ព័ត៌មានជាតិ
រកឃើញមេខ្យល់២នាក់ និងពលករ១៧នាក់លួចឆ្លងដែនទៅប្រទេសថៃ
ខេត្តបាត់ដំបង៖ សមត្ថកិច្ចជំនាញកំពុងកសាងសំណុំរឿងបញ្ជូនខ្លួនមេខ្យល់២នាក់ និងចាត់ការផ្លូវច្បាប់ក្រោយពីស្រាវជ្រាវវែកមុខរកឃើញក្នុងចំណោមពលករទាំង១៩នាក់ដែលបានលួចចូលទៅប្រទេសថៃដោយខុសច្បាប់កាលពីថ្ងៃទី១២ខែឧសភាឆ្នាំ២០២១ក្នុងចន្លោះម៉ោង៤រហូតដល់ម៉ោង៥រសៀលនៅចំណុចភូមិភ្នំតូច ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង។
សមត្ថកិច្ចបន្តឲ្យដឹងថា មេខ្យល់២នាក់ដែលបាននាំពលករឆ្លងដែនដោយខុសច្បាប់មានឈ្មោះ ផូ ផាត ហៅតៃ ភេទប្រុស អាយុ៣៨ឆ្នាំ រស់នៅភូមិសាមគ្គី ឃុំព្រែកព្នៅ ស្រុកពារាំង ខេត្តព្រៃវែង និងម្នាក់ទៀតឈ្មោះ សា ផាត ភេទស្រី អាយុ៦៤ឆ្នាំ រស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។
លោកវរសេនីយ៍ទោ ហេង បារាំង អធិការនគរបាលស្រុកភ្នំព្រឹកបានបញ្ជាក់ថា ការស្ទាក់ឃាត់ខ្លួនពលករដែលមេខ្យល់២នាក់នាំចូលទៅប្រទេសថៃដោយខុសច្បាប់កាលពីវេលាខាងលើ លោកបានដឹកនាំកម្លាំងសហការជាមួយកម្លាំងនគរបាលវរៈសេនាតូចការពារព្រំដែនគោក៨១៩ និងកម្លាំងផ្នែកសឹករងស្រុកភ្នំព្រឹក ព្រមទាំងសមត្ថកិច្ចពាក់ព័ន្ធនៅទីនោះអនុវត្តឃាត់ខ្លួន និងនាំខ្លួនអ្នកទាំងអស់សរុបចំនួន១៩នាក់ដែលក្នុងចំណោមនេះរកឃើញមេខ្យល់ប្រុសស្រី២នាក់។
បច្ចុប្បន្នសមត្ថកិច្ចនគរបាលស្រុកភ្នំព្រឹកបានរៀបចំកសាងសំណុំរឿងបញ្ជូនខ្លួនមេខ្យល់ទាំង២នាក់អនុវត្តតាមផ្លូវច្បាប់ រីឯពលករចំនួន១៧នាក់បាននាំយកទៅកាន់មណ្ឌលចត្តាឡីស័កកម្រិតទី១ ស្រុកភ្នំព្រឹក ខេត្តបាត់ដំបង អនុវត្តតាមវិធានសុខាភិបាលមុននឹងមានចំណាត់ការបន្ត៕
អត្ថបទ៖ សៅ សារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ