ព័ត៌មានជាតិ
តើបម្រាមគោចរ អាចនឹងដកចេញដែរឬទេនៅថ្ងៃស្អែក ខណៈតំបន់ក្រហម នឹងកាន់តែរួមតូច?
គិតរហូតមកដល់ពេលនេះ បម្រាមគោចរនៅក្នុងរាជធានីភ្នំពេញដែលបានចាប់ផ្ដើមតាំងពីថ្ងៃទី០១ ខែមេសា ឆ្នាំ២០២១ មានរយៈពេលជាងមួយខែកន្លះហើយ ខណៈតំបន់ក្រហមនឹងរួមកាន់តែតូចជាងមុន ហើយតំបន់លឿងមានលំហកាន់តែធំជាងមុន។
នៅថ្ងៃទី១៩ ខែឧសភាខាងមុខ រាជរដ្ឋាភិបាលកម្ពុជានឹងចេញសេចក្ដីប្រកាស ថាតើបម្រាមគោចរនៅរាជធានីភ្នំពេញនឹងត្រូវបន្តទៀតឫយ៉ាងណា។ លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញ បានបញ្ជាក់ថា៖ «រាជរដ្ឋាភិបាលនឹងចេញសេចក្ដីប្រកាសព័ត៌មានផ្លូវការ ថាតើយើងនឹងបន្តបម្រាមគោចរនេះទៀតឫយ៉ាងណា ដើម្បីទប់ស្កាត់ការឆ្លងរាលដាលនៃជំងឺកូវីដ១៩។»
លោក ម៉េត មាសភក្ដី បានបន្តថា ក្នុងរយៈពេលប៉ុន្មានថ្ងៃចុងក្រោយនេះ ស្ថានភាពនៃការឆ្លងរាលដាលជំងឺកូវីដ១៩នៅរាជធានីភ្នំពេញហាក់បានធូរស្បើយច្រើន ខណៈតំបន់ក្រហមបានរួមមកនៅទំហំកាន់តែតូច ហើយតំបន់លឿងមានលំហកាន់តែធំជាងមុន។
ជាមួយនឹងស្ថានភាពធូរស្បើយនៃការឆ្លងជំងឺកូវីដ១៩ អាជ្ញាធររាជធានីភ្នំពេញគ្រោងនឹងបង្រួមតំបន់ក្រហម ដែលជាតំបន់មានហានិភ័យខ្ពស់នៃការរីករាលដាលជំងឺកូវីដ-១៩មកនៅទំហំតូចជាងមុន រហូតដល់តាមខ្នងផ្ទះ អគារ ឬនៅតាមខុនដូរ ដែលនឹងចាប់ផ្តើមអនុវត្តនៅថ្ងៃ១៩ ខែឧសភាខាងមុខនេះដើម្បីកាត់ផ្តាច់ឬសគល់ជំងឺកូវីដ-១៩ ។
នេះបើតាមការបញ្ជាក់ឲ្យដឹងពី លោក ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងកិច្ចប្រជុំតាមរយៈ video conference ជាមួយអភិបាលខណ្ឌទាំង១៤ នាព្រឹកថ្ងៃទី១៧ ឧសភានេះ។ លោកឃួង ស្រេង បានណែនាំឲ្យអាជ្ញាធរធ្វើការណែនាំ និងផ្សព្វផ្សាយអោយបងប្អូនប្រជាពលរដ្ឋ ប្រកាន់ភ្ជាប់នូវវិធានការការពាររបស់ក្រសួងសុខាភិបាល ពិសេសគឺការអនុវត្តបីកុំនិង៣ការពារ។
ចំពោះទីតាំងតំបន់ក្រហម ម្ចាស់មូលដ្ឋានត្រូវតែទទួលខុសត្រូវ អនុវត្តឲ្យបានម៉ឺងម៉ាត់បំផុត ជៀសវាង ការនាំជំងឺកូវីដ-១៩ពីតំបន់ក្រហមនេះ ទៅទីតាំងគេផ្សេងទៀត។ យើងសុខចិត្តឈឺចាប់នៅក្នុងមូលដ្ឋានរបស់យើង កុំឲ្យបន្តការឈឺចាប់ទៅមូលដ្ឋានគេផ្សេង។
គួរបញ្ជាក់ថា រដ្ឋបាលរាជធានីភ្នំពេញបានដាក់បម្រាមគោចរហាមមិនអោយប្រជាពលរដ្ឋធ្វើដំណើរនៅពេលយប់ចាប់ពីម៉ោង ៨យប់ ដល់ ៥ភ្លឺ តាំងពីថ្ងៃទី០១ ខែមេសា ឆ្នាំ២០២១មកម្លេះ ដើម្បីទប់ស្កាត់ការឆ្លងរាលដាលនៃជំងឺកូវីដ១៩។
អត្ថបទ៖ វ៉ាត វិន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម២២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ