ព័ត៌មានជាតិ
តុលាការដោះលែងកូនប្រសាឧកញ៉ាហេង សៀ តែបន្តស៊ើបអង្កេតករណីនេះ
នៅទីបំផុតទៅកូនប្រសារបស់លោកឧកញ៉ា ហេង សៀ ដែលត្រូវបាននាំខ្លួនទៅតុលាការនៅព្រឹកថ្ងៃទី១៧ ខែឧសភានេះ ពីបទសង្ស័យផលិតរូបភាពអាសអាភាសត្រូវបានតុលាការសម្រេចដោះលែងវិញ និងបន្តការស៊ើបអង្កេតស្រាវជ្រាវ រកប្រភពនៃការផលិតរូបភាពអាសអាភាសទាំងនោះ ដែលបានចែកចាយនៅលើបណ្ដាញសង្គម។
សេចក្ដីថ្លែងការណ៍របស់អយ្យកាអមសាលាដំបូងរាជធានីភ្នំពេញបញ្ជាក់ថា ឈ្មោះ ឃន ឈុនតារា កូនប្រសាឧកញ៉ា ហេង សៀ និងកូនស្រី តាំង គឹមហៀង ពិតជាបានជ្រើសរើសមនុស្ស២នាក់ គឺស្រីម្នាក់ និងបុរសម្នាក់ដែលមានលក្ខណៈប្រហាក់ប្រហែលកញ្ញា មាន ពេជ្ររីតា និងលោកឧកញ៉ា ហេង សៀ ក្នុងរថយន្តកើតហេតុ ព្រមទាំងមានវីដេអូឃ្លីបនៃការធ្វើត្រាប់តាមអង្គហេតុក្នុងរថយន្តជាភស្តុតាងសំអាង ប៉ុន្តែពុំមានភស្តុតាងណាមួយ អំពីការផលិតជាវីដេអូអាសអាភាស ឬរូបភាពអាសអាភាសដែលត្រូវបានចែកចាយក្នុងបណ្ដាញសង្គមឡើយ។
សាលាដំបូងរាជធានីភ្នំពេញ ឱ្យដឹងទៀតថា កូនប្រសារបស់ឧកញ៉ា ហេង សៀ លោកឃន ឈុនតារា បានឆ្លើយប្រាប់សមត្ថកិច្ចថា ខ្លួនបានទទួលរូបអាសអាភាសដែលមានប្រភពមិនច្បាស់លាស់តាមបណ្ដាញសង្គម និងបានចែករំលែករូបភាពទាំងនោះតាម WhatsApp និង Telegram ទៅកាន់មនុស្សចំនួ៧នាក់។
អយ្យកាអមសាលាដំបូងរាជធានីភ្នំពេញបានពិនិត្យស៊ើបអង្កេតលើករណីនេះ និងបានសម្រេចដោះលែងលោក ឃន ឈុនតារា កូនប្រសាឧកញ៉ា ហេង សៀ និងកូនស្រី តាំង គឹមហៀង និងសម្រេចបន្តការស៊ើបអង្កេតស្រាវជ្រាវប្រភពនៃការផលិតរូបភាព ដែលបានចែកចាយនៅលើបណ្ដាញសង្គម។
គួរបញ្ជាក់ថា ជនសង្ស័យ ឃន ឈុនតារា កូនប្រសាឧកញ៉ា ហេង សៀ ដែលត្រូវបានតុលាការសម្រេចដោះលែងឱ្យត្រឡប់ទៅផ្ទះវិញ ខណៈដែលលោកក៏បានចេញលិខិតបំភ្លឺ និងសូមភ័យទោសចំពោះការចែកចាយរូបភាពមិនសមរម្យមួយសន្លឹកទៅកាន់មនុស្ស៧នាក់។
ចំពោះការផលិតវីដេអូវិញ លោក ឃន ឈុនតារា បានសារភាពថា កាលពីថ្ងៃទី១៤ ខែឧសភា លោកពិតជាបានស្វែងរក និងជ្រើសរើសមនុស្សចំនួនពីរនាក់ ដើម្បីថតជាវីដេអូឃ្លីប ធ្វើត្រាប់តាមអង្គហេតុដែលបានកើតឡើងក្នុងរថយន្ត គឺដើម្បីស្វែងយល់ឱ្យបានច្បាស់លាស់អំពីដំណើររឿងតែប៉ុណ្ណោះ។ លោកថា ការជ្រើសរើសមនុស្សទាំងពីរនាក់នេះពុំមែនដើម្បីផលិតវីដេអូអាសអាភាសនោះទេ៕ អត្ថបទ៖ ឡេង ដេត
-
ព័ត៌មានជាតិ១៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)