ព័ត៌មានជាតិ

អភិបាលខេត្តកំពង់ស្ពឺ សុំទោស សន្យាមិនលើកលែងទង្វើអសីលធម៌សន្តិសុខផ្សារកំពង់ស្ពឺ

បានផុស

៣ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

នៅព្រឹកថ្ងៃទី២០ ខែឧសភា ឆ្នាំ២០២១ នេះ ឯកឧត្តម វុី សំណាង អភិបាលខេត្តកំពង់ស្ពឺ បានសម្តែងក្តីសោកស្តាយចំពោះហេតុការណ៍ ដែលសន្តិសុខផ្សារកំពង់ស្ពឺម្នាក់ បានទាត់កញ្ច្រែងក្មេងស្រីលក់ព្រីងម្នាក់កំពប់ពេញដី ដែលជាទង្វើអសីលធម៌ ខ្វះការយោគយល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខេត្តបានលើកឡើង ក្រោយពីបានឃើញការបង្ហោះរឿងសន្តិសុខផ្សារកំពង់ស្ពឺ ទាត់កញ្ច្រែងក្មេងស្រីលក់ព្រីង បណ្ដាលឱ្យកំពប់ពេញដី គឺជាទង្វើអសីលធម៌ និងគួរឲ្យសោកស្តាយ។ ក្នុងនាមក្រុមប្រឹក្សាខេត្ត គណៈអភិបាលខេត្ត និងរូបលោកផ្ទាល់សុំអភ័យទោសចំពោះទង្វើមិនគប្បីនេះ។

លោកបានថ្លែងបញ្ជាក់ថា ទង្វើអសីលធម៌របស់សន្តិសុខផ្សារកំពង់ស្ពឺបែបនេះ គឺមិនអាចលើកលែងបានឡើយ។

យ៉ាងណា លោកទទូចដល់បងប្អូនអាជីវករ ក៏ដូចជាប្រជាពលរដ្ឋទាំងអស់សូមមេត្តារក្សាឲ្យបាននូវសណ្ដាប់ធ្នាប់សាធារណៈដោយជៀសវាងគិតតែប្រយោជន៍ខ្លួន ភ្លេចអំពីផលប៉ះពាល់ដល់ប្រយោជន៍អ្នកដទៃ ដែលត្រូវការប្រើប្រាស់ផ្លូវ៕