ព័ត៌មានជាតិ

អាជ្ញាធរខេត្តក្រុងសហការជាមួយសមត្ថកិច្ចចម្រុះអនុវត្តវិធានការរដ្ឋបាល រើរុះតូបលក់ដូរនៅជួរដើមស្រល់មុខផ្សារឆ្នាំង

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

កំពង់ឆ្នាំង ៖ អាជ្ញាធរខេត្តនិងក្រុងកំពង់ឆ្នាំងនៅថ្ងៃទី១៧ ខែឧស ភានេះ បានសហការជាមួយសមត្ថ កិច្ចចម្រុះ ចុះអនុវត្តវិធានការរដ្ឋបាលរើរុះតូបលក់ដូរនៅជួរដើមស្រល់មុខផ្សារឆ្នាំង ក្នុងក្រុងកំពង់ឆ្នាំងក្រោយពីបានផ្សព្វផ្សាយជូនដំណឹងអស់រយៈ ពេល៤ ថ្ងៃរួចមក ។ ជាក់ ស្តែងពេលឃើញអាជ្ញាធរខេត្តក្រុងនិង សមត្ថកិច្ចចម្រុះចុះមកច្រើន បែបនេះ ម្ចាស់តូបលក់ដូរនៅជួរដើមស្រល់នៅល្ងាចថ្ងៃទី១៧ នេះបានផ្អើលនាំគ្នារុះរើតូបខ្លួនឯងបានជាង ៩០ ភាគរយហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលចរាចរណ៍ផ្លូវ គោកខេត្តកំពង់ឆ្នាំងដែលបានដាក់កម្លាំងបិទចរាចរណ៍តាមផ្លូវជួរដើមស្រល់នៅមុខវត្តយាយទេព នៅល្ងាចថ្ងៃទី១៧នេះ ដើម្បីឲ្យកម្លាំងចម្រុះអនុវត្តវិធានការរដ្ឋបាល បានអោយដឹងថា នៅល្ងាចនេះគេពិនិត្យឃើញមានវត្តមានលោកអភិបាល ខេត្ត លោកអភិបាលក្រុងចុះមកដឹកនាំដោយផ្ទាល់ក្នុងការអនុវត្តវិធានការរដ្ឋបាលនេះ។

ដោយឡែកអាជីវករលក់ដូរវិញពេលឃើញវត្តមានលោកអភិបាល ខេត្ត និងលោកអភិបាលក្រុងចុះ មកដឹកនាំបែបនេះក៏នាំស្ម័គ្រចិត្តរុះរើសតូបលក់ដូរដោយ ខ្លួនឯងជា បន្តបន្ទាប់។ ជាមួយគ្នានេះដែរគេក៏ពិនិត្យឃើញមានរថយន្តដឹកដីប្រ មាណ ១០ គ្រឿងបានដឹកដីយ៉ាង សកម្ម ចាក់លុបនៅតាមទីតាំងតូបដែលបានរុះរើនោះចេញភ្លាមៗផងដែរ ដើម្បីធ្វើទីទួលសុវត្ថិភាពឱ្យបា នរួចរាល់មុនទឹកទន្លេឡើងទៅតាមផែនការដែលបានផ្សព្វផ្សាយ។

សមត្ថកិច្ចបានបញ្ជាក់ថាគិតត្រឹមម៉ោង ៥ ល្ងាចថ្ងៃទី១៧ ខែឧសភានេះ តូបលក់ដូរប្រមាណ ៩០% បានរុះរើអស់ ។ ចំណែកតូបប្រ មាណ ១០ភាគរយទៀត កំពុងរុះរើជាបន្ត ដែលអាចនឹងរុះរើអស់នៅថ្ងៃ ស្អែកទី១៨ ខែឧសភានេះ។

ចំពោះម្ចាស់តូបដែលមិនទាន់រុះរើអស់អាជ្ញាធរណែនាំផងដែរថា បើថ្ងៃស្អែករុះរើមិនអស់នោះទេអាជ្ញាធរមានសមត្ថកិច្ចនិងចាត់វិធានការរដ្ឋ បាលរុះរើតូបនេះឲ្យអស់ដោយមិនទទួលខុសត្រូវលើការបែកបាក់ខូច ខាតនោះឡើយ៕

ដោយ ៖ ឈៀងថារិទ្ធ