ស្នាមញញឹម ម៉ែ ផល្លា ក្រោយជាសះស្បើយពីជំងឺកូវីដ

មហាជន​ និង​អ្នកគាំទ្រ​ពិតជា​សម្តែង​អារ​ម្មណ៍​រំភើប​ខ្លាំង​ នៅពេលបានឃើញ​រូបភាព​ជាច្រើន​ដែល​បង្ហាញ​ពី​ស្នាមញញឹម​ពោរពេញ​ដោយ​ក្តីស្រលាញ់​របស់​ក្រុមគ្រូពេទ្យ​​និង​តារា​សម្តែង​ជើងចាស់​ម៉ែ ផល្លា ក្រោយ​ជាសះស្បើយ​ពី​ជំងឺ​កូ​វីដ​-១៩​។​

តារា​សម្តែង​ជើងចាស់​អ្នកស្រី អ៊ឹម ផល្លា​ ហៅ​ម៉ែ​ ផល្លា​ បានបញ្ជាក់​ប្រាប់​កម្ពុ​ជាថ្មី​ កាលពី​រសៀល​ថ្ងៃទី​១៩​ ខែឧសភា ​ឆ្នាំ​២០២១​ថា​ ​គាត់​បានជា​សះស្បើយ​ពី​ជំងឺ​កូ​វីដ​-១៩​ហើយ​ តែកូនស្រី​របស់គាត់​ដែល​ឆ្លង​កូ​វីដ​ដែរនោះ​ កំពុង​រង់ចាំ​លទ្ធផល​សំណាក់​លើក​ទី​២​។​

ម៉ែ ផល្លា បាន​បន្តថា​ អ្នកស្រី​ត្រូវបាន​ក្រុមគ្រូពេទ្យ​ចេញ​លិខិតបញ្ជាក់​ដោយ​អនុញ្ញាត​ឲ្យ​ចេញទៅ​ផ្ទះ​ហើយ នឹង​ត្រូវ​បន្តធ្វើ​ច​ត្តា​ឡី​ស័ក​១៤​ថ្ងៃ​ទៀត​។ ​ប៉ុន្តែ​ដោយសារ​កូនស្រី​មិនទាន់​ទទួលលទ្ធផល​ទើប​គាត់​សុំ​គ្រូពេទ្យ​ស្នាក់នៅ​បន្ត​ដើម្បី​រង់ចាំ​ចេញទៅ​ជាមួយ​កូន​ព្រម​គ្នា​។

អត្ថបទ ៖ ចាន់​រ៉ា​