អាវុធហត្ថរាជធានី បញ្ចេញរថយន្តធុនធំ ដើម្បីដំណើរម៉ាស៊ីន ឲ្យបានល្អក្នុងភារកិច្ចបម្រើសន្តិសុខសុវត្ថិភាពជូនប្រជាពលរដ្ឋ

ដើម្បីភារកិច្ចបម្រើសន្តិសុខសុវត្ថិភាពជូនប្រជាពលរដ្ឋកាន់តែល្អប្រសើឡើងថែមទៀតនោះ កងរាជអាវុធហត្ថរាជធានីភ្នំពេញ នៅថ្ងៃម្សិលមិញ និងថ្ងៃនេះ បានចេញរថយន្តដឹកជញ្ជូន និងរថយន្តបម្រើប្រតិបត្តិការធុនធំរបស់ខ្លួន រត់លើផ្លូវ ក្នុងការត្រួតពិនិត្យលក្ខណៈបច្ចេកទេស រឺដាស់ម៉ាស៊ីន សាកអាគុយ និងពង្រឹងដៃចង្កូត បន្ទាប់ពីទុកចោលក្នុងអង្គភាពពុំបានចេញប្រត្តិបតិ្តការអស់មួយរយៈធំ ក្នុងអំឡុងពេលនៃការបិទខ្ទប់ ភូមិសាស្រ្តរាជធានីភ្នំពេញ។

ជានិច្ចកាល អាវុធហត្ថរាជធានីភ្នំពេញ ក្រោមការដឹកនាំបញ្ជាពីឧត្តមសេនីយ៍ឯក រ័ត្ន ស្រ៊ាង តែងតែម្ចាស់ការទទួលខុសត្រូវ ត្រៀមលក្ខណៈជាស្រេចទាំងកម្លាំងប្រតិបត្តិការ មធ្យោបាយ សម្ភារៈ ដើម្បីទុកប្រើប្រាស់ពេលមានហេតុការចាំបាច់ ជាយថាហេតុផ្សេងៗ ក៏ដូចជាត្រៀមចេញបំពេញបេសកកម្មបំរើប្រជាពលរដ្ឋតាមបទបញ្ជាថ្នាក់លើ ។ដូច្នេះការថែរទាំ លក្ខណៈបច្ចេកទេស លើមធ្យោបាយសម្ភារៈ ត្រូវបានលោកមេបញ្ជាការ ចាត់ទុកជាអទិភាពចាំបាច់សម្រាប់បណ្តាអង្គភាពចំណុះត្រូវអនុវត្តឲ្យបាន ជាប់ជាប្រចាំខណៈពេលចេញប្រតិបត្តិការបំរើប្រជាពលរដ្ឋនិងសង្គមជាតិ៕

អត្ថបទ ៖ វិមាន