខេត្តកំពង់ឆ្នាំង។
ប្រភពក្រៅផ្លូវការពីប្រជាពលរដ្ឋនៅក្នុងមូលដ្ឋានបានឱ្យដឹងថា មុនពេលកើតហេតុ ប្តីឈ្មោះ នន់ សារ៉េត អាយុ៣៨ឆ្នាំ បានខឹងប្រពន្ធហើយចាក់សោទ្វារជាប់ រួចដើរទៅផឹកបាត់ តែគេឆ្លើយប្រាប់សមត្ថកិច្ចថាពេលកើតហេតុគេនៅក្នុងបង្គន់ក្រោយផ្ទះ។
ពលរដ្ឋបានលើកឡើងថា៖ “ដូច្នេះហើយពេលកើតហេតុ ជនរងគ្រោះជាប្រពន្ធ និងកូនប្រុសតូចៗទាំង៤នាក់ចេញពីផ្ទះមិនរួច ទើបបណ្តាលឱ្យឆេះស្លាប់ទាំងអស់គ្នានៅក្នុងផ្ទះតែម្ដង។ ហើយបើប្ដីនៅក្នុងបង្គន់ក្រោយផ្ទះមែន ហេតុអ្វីជួយប្រពន្ធកូនមិនបាន?”។
ប្រភពខាងលើនេះបានឱ្យដឹងទៀតថា ២ថ្ងៃមុនពេលកើតហេតុ ប្ដីប្រពន្ធមានទំនាស់គ្នា និងកន្លងមកក៏ធ្លាប់ឈ្លោះគ្នាជារឿយៗផងដែរ។
ស្ត្រីជាប្រពន្ធ ឈ្មោះ អៀន សុខ អាយុ៣៨ឆ្នាំ មានមុខរបរលក់ខោអាវជជុះ ដែលបានទុកដាក់ខោអាវជជុះពេញមួយកំណាត់ផ្ទះខាងក្រោម ហើយផ្ទះ១កណាត់ក្រោយមានឡៅតឿ ប៉ុន្តែជាន់ក្រោមពុំមានបង្អួចទេ មានតែទ្វារចេញចូលខាង មុខ និងខាងក្រោយតែប៉ុណ្ណោះ។
លោក ស៊្រន សំឫទ្ធី អភិបាលរងខេត្តកំពង់ឆ្នាំង ប្រាប់ កម្ពុជាថ្មី នៅថ្ងៃទី១១ ខែឧសភា ឆ្នាំ២០២១ នេះថា សមត្ថកិច្ចកំពុងសិក្សាករណីនេះ អាចចេញជារបាយការណ៍ឆាប់ៗនៅពេលខាងមុខ ដោយក្រុមសមត្ថកិច្ចទើបចុះស្រាវជ្រាវកាលពីម្សិលមិញ ឥឡូវកំពុងធ្វើកិច្ចការហ្នឹង ហើយអាចមានរបាយកាណ៍លម្អិតបន្តទៀតនៅពេលខាងមុខ។ យើងមិនទាន់អាចសន្និដ្ឋានបានយ៉ាងណានោះទេ ព្រោះសមត្ថកិច្ចកំពុងធ្វើកិច្ចការហ្នឹងហើយ។
លោកវរសេនីយ៍ត្រី ប៉ុល វុទ្ធី ស្នងការរងនគរបាលខេត្តកំពង់ឆ្នាំង ទទួលផែនព្រហ្មទណ្ឌ បានបញ្ជាក់កាលពីល្ងាចថ្ងៃទី១០ ខែឧសភាថា ករណីនេះសមត្ថកិច្ចចម្រុះមកពីក្រសួងរួមមាន នាយកដ្ឋានព្រហ្មទណ្ឌបច្ចេកទេសនាយកដ្ឋានអគ្គីភ័យ និងប៉ូលីសអន្តរជាតិផ្នែកកោសល្យវិច័យផងដែរ បានចូលរួមសហការជាមួយសមត្ថកិច្ចចម្រុះក្នុងខេត្តកំពង់ឆ្នាំង ពិនិត្យលើទីតាំងកើតហេតុ និងសពជនរងគ្រោះយ៉ាងហ្មត់ចត់។
លោកស្នងការរងបានបញ្ជាក់ទៀតថា ជាលទ្ធផលព័ត៌មានគឺនៅរេចុះរេឡើង រកមិនទាន់ឃើញករណីអ្វីច្បាស់លាស់នៅឡើយទេ។ ប៉ុន្តែការសន្និដ្ឋានជាបឋម គឺជាករណីទុស្សេខ្សែភ្លើងឆេះផ្ទះ។
តាមរបាយការណ៍របស់លោក យឹម សារិន អភិបាលស្រុកបរិបូណ៌ចុះថ្ងៃទី១០ ខែឧសភា ឆ្នាំ២០២១ បានបញ្ជាក់ថា មានករណីឆេះផ្ទះមួយខ្នង ដោយមិនបានបញ្ជាក់ថាករណីឆេះនេះបណ្តាលមកពីអ្វីនោះទេ នៅចំណុចអ្នកអារាជក្នុងភូមិដើមជ្រែ ឃុំឃុនរ៉ង ស្រុកបរិបូណ៌ នៅម៉ោង៨ និង៤០នាទីយប់ ថ្ងៃទី៩ ខែឧសភា ឆ្នាំ២០២១ បណ្ដាលឲ្យមនុស្សចំនួន៥នាក់ស្លាប់ក្នុងនោះមាន ១ឈ្មោះ អៀន សុខ អាយុ៣៨ឆ្នាំ ត្រូវជាប្រពន្ធ (មានផ្ទៃពោះ) ២ឈ្មោះ សេង រក្សា អាយុ៩ឆ្នាំ ៣ឈ្មោះ សេង ជីវន្ត័ អាយុ៦ឆ្នាំ ៤ ឈ្មោះ សេង ជីវ៉ា អាយុ៦ឆ្នាំ (កូនភ្លោះជា មួយកូនទី៣) និង៥ឈ្មោះ ឡុង ចំរើន អាយុ៣ឆ្នាំ កូនទាំង៤នាក់ ខាងលើនេះសុទ្ធតែប្រុសទាំងអស់៕
អត្ថបទ៖ ឈៀងថារិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង