ព័ត៌មានជាតិ

មន្ត្រីប្រធានច្រកទ្វារតំបន់ព្រំដែនម្នាក់ស្លាប់ ខណៈកំពុងហូបបបរសបានស្ទះបំពង់ខ្យល់

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

មន្ត្រីប្រធានច្រកទ្វារតំបន់ព្រំដែនម្នាក់ស្លាប់ នេះបើតាមលោក ស្រី វុទ្ធី អធិការនគរបាលស្តីទីស្រុកកំរៀង បានបញ្ជាក់ឲ្យដឹងថា ហេតុការណ៍នេះ បានកើតឡើងនៅរំលងអធ្រាត្រថ្ងៃទី១៧ ខែឧសភា ឆ្នាំ២០២១ ត្រង់ចំណុចស្រុកកំរៀងខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះជាប្រធានច្រកទ្វារតំបន់ព្រំដែនសួនស៊ុំឋិត ក្នុងស្រុកកំរៀង ខេត្តបាត់ដំបង គ្រាដែលជនរងគ្រោះកំពុងហូបបបរស ហើយក៏ស្ទះក្នុងបំពង់ខ្យល់បណ្តាលឲ្យស្លាប់តែម្តង។ ជនរងគ្រោះមានឈ្មោះ ចែត្រ សិថា ភេទប្រុស អាយុ៥២ឆ្នាំ មុខរបរជាអនុប្រធានអង្គភាពលទ្ធកម្មសាលាខេត្ត និងជាប្រធានទីស្នាក់ការត្រួតពិនិត្យច្រកទ្វារ តំបន់ព្រំដែនសួនស៊ុំប្រចាំស្រុកកំរៀង ខេត្តបាត់ដំបង។

ប្រភពព័ត៌មាននៅកន្លែងកើតហេតុបានប្រាប់ឲ្យដឹងដែរថា សភាពចៃដន្យដូចគ្នានេះ ជនរងគ្រោះធ្លាប់ជួបម្តងរួចមកហើយ ប៉ុន្តែត្រូវគ្រូពេទ្យជួយសង្គ្រោះទាន់ពេលវេលា។ រហូតដល់ថ្ងៃកើតហេតុចុងក្រោយនេះ ជនរងគ្រោះបានទៅហូបបបរជាមួយមិត្តភក្តិម្តងទៀត នៅក្នុងភូមិសាស្ត្រស្រុកកំរៀងមិនយូរប៉ុន្មាន ស្រាប់តែឈ្លក់បបរទំនងអាហារបានធ្លាក់ចូលក្នុងបំពង់ខ្យល់ បណ្តាលឲ្យស្ទះហើយត្រដរខ្យល់ភ្លាមៗ មិត្តភក្តិបានបញ្ជូនទៅសង្គ្រោះបន្ទាន់នៅមន្ទីរពេទ្យដល់ពាក់កណ្តាលផ្លូវក៏ផុតដង្ហើមស្លាប់តែម្តង។

ជុំវិញករណីខាងលើក្រោយពីសមត្ថកិច្ចជំនាញពិនិត្យសពបានសន្និដ្ឋានថា បណ្តាលមកពីស្ទះបំពង់ខ្យល់ពិតប្រាកដរួច បានប្រគល់សាកសពជនរងគ្រោះទៅឲ្យសាច់ញាតិក្រុមគ្រួសារ ដើម្បីធ្វើបុណ្យតាមប្រពៃណី៕

អត្ថបទ៖ សៅ សារិទ្ធ