ព័ត៌មានជាតិ

រន្ទះបាញ់កុងទ័រភ្លើងក្នុងផ្ទះឆ្លងចរន្តអគ្គិសនី ឆេះផ្ទះ២ ខ្នងនៅក្នុងស្រុកកំពង់ត្រឡាច

បានផុស

៣ years មុន

នៅ

ថ្ងៃអង្គារ ១៨ ឧសភា ២០២១

ដោយ

ផ្ទះ២ខ្នងរងការខូចខាតក្នុងនោះមាន១ខ្នងបានឆេះអស់ទាំងស្រុងនិង១ខ្នងទៀតឆេះអស់មួយចំហៀង ដោយសាររន្ទះបាញ់បណ្ដាលឱ្យឆ្លងចរន្តអគ្គិសនី កាលពីវេលាម៉ោង០៣៖៣០ រសៀលថ្ងៃ ទី១៧ ខែឧសភា ឆ្នាំ២០២១ ស្ថិតនៅភូមិចក ឃុំច្រេស ស្រុកកំពង់ ត្រឡាច ខេត្តកំពង់ឆ្នាំង។ ហេតុការណ៍នេះ មិនបណ្តាលឱ្យមានការប៉ះពាល់ដល់អាយុជីវិតទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលបានឱ្យដឹងថា ផ្ទះទី១ទំហំ ៧ × ៩ ម៉ែត្រ ជញ្ជាំងឈើ ដំបូលស៊ីប្រូ ម្ចាស់ផ្ទះឈ្មោះ ប៉ែន សាវ៉េត ភេទស្រី អាយុ៥២ ឆ្នាំ បានឆេះទាំងស្រុង និងខូចខាតសម្ភារៈរួមមាន:- ម៉ូតូ០១ គ្រឿង ស្រូវ២.៥តោន ម៉ាស៊ីនបូមទឹក០៣ គ្រឿង។ ចំណែកផ្ទះទី២មានទំហំ ៨ × ៦ ម៉ែត្រ ម្ចាស់ផ្ទះឈ្មោះ សោម ជន ជញ្ជាំងឈើ ដំបូលក្បឿង ឆេះអស់មួយ ចំហៀង។

នៅក្នុងហេតុការណ៍នេះសមត្ថកិច្ចនគរបាលផ្នែកអគ្គីភ័យស្រុកកំពង់ ត្រឡាចបានសហការជាមួយប្រជាការពារភូមិ ចេញជួយអន្តរាគមន៍ដោយប្រើប្រាស់រថយន្តពន្លត់អគ្គីភ័យអស់ទឹកចំនួន០១គ្រឿងទើបរលត់ទាំងស្រុង៕

អត្ថបទ៖ ឈៀងថារិទ្ធ

Related Topics:អគ្គិភ័យ