ព័ត៌មានជាតិ
អនុសាខាស្រុក២ ទទួលបានអំណោយពីសាខាកាកបាទក្រហមខេត្តព្រៃវែង
ឯកឧត្តម ឧកញ៉ា សុខ ផេង អនុប្រធានអចិន្ត្រៃយ៍គណៈកម្មាធិការសាខាខេត្ត តំណាង ឯកឧត្តម ជា សុមេធី ប្រធានគណៈកម្មាធិការសាខាខេត្ត បានដឹកនាំគណៈកម្មាធិការសាខា ក្រុមប្រតិបត្តិសាខា អញ្ជើញចុះប្រគល់មីយើង និងទឹកសុទ្ធបាភ្នំ ដល់អនុសាខាចំនួន ២ គឺអនុសាខាស្រុកពារាំង និងអនុសាខាស្រុកពោធិ៍រៀង ដែលក្នុងមួយអនុសាខាទទួលបានមីយើងចំនួន ៣០កេស និងទឹកសុទ្ធបាភ្នំចំនួន ១០០កេស ដើម្បីចូលរួមជួយឧបត្ថម្ភដល់អ្នកធ្វើចត្តាឡីស័កក្នុងដំណាក់កាលការរាតត្បាតជាសកលនៃជំងឺកូវីដ-១៩ ថ្ងៃទី១៧ ខែឧសភា ឆ្នាំ២០២១ ។
នៅក្នុងឱកាសនោះដែរ ឯកឧត្តមអនុប្រធានអចិន្ត្រៃយ៍ បាននាំមកនូវក្តីនឹករលឹកពីសំណាក់ឯកឧត្តម ជា សុមេធី ប្រធានគណៈកម្មាធិការសាខាខេត្ត ពិសេសសម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់ក្រុមការងារអនុសាខាស្រុកទាំងអស់ ដែលបានខិតខំប្រឹងប្រែងយកចិត្តទុកដាក់ក្នុងការងារមនុស្សធម៌ដើម្បីជួយដល់បងប្អូនប្រជាពលរដ្ឋដែលកំពុងតែជួបការលំបាកនៅតាមមូលដ្ឋានរបស់ខ្លួន ជាពិសេសនៅក្នុងបរិបទនៃជំងឺកូវីដ-១៩ ដែលកំពុងតែរាតត្បាតពាសពេញពិភពលោក ក៏ដូចជានៅក្នុងប្រទេសកម្ពុជាយើងនេះ។
ឯកឧត្តមអនុប្រធានអចិន្ត្រៃយ៍គណៈកម្មាធិការសាខា បានមានប្រសាសន៍ផ្ដាំផ្ញើដល់លោកប្រធានអនុសាខា និងសមាជិក សមាជិកាអនុសាខាទាំងអស់រក្សាបន្តផ្សព្វ ផ្សាយអោយខ្លាំងជាងមុនដល់បងប្អូនប្រជាពលរដ្ឋនៅតាមមូលដ្ឋានត្រូវប្រុងប្រយ័ត្នឲ្យបានខ្ពស់ ឲ្យចេះការពារខ្លួន និងបង្ការពីការរីករាលដាលពីជំងឺកូវីដ-១៩ និងអនុវត្តតាមការណែនាំរបស់ក្រសួងសុខាភិបាល និងវិធានការ ៣កុំ ៣ការពារ និង២ចូលរួម របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ស្តីពីការទប់ស្កាត់ការរីករាលដាលនៃជំងឺកូវីដ-១៩ ដែលមានខ្លឹមសារអប់រំដូចខាងក្រោម ៖ (៣ការពារ) ១- ពាក់ម៉ាស ២- លាងដៃ ៣- គម្លាតសុវត្ថិភាពសង្គម និងគម្លាតសុវត្ថិភាពបុគ្គល ដោយចាប់ពី ១ម៉ែត្រកន្លះឡើងទៅ ឲ្យបានគ្រប់គ្នា នៅគ្រប់ទីកន្លែង និងអនុវត្តឲ្យបានគ្រប់គ្នា។
(៣កុំ ) ១- កុំចូលទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូល។២- កុំទៅកន្លែងមានមនុស្សច្រើនកុះករ ។ ៣- កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម ពេលជួបគ្នា អ្នកមានផ្តាសាយ ឬសង្ស័យមានជំងឺកូវីដ-១៩ កុំចេញក្រៅ ឬកុំមកកន្លែងធ្វើការ ហើយត្រូវទាក់ទងទៅគ្រូពេទ្យ ។
(២ចូលរួម ) ១-ចូលរួម ក្នុងយុទ្ធនាការ ទទួលវ៉ាក់សាំងប្រឆាំងកូវីដ ១៩។ ២-ប្រើQR Code Stop COVID ដើម្បីទប់ស្កាត់រោគរាតត្បាត។
ឆ្លៀតក្នុងឱកាសនោះ ឯកឧត្តមឧកញ៉ា អនុប្រធានអចិន្ត្រៃយ៍គណៈកម្មាធិការសាខា និងគណៈកម្មាធិការសាខា បានពិនិត្យទៅលើវឌ្ឍនភាពការងាររបស់អនុសាខាស្រុកពោធិ៍រៀង ឯកឧត្តម ឧកញ៉ា អនុប្រធានអចិន្ត្រៃយ៍ បានសរសើរដល់គណៈកម្មាធិការអនុសាខាស្រុកពោធិ៍រៀង ដែលបានខិតខំប្រឹងប្រែងការងារមនុស្សធម៌ឲ្យបានកាន់តែប្រសើរ។ នាឱកាសនោះ សាខាខេត្ត បានចូលរួមបុណ្យគ្រួសារសពស្លាប់ដោយសាររន្ទះបាញ់ស្លាប់ ១នាក់ នៅភូមិខ្សុំជើង ឃុំកំពង់ពពិល ស្រុកពារាំង ខេត្តព្រៃវែង បច្ច័យចំនួន ៤០០,០០០រៀល៕
អត្ថបទ៖ សៅគ្រី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង