ព័ត៌មានជាតិ
មិនទាន់ស្រាកស្រាន្តកូវីដ១៩ផង ពលករខ្មែរ១២នាក់ លួចឆ្លងដែនទៅរកការងារ ត្រូវកម្លាំងទាហានថៃចាប់បាន
ពលករខ្មែរ លួចឆ្លងដែនទៅរកការងារធ្វើនៅប្រទេសថៃខុសច្បាប់១២នាក់ ត្រូវកម្លាំងទាហានថៃចាប់ប្រគល់ឲ្យសមត្ថកិច្ចខ្មែរវិញហើយ បានយកទៅចត្តាឡីស័កនៅស្រុក ថ្មពួក១៤ថ្ងៃ ទើបអនុញ្ញាតឲ្យវិលត្រឡប់ទៅផ្ទះវិញ នៅវេលាម៉ោង ៣រសៀល ថ្ងៃទី២០ ខែឧសភា ឆ្នាំ២០២១។
គួរបញ្ជាក់ដែរថានៅវេលាម៉ោងជិត៣រសៀលនោះកម្លាំងទាហានបូផារបស់ថៃ បានធ្វើការឃាត់ខ្លួនពលករខ្មែរលួចឆ្លងដែនខុសច្បាប់ចំនួន១២នាក់ នៅព្រំដែនស្រុកតាព្រះយ៉ា ខេត្តស្រះកែវ ពេលពួកគេកំពុងលួចឆ្លងដែនទៅធ្វើការនៅក្នុងខេត្តនគររាជសីម៉ា។ កម្លាំងទាហានបូផារបស់ថៃបាននិយាយថា ការឃាត់ខ្លួនពលករខ្មែរនេះ អនុវត្តតាមបទបញ្ជាពីមេបញ្ជាការកងកម្លាំងបូផាថៃឲ្យទប់ស្កាត់ពលករខ្មែរ ដែលលួចឆ្លងដែនចូលប្រទេសដោយខុសច្បាប់ រួមទាំងការពារការរាតត្បាតជំងឺកូវីដ-១៩ផងដែរ។
កងកម្លាំងសមត្ថកិច្ច តាព្រះយ៉ា បានចាត់កម្លាំងល្បាតតាមបន្ទាត់ព្រំដែនកម្ពុជា-ថៃ នឹងឃ្លាំមើលនៅបរិវេណភូមិ ទ័ពសៀម ឃុំតា ព្រះយ៉ា ស្រុកតា ព្រះយ៉ា ខេត្តស្រះកែវ ហើយបានឃើញពលករខ្មែរមួយក្រុមកំពុងធ្វើដំណើរតាមច្រករបៀង ពីខាងប្រទេសកម្ពុជាចូល ត្រង់បរិវេណបង្គោលឡាក់48P TA 584361ភូមិទ័ពសៀម ឃុំតា ព្រះយ៉ា ចូលមកដីថៃទើបសមត្ថកិច្ចចាប់ឃុំខ្លួនសួរនាំតែម្តង។ ការឃាត់ខ្លួននោះមានសុទ្ធតែជាជនជាតិខ្មែរ១២នាក់ ក្នុងនោះប្រុស៥ ស្រី៥ និងក្មេង២នាក់។
ពលករទាំងអស់បានសារភាពថា ពួកគាត់ត្រូវទៅស៊ីឈ្នួលធ្វើការចម្ការដំឡូង ក្នុងទឹកដីខេត្តនគរ រាជសីម៉ា ក្រោយពីសមត្ថកិច្ចថៃឃាត់ខ្លួនធ្វើការវាស់កម្ដៅ ជាលទ្ធផលឃើញធម្មតាទាំង១២នាក់។ សមត្ថកិច្ចថៃបានធ្វើកំណត់ហេតុបញ្ជូនឲ្យវិលត្រឡប់មកប្រទេសកម្ពុវិញ តាមប៉ុស្តិ៍ត្រួតពិនិត្យ ស៣៨ ភូមិ ណងម៉ាកមុន ស្រុកគោកឃ្យូង ច្រកអូរបីជាន់ ខេត្តបន្ទាយមានជ័យ សមត្ថកិច្ចកម្ពុជានៅទីនោះបានទទួលយកទៅធ្វើចត្តាឡីស័កទាំង១២នាក់នៅស្រុកថ្មពួកផងដែរ៕
អត្ថបទ៖ វ៉ាន់ ណាង
សូមចុចអាន៖ នៅរាជធានីភ្នំពេញនឹងបញ្ចប់ការចាក់វ៉ាក់សាំងរួចរាល់ដំណាច់ខែក្រោយ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល