ព័ត៌មានជាតិ
ឯកឧត្តម គួច ចំរើន ដឹកនាំកិច្ចប្រជុំស្តីពីកាត់បន្ថយតំបន់បិទខ្ទប់ក្នុងក្រុងព្រះសីហនុ
នៅព្រឹកថ្ងៃទី១៣ ខែឧសភា ឆ្នាំ២០២១ ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ អញ្ជើញដឹកនាំកិច្ចប្រជុំពិភាក្សាការកាត់បន្ថយតំបន់បិទខ្ទប់ ក្នុងក្រុងព្រះសីហនុ ដោយមានការចូលរួមពីលោកអភិបាលរងខេត្ត នាយក នាយករង រដ្ឋបាលសាលាខេត្ត អភិបាលក្រុង ស្រុក ប្រធានមន្ទីរពាក់ព័ន្ធ លោកស្នងការនគរបាលខេត្ត លោកមេបញ្ជាការកងរាជអាវុធហត្ថ លោកមេបញ្ជាការតំបន់ប្រតិបត្តិការសឹករងខេត្ត ។
ឯកឧត្តម គួច ចំរើន អភិបាលខេត្តព្រះសីហនុ មានប្រសាសន៍កោតសរសើរ និងវាយតម្លៃចំពោះមន្ត្រីរាជការ កងកម្លាំងប្រដាប់អាវុធដែលបានចូលរួមសហការជាមួយរដ្ឋបាលខេត្តក្នុងការបំពេញតួនាទី ភារកិច្ចក្នុងការបិទខ្ទប់តំបន់ក្រហមកន្លងមក ទទួលបានលទ្ធផលផ្លែផ្កា រហូតជំងឺកូវីដ-១៩ មានការថយចុះជាបន្តបន្ទាប់ ។
ឯកឧត្តមអភិបាលខេត្តបានបញ្ជាក់ថា គណៈបញ្ជាការឯកភាពខេត្តបានបន្ថយតំបន់បិទខ្ទប់ តំបនក្រហម មកជាតំបន់លឿងទុំ និងតំបន់លឿងទុំមកជាតំបន់លឿងវិញ ដោយកំណត់ទី ១.បន្ថយកម្រិតបិទខ្ទប់ និងបានបញ្ចប់ការយកសំណាកនៅតំបន់ក្រហម ក៏ប៉ុន្តែផ្ទះ និងកន្លែងស្នាក់នៅមួយចំនួននៅមានបញ្ហាប្រឈម នៅបន្តបិទខ្ទប់ទីតាំងមួយចំនួន។ ២.តំបន់លឿងទុំ បន្តយកសំណាកដែលនៅសេសសលក្នុងទីតាំងបន្តទៀត ។ ៣.តំបន់លឿងប្រជាពលរដ្ឋអាចធ្វើដំណើរបាន ក៏ប៉ុន្តែហាមការជួបជុំប្រមូលផ្តុំ ការលេងកីឡា និងបន្តបិទបម្រាមគោចរនៅពេលយប់ ដើម្បីកាត់ផ្ដាច់ការជួបជុំ ដើម្បីគ្រប់គ្រងការឆ្លងរាលដាលជំងឺកូវីដ-១៩ ។ ៤.កន្លងមកបញ្ហាប្រឈមដែលមានការគំរាមកំហែងដោយសារជំងឺកូវីដ-១៩ វាផ្តើមចេញពីទីប្រជុំជនផ្សារ ដែលមានការចម្លងលឿន គណៈបញ្ជាការឯកភាពខេត្ត មិនទាន់សម្រេចបើកផ្សារឡើងវិញទេ ប៉ុន្តែយើងបានលើកទឹកចិត្តបងប្អូនអាជីវករដែលបានយកសំណាកពីរដងរួចហើយ អវិជ្ជមានកូវីដ-១៩ អាចបើកលក់ដូរនៅតាមផ្ទះរៀងខ្លួនបាន ដោយគោរពតាមស្តង់ដារផ្សាបណ្តោះអាសន្ន រក្សាគម្លាតសុវត្ថិភាពរវាងអ្នកលក់ និងអ្នកទិញ និងសរសេរតារាងតម្លៃ។
រដ្ឋបាលខេត្តបានលើកទឹកចិត្តការផ្ទេរប្រាក់តាមប្រព័ន្ធធនាគារ យើងបានឱ្យមន្ត្រីធនាគារជាតិ បង្កើតអាខោនរបស់បងប្អូនអាជីវករបានជាង ២.០០០នាក់រួចហើយ តែអតិថិជនមិនទាន់មានគ្រប់គ្រាន់ក្នុងការផ្ទេរសាច់ប្រាក់ យើងក៏បន្តលើកទឹកចិត្តប្រជាពលរដ្ឋឱ្យប្រើប្រាស់ប្រព័ន្ធផ្ទេរសាច់ប្រាក់តាមប្រពន្ធធនាគារ ដើម្បីរួមគ្នាកាត់បន្ថយហានីភ័យពីសាច់ប្រាក់ដោយផ្ទាល់ ដែលជាប្រភពចម្លងមេរោគកូវីដ-១៩ ។ ចំពោះមុខរដ្ឋបាលខេត្តតម្រូវឱ្យអាជីវករត្រូវមានគណនេយ្យធនាគាត ដើម្បីទូទាត់សាច់ប្រាក់តាមប្រព័ន្ធធនាគារ តែអ្វីជាការពិបាកប្រជាពលរដ្ឋរបស់យើងមិនទាន់មានគណនេយ្យផ្ទេរសាច់ប្រាក់ ។
ឯកឧត្តមអភិបាលខេត្តបានបញ្ជាក់ថា ដើម្បីដោះស្រាយបញ្ហាចំពោះមុខនៅតាមព្រំប្រទល់តំបន់ប៉ុស្តិ៍ត្រួតពិនិត្យសុខភាពក្នុងការធ្វើដំណើររបស់ប្រជាពលរដ្ឋជាលក្ខណឯកជន ដោយក្នុងរថយន្តនីមួយៗត្រូវមានគ្នាចំនួន៤នាក់ ដោយឡែករថយន្តសាធារណៈត្រូវកាត់បន្ថយចំនួនមនុស្សពាក់កណ្ដាល ត្រូវពាក់ម៉ាស រក្សាគម្លាតសុវត្ថិភាពឱ្យបានត្រឹមត្រូវ ។
ក្នុងឱកាសនោះ ឯកឧត្តមអភិបាលខេត្ត ក៏បានអំពាវនាវដល់ប្រជាពលរដ្ឋនៅក្នុងក្រុងព្រះសីហនុ ក៏ដូចជាអ្នកធ្វើដំណើរឆ្លងកាត់មកកាន់ក្រុងព្រះសីហនុ ត្រូវគោរពនូវវិធានការសុខាភិបាល និងការណែនាំ ៣.ការពារ និង៣.កុំ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីខ្លួនយើង ក្រុមគ្រួសារយើង នឹងសង្គមជាតិយើង ចៀសផុតពីការឆ្លង រាលដាលនៃជំងឺកូវីដ-១៩ ដោយអនុវត្ត ឱ្យបានខ្ជាប់ខ្ជួននូវការណែនាំរបស់កងកម្លាងប្រដាប់ប្រដាប់អាវុធ ដែលកំពុងបំពេញភារកិច្ចនៅតាមគោលដៅនៅក្នុងមូលដ្ឋាន ។ ព្រមទាំងអំពាវនាវដល់បងប្អូនប្រជាពលរដ្ឋ ក៏ដូចជាអ្នកដំណើរមកពីខាងក្រៅបើមានបញ្ហាសុខភាពមិនប្រក្រតី សូមប្រញាប់ទៅយកសំណាក់នៅវេទិកា ៧មករា មានទីតាំងស្ថិតនៅក្នុងសង្កាត់លេខ៣ ក្រុងព្រះសីហនុ ដែលរដ្ឋបាលខេត្ត បានរៀបចំទទួលប្រជាពលរដ្ឋមកយកសំណាកគ្រប់ពេលម៉ោងធ្វើការទាំងថ្ងៃឈប់សម្រាក ៕
គ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចុះពិនិត្យជំងឺជូនប្រជាពលរដ្ឋនៅតំបន់ដាច់ស្រយាលខេត្តស្ទឹងត្រែង
ធ្លាយតម្រុយទាញ អាមេរិក ជាប់ពាក់ព័ន្ធការវាយប្រហារភេរវកម្មនៅ រុស្ស៊ី
Kroos ប្រាប់ថា មួយឬពីរខែទៀតនឹងសម្រេចពីអនាគតជាមួយ Real Madrid
ក្រុមហ៊ុនមួយ ប្រាប់ប៉ូលិសកាលីហ្វ័រញ៉ា ឲ្យឈប់ប្រើក្បាលតុក្កតា Lego មកបិទមុខជនសង្ស័យ
៤ ច្រកសំខាន់ មមាញឹកជាច្រកដឹកជញ្ជូនទំនិញដ៏សំខាន់ចេញចូលប្រទេសកម្ពុជា
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២១ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ