ព័ត៌មានជាតិ
មន្ទីរពិសោធន៍ខេត្តព្រះសីហនុកំពុងខ្វះខាតសម្ភារ:វិភាគរកមេរោគកូវីដ-១៩អភិបាលខេត្តបញ្ជាទិញបន្ថែម
ភ្នំពេញ ៖ បច្ចុប្បន្នមន្ទីរពិសោធន៍រកមេរោគកូវីដ-១៩ នៅក្នុងមន្ទីរពេទ្យបង្អែកខេត្តព្រះសីហនុកំពុងជួបប្រទះនូវការខ្វះខាតសម្ភារៈក្នុងការវិភាគរកមេរោគកូវីដ-១៩ហើយរដ្ឋបាលខេត្ដបាននឹងកំពុងបញ្ជាទិញបន្ថែមដើម្បីឲ្យមន្ទីរពិសោធន៍នេះដំណើរការដោយរលូន។
លោកគួច ចំរើន អភិបាលខេត្តព្រះសីហនុ បានមានប្រសាសន៍ថា នៅពេលមន្ទីរពិសោធន៍រកមេរោគកូវីដ-១៩បើកដំណើរការដំបូងក្រោមជំនួយឧបត្ថម្ភរបស់រដ្ឋាភិបាលនៃសាធារណរដ្ឋប្រជាមានិតចិនរួមមានម៉ាស៊ីនពិសោធន៍ និងសម្ភារៈពិសោធន៍សម្រាប់ពិសោធន៍បានតែចំនួន ២.០០០សំណាកតែប៉ុណ្ណោះ ដោយសារតែខេត្តព្រះសីហនុ មានការផ្ទុះនូវជំងឺកូវីដ-១៩ មានទំហំធំ តម្រូវការវិភាគជំងឺកូវីដ-១៩ ជូនប្រជាពលរដ្ឋមានចំនួនច្រើន។
ថ្លែងក្នុងឱកាសអញ្ជើញអមដំណើរលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលដើម្បីត្រួតពិនិត្យមន្ទីរពិសោធន៍វេជ្ជសាស្ត្ររកមេរោគកូវីដ-១៩ នៅមន្ទីរពេទ្យបង្អែកខេត្តព្រះសីហនុនៅថ្ងៃទី១៨ ខែឧសភានេះ លោកអភិបាលខេត្តបានបន្តថា រដ្ឋបាលខេត្ដបាននឹងកំពុងបញ្ជាទិញសម្ភារៈវិភាគសំណាករកកូវីដ ១៩បន្ថែមទៀតដើម្បីឲ្យមន្ទីរពិសោធន៍នេះដំណើរការដោយរលូន។
លោកវេជ្ជបណ្ឌិត ផេង សេច័ន្ទគ្រឹះស្នា អ្នកសម្របសម្រួលរួម នៃមន្ទីរពិសោធន៍ខេត្តព្រះសីហនុ បានឲ្យដឹងថា មន្ទីរពិសោធន៍នេះ មានបុគ្គលិកចំនួន ១០នាក់ ដើម្បីបម្រើសេវាពិសោធន៍ជំងឺទូទៅ ពិសេសជំងឺកូវីដ-១៩។
លោកបានបន្តថា ប្រសិនបើមានសម្ភារៈគ្រប់គ្រាន់ គឺយើងអាចវិភាគរកមេរោគកូវីដ-១៩ ចន្លោះពី៣០០ ទៅ ៤០០នាក់ ក្នុងមួយថ្ងៃ។
លោក សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានណែនាំដល់ក្រុមគ្រូពេទ្យផ្នែកមន្ទីរពិសោធន៍នៅខេត្តព្រះសីហនុត្រូវយកចិត្តទុកដាក់ក្នុងការវិភាគរកមេរោគកូវីដ-១៩ ពិសេសមេរោគបម្លែងថ្មី ដែលមានហានិភ័យខ្ពស់។
លោករដ្ឋមន្ត្រីក៏បានណែនាំឲ្យក្រុមគ្រូពេទ្យត្រូវបង្កើនការប្រុងប្រយ័ត្នថែមទៀតដូចជាធ្វើអនាម័យជាប់ជាប្រចាំ កុំធ្វេសប្រហែសដើម្បីចៀសវាងការឆ្លងជំងឺកូវីដ-១៩ មកខ្លួនរបស់យើង។
លោក គួច ចំរើន បានថ្លែងអំណរគុណដល់ក្រសួងសុខាភិបាលដែលបានជួយឧបត្ថម្ភនូវសម្ភារៈ Rapid Test រួមផ្សំការបញ្ជាទិញរបស់រដ្ឋបាលខេត្តក្នុងការយកសំណាកប្រជាពលរដ្ឋក្នុងតំបន់បិទខ្ទប់ឬតំបន់ក្រហមដែលបានបញ្ចប់កាលពីថ្ងៃទី១៣ ខែឧសភា ឆ្នាំ២០២១ កន្លងមក បានធ្វើឲ្យអត្រាឆ្លងជំងឺកូវីដ-១៩ មានការថយចុះ៕
ដោយ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង