ព័ត៌មានជាតិ
ព័ត៌មានច្បាស់ការ ប្តីបានចាក់ទ្រូងប្រពន្ធ ៣កន្ត្រៃស្លាប់ហើយ ទើបដុតផ្ទះសម្លាប់កូនទាំងអស់បំបិទមាត់
លោកសេនីយ៍ត្រី ប៉ុលវុទ្ធី ស្នងការរងនគរបាលខេត្តកំពង់ឆ្នាំង ទទួលផែនព្រហ្មទណ្ឌ នៅរសៀលទី១២ ខែឧសភា ឆ្នាំ២០២១នេះ បានបញ្ជាក់យ៉ាងច្បាស់ថា ករណីភ្លើងឆេះផ្ទះនៅភូមិដើមជ្រែ ឃុំខុនរ៉ង ស្រុកបរិបូណ៌ កាលពីយប់ថ្ងៃទី៩ ខែឧសភា គឺជារឿងឃាតកម្ម បង្កឡើងដោយបុរសជាប្ដី ដោយបានចាក់សម្លាប់ប្រពន្ធ រួចហើយទើបដុតផ្ទះជាក្រោយ។
លោកឧត្តមសេនីយ៍ត្រី ប៉ុលវុទ្ធី បានបញ្ជាក់ថា បុរសជាប្តី ឈ្មោះ នន់ សារ៉េត អាយុ៤១ឆ្នាំ នៅថ្ងៃកើតហេតុនៅលើឡៅតឿ កំពុងកាច់បាយសីគ្រូ ដោយមានកន្ត្រៃនៅនឹងដៃផង។ ចំណែកកូនច្បង អាយុ៩ឆ្នាំ ដេកមើលទូរទស្សន៍ ហើយកូន អាយុ៧ឆ្នាំ ២នាក់ទៀត ដែលជាកូនភ្លោះ ក៏នៅលើឡៅតឿដែរ។ ខណៈនោះជម្លោះរវាងប្ដីប្រពន្ធ ដែលធ្លាប់កើតមានជារឿយៗកន្លងមកក៏បានកើតឡើងជាថ្មីម្ដងទៀត ដោយស្ត្រីជាប្រពន្ធឈ្មោះ អៀន សុខ អាយុ៣៨ឆ្នាំ បានជេរដៀលបុរសជាប្ដីដដែលៗ និងជាច្រើនដងនៅលើឡៅតឿ ជាមួយកូនតូច អាយុ២ឆ្នាំម្នាក់ទៀត។ ពេលនោះដោយខឹងនឹងប្រពន្ធខ្លាំង បុរសជាប្ដីក៏បានចាប់បោចសក់ប្រពន្ធផ្ងាកមកក្រោយ រួចយកកន្ត្រៃចាក់ដើមទ្រូងប្រពន្ធខាងស្ដាំចំនួន៣កន្ត្រៃ បន្ទាប់ពីប្រពន្ធដួលសន្លប់ឬស្លាប់ហើយនោះ បុរសជាប្ដីក៏បានដុតពូក នៅលើឡៅតឿរួចចុះមកក្រោម ដុតអីវ៉ាន់និងខោអាវជជុះ នៅខាងក្រោមឡៅតឿទៀត ហើយឈរមើលរហូតដល់ភ្លើងឆេះខ្លាំងក្នុងផ្ទះអាចដឹងថា គ្មានអ្នកណានៅរស់ ទើបបុរសជាប្ដីបើកទ្វារចេញមកខាងក្រៅរួចបិទទ្វារទៅវិញ។
ខណៈនោះអណ្ដាតភ្លើង បានឆេះសន្ធោសន្ធៅដល់ខាងក្រៅ ទើបមានសាក្សីម្នាក់បានមកដល់ ហើយបានស្រែកហៅឲ្យគេជួយ ខណៈដែរបុរសជាប្ដី នៅឈរមើលធ្វើមិនដឹង និងពេលនោះក៏មានមនុស្ស៤ទៅ៥នាក់ មកជួយពន្លត់តែមិនអាចជួយបានឡើយ។
លោក ប៉ុល វុទ្ធី ស្នងការរងនគរបាលខេត្តកំពង់ឆ្នាំង បានបន្តថា ក្រោយពីសមត្ថកិច្ចចម្រុះរួមមាននាយកដ្ឋានព្រហ្មទណ្ឌក្រសួង នាយកដ្ឋានអគ្គិភ័យ សហការជាមួយមន្ត្រីអង្គការ CPU ធ្វើកោសល្យវិច័យទៅតាមបច្ចេកទេស បានពិនិត្យឃើញថា ម្ដាយនិងកូនតូចអាយុ២ឆ្នាំ ពុំមានផ្សែងភ្លើងស្រូបចូលក្នុងផ្លូវដង្ហើមទេ។ ដោយសន្និដ្ឋានថាមនុស្ស២នាក់នេះ ក៏ត្រូវជនដៃដល់សម្លាប់ផងដែរ មុនពេលដុតផ្ទះ។ ដោយផ្អែកលើសាក្សីវត្ថុតាងជាច្រើននាក់ ឆ្លើយដាក់បន្ទុក ជនដៃដល់មិនព្រមសារភាពនោះទេ រហូតដល់ល្ងាចថ្ងៃទី១១ ខែឧសភា ជនដៃដល់ប្រាប់សមត្ថកិច្ចថា សុំកុំបន្តសួរចម្លើយទៀតអីចាំយប់នេះ រូបគេដុតធូបសុំគ្រូសិន ចាំថ្ងៃស្អែកគេនិងប្រាប់នូវអ្វីគ្រប់យ៉ាង ហើយសមត្ថកិច្ចក៏ព្រមធ្វើតាម។ លុះវេលាម៉ោង ៩ព្រឹកថ្ងៃទី១២ ទើប ឃាតករូបនេះ ព្រមសារភាពដូចអ្វីដែលបានរៀបរាប់រឿងខាងលើ។ ករណីនេះ សមត្ថកិច្ចជំនាញក៏បានកសាងសំណុំរឿងតាមនីតិវិធី ដើម្បីបញ្ជូនជនដៃដល់ទៅតុលាការចាត់ការតាមផ្លូវច្បាប់ ។
គួរបញ្ជាក់ផងដែរថា តាមប្រភពព័ត៌មានពីប្រជាពលរដ្ឋនៅក្នុងមូលដ្ឋានឲ្យដឹងថា ជនដៃដល់គឺជាប្ដីទី៣ ចំណែកកូនទាំង៤របស់ជនរងគ្រោះ ដែលបានស្លាប់ជាមួយម្ដាយ គឺជាកូនប្ដីទី១និងប្តីទី២ ហេតុនេះហើយ ទើបជនដៃដល់ដល់ហ៊ានសម្លាប់កូនប្ដីដើមទាំង៤នាក់ដោយមិនញញើតដៃបែបនេះ៕
អត្ថបទ៖ ឈៀងថារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ