Connect with us

ព័ត៌មានជាតិ

កម្លាំង​ចម្រុះ​ចុះ​ល្បាត​ឃាត់ខ្លួន​​ពលករ​២៥​នាក់​និង​មេខ្យល់​៣​នាក់​ ​ករណី​មេខ្យល់​ដឹក​ពលករ​តាម​ម៉ូតូ​កង់​បី​ឥណ្ឌា

បានផុស

នៅ

បន្ទាយមានជ័យ ៖ កម្លាំង​មូលដ្ឋាន​កងរាជអាវុធហត្ថ​ស្រុក​ម៉ាឡៃ និង​កម្លាំង​តំបន់​ប្រតិបត្តិការ​សឹក​រង​បន្ទាយមានជ័យ ដឹកនាំ​ដោយ​លោក​វរសេនីយ៍ឯក រិ​ទ្ធ រ៉​ម មេបញ្ជាការ​រង​តំបន់​ប្រតិបត្តិការ​សឹក​រង​បន្ទាយមានជ័យ ទទួល​ទិស​ទី​១ បាន​ចុះ​ល្បាត​តាម​បន្ទាត់​ព្រំដែន​ស្រាប់តែ​ប្រទះឃើញ​ម៉ូតូ​កង់​បី​ឥណ្ឌា​១​គ្រឿង​កំពុង​ដឹក​ពលករ​ចំនួន​៧​នាក់​បម្រុង​លួច​ឆ្លងដែន​ទៅ​ប្រទេស​ថៃ​កម្លាំង​ធ្វើការ​ឃាត់ខ្លួន​ទាំងអស់ នៅវេលា​ម៉ោង​១​និង​៣០​នាទី​រំលង​អា​ធ្រា​ត ឈានចូល​ថ្ងៃទី​១១ ខែឧសភា ឆ្នាំ​២០២១ ចំណុច​ភូមិ​សង្កែ ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​វរសេនីយ៍ឯក រិ​ទ្ធ រ៉​ម​បាន​ប្រាប់​អ្នក​យក​ព័​ត៌​មាន​ឲ្យ​ដឹង​ថា ​ពលករទាំង​៧​នាក់​បាន​ថា​ម្ចាស់​ម៉ូតូ​កង់​បី​បាន​បម្រុង​ដឹក​ពួកខ្លួន​ឆ្លងដែន​ទៅ​ប្រទេស​ថៃ​ហើយ​ក្រោយពី​ឃាត់ខ្លួន​ហើយ​ពលករ​ទាំង​៧​នាក់​នេះ​បាន​បញ្ជូន​មក​មូលដ្ឋាន​កងរាជអាវុធហត្ថ​ស្រុក​ដើម្បី​ធ្វើការ​សាកសួរ​ចម្លើយ​។

បន្ទាប់​មក​ទៀត​នៅ​វេលា​ម៉ោង​៣​និង​៤០​នាទី​ទៀបភ្លឺ ​មាន​មេខ្យល់​បម្រុង​នាំ​ពលករ​ឆ្លងដែន​មួយក្រុម​ទៀត​ទៅ​ប្រទេស​ថៃ នៅ​ចំណុច​ភូមិ​សង្កែ ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ តែ​ទីតាំង​ផ្សេងគ្នា​កម្លាំង​ចម្រុះ​បាន​ធ្វើការ​បង្ក្រាប និង​ឃាត់ខ្លួន​មេខ្យល់​២​នាក់​បន្ថែម​ទៀត និង​ពលករ​ចំនួន​១៨​នាក់​ទៀតផង​ដែរ ហើយ​បញ្ជូន​មក​សាកសួរ​ចម្លើយ​រួមគ្នា​នៅ​មូលដ្ឋាន​កងរាជអាវុធហត្ថ​ស្រុក​ម៉ាឡៃ​នេះ​។

លោក​វរសេនីយ៍ទោ ព្រហ្ម ថេ​ង ប្រធាន​មន្ទីរ​ស្រាវជ្រាវ និង​បង្ក្រាប​បទល្មើស នៃ​បញ្ជាការដ្ឋាន​កងរាជអាវុធហត្ថ​ខេត្ត បាន​ឲ្យ​ដឹង​ថា ករណី​ខាងលើ​នេះ​លោក​ឧត្ដមសេនីយ៍ត្រី បោ​ន​ប៊ិន មេបញ្ជាការ​កងរាជអាវុធហត្ថ​ខេត្ត​បាន​បញ្ជា​ឲ្យ​កម្លាំង​ការិយាល័យ​ប្រឆាំង​ការ​ជួញដូរ​មនុស្ស សហការ​ជាមួយ​កម្លាំង​មូលដ្ឋាន​កងរាជអាវុធហត្ថ​ស្រុក​ម៉ាឡៃ​សួរចម្លើយ​មេខ្យល់ និង​ពលករ​ទាំងអស់នោះ​។

លោក​វរសេនីយ៍ទោ ព្រហ្ម ថេ​ង បាន​ឲ្យ​ដឹង​ទៀត​ថា ពលករ​ទាំងអស់​ក្រោយពី​កម្លាំង​ជំនាញ​សាកសួរ​ចម្លើយ​រួចមក បាន​ឆ្លើយ​សារភាព​ថា ពួកគេ​ចង់ទៅ​រក​ការងារ​ធ្វើ​នៅ​ប្រទេស​ថៃ​ពិតប្រាកដ​មែន ដោយ​មេខ្យល់​ទាំងនោះ​ប្រាប់​ថា ពួកគេ​នឹង​នាំ​ឆ្លងដែន​ទៅ​ប្រទេស​ថៃ​បាន​ដោយ​យក​តម្លៃ​ជូន​ក្នុង​ម្នាក់​៦.០០០​បាទ​។ ចំណែក​មេខ្យល់​ទាំង​៣​នាក់​១​ឈ្មោះ​សុខ វិបុល ភេទ​ប្រុស អាយុ​៣០​ឆ្នាំ រស់នៅ​ភូមិ​អូរ​អំ​បិល និង​សង្កាត់​អូរ​អំបិល ក្រុង​សិរីសោភ័ណ ខេត្តបន្ទាយមានជ័យ ២​ឈ្មោះ ឌឹ​ប នុ​ន ភេទ​ប្រុស អាយុ​៥២​ឆ្នាំ​រស់នៅ​ភូមិ​ចំបក់ ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ ៣​ឈ្មោះ​ម៉ៃ សៃ​ហុង ភេទ​ប្រុស អាយុ​២១​ឆ្នាំ រស់នៅ​ភូមិ​ភ្នំ​រូង ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ អ្នក​ទាំង​៣ ក្រោយពី​កម្លាំង​ជំនាញ​សាកសួរ​ចម្លើយ​រួចមក បាន​ឆ្លើយ​សារភាព​ថា ពួកគេ​បាន​ទំនាក់ទំនង​ជាមួយ​ពលករ​ផ្សេងៗ​គ្នា​ដើម្បី​នាំ​ចេញទៅ​ប្រទេស​ថៃ​ពិតប្រាកដ​មែន​។

ដោយ​ផ្អែក​ចម្លើយ​សារភាព​របស់​ជនសង្ស័យ​ទាំង​៣​នាក់ ទើប​កម្លាំង​ជំនាញ​ការិយាល័យ​ប្រឆាំង​ការ​ជួញដូរ​មនុស្ស​បញ្ជូន​យក​មក​បញ្ជាការដ្ឋាន​អាវុធហត្ថ​ខេត្ត ហើយ​បញ្ជូន​ទៅ​សាលាដំបូង​ខេត្ត​ចាត់ការ​តាម​នីតិវិធី​ច្បាប់ ចំណែក​ពលករ​ទាំង​២៥​នាក់ ត្រូវបាន​ដាក់​ឲ្យ​នៅ​ធ្វើ​ច​ត្តា​ឡី​ស័ក​ក្នុង​វិទ្យាល័យ​ស្រុក​ម៉ាឡៃ​ឲ្យ​បាន​ចំនួន​១៤ ថ្ងៃ​ទើប​អាច​ឲ្យ​ត្រឡប់ទៅផ្ទះ​វិញ​បាន​៕

ដោយ ៖ វ៉ាន់ ណា​ង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

ក្រុមហ៊ុនមួយ ប្រាប់ប៉ូលិសកាលីហ្វ័រញ៉ា ឲ្យឈប់ប្រើក្បាលតុក្កតា Lego មកបិទមុខជនសង្ស័យ

ព័ត៌មានជាតិ១១ នាទី មុន

៤ ច្រក​សំខាន់ មមាញឹក​ជាច្រក​​​ដឹកជញ្ជូន​ទំនិញដ៏សំខាន់​ចេញចូល​ប្រទេស​កម្ពុជា

ព័ត៌មានជាតិ១៧ នាទី មុន

មន្ត្រីជាន់ខ្ពស់ការងារ អំពាវនាវ រោងចក្រ បន្តចូលរួមអនុវត្តលក្ខខណ្ឌការងារ​ឱ្យបានល្អ លើកកម្ពស់សុខសុវត្ថិភាពកម្មករ

ព័ត៌មានជាតិ២៥ នាទី មុន

ហូលពិតានខ្មែរ អាចប្រឈមនឹងការបាត់បង់ ខណៈបច្ចុប្បន្ន ក្នុងសារមន្ទីរជាតិមានត្រឹមតែ ៧០ផ្ទាំង តែប៉ុណ្ណោះ

ព័ត៌មានជាតិ៣៥ នាទី មុន

តើគួរធ្វើបែបណា ទើបអាចទប់ស្កាត់បញ្ហាក្មេងទំនើង កុំឱ្យមានការកើនឡើង?

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៥ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៤ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

សន្តិសុខសង្គម២១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

Sokha Hotels

ព័ត៌មានពេញនិយម