ក្នុង​កិច្ច​សន្ទនា​ពិសេស​ សម្តេចតេជោ ផ្តល់​ម៉ាស​២លាន និងបរិក្ខារ​ពេទ្យ​ជូន​នាយករដ្ឋមន្ត្រី​ឡាវ​ – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ក្នុង​កិច្ច​សន្ទនា​ពិសេស​ សម្តេចតេជោ ផ្តល់​ម៉ាស​២លាន និងបរិក្ខារ​ពេទ្យ​ជូន​នាយករដ្ឋមន្ត្រី​ឡាវ​

Published

on

ភ្នំពេញ ៖ ក្នុង​កិច្ចសន្ទា​ពិសេស​ រវាង​សម្តេច​តេ​ជោ ហ៊ុន សែន និង​នាយករដ្ឋមន្ត្រី​ឡាវ ក៏បាន​ពិភាក្សា​គ្នា​អំពី​កិច្ចសហប្រតិបត្តិការ និង​យកចិត្តទុកដាក់​ប្រយុទ្ធប្រឆាំង​ជាមួយ​ជំងឺ​កូ​វីដ​១៩ និងបាន​ផ្តល់​ម៉ាសចំនួន២លាន និង​បរិក្ខារ​ពេទ្យ​មួយ​ចំនួន​ជូន​នាយករដ្ឋមន្ត្រី​ឡាវ។

សម្តេច​​ប្រកាស​ផ្តល់​ជំនួយ​ម៉ាស​នេះ នៅ​រសៀល​ថ្ងៃទី​១៤ ខែវិច្ឆិកា ឆ្នាំ​២០២០​ ខណៈពេល​លោក​នាយករដ្ឋមន្ត្រី​ឡាវ សួរសុខ​ទុក ដើម្បី​ចូលរួម​ប្រយុទ្ធប្រឆាំង​ជាមួយ​ជំងឺ​កូ​វីដ​១៩ នេះ​បើតាម​ប្រសាសន៍​របស់​សម្តេច​តេ​ជោ។​

ការប្រកាស​ផ្តល់ជំនួយ​ម៉ាស់​ចំនួន​២​លាន និង​បរិក្ខារ​ពេទ្យ​មួយចំនួន​របស់​សម្តេច​នៅពេលនេះ ធ្វើឡើង​ខណៈ​លោក ថង​លូន ស៊ី​ស៊ូ​លី​ត នាយករដ្ឋមន្ត្រី​ប្រទេស​ឡាវ បាន​ទូរស័ព្ទ​ដោយផ្ទាល់​សាកសួរ​សុខទុក្ខ​អំពី​ស្ថានភាព​សុខភាព​របស់​សម្តេច​តេ​ជោ ហ៊ុន សែន និង​សម្តេច​កិត្តិ​ព្រឹទ្ធ​បណ្ឌិត ដែល​កំពុង​ធ្វើ​ច​ត្តា​ឡី​ស័ក​នៅ​គេហដ្ឋាន នា​រសៀល​ថ្ងៃទី​១៤ ខែវិច្ឆិកា ឆ្នាំ​២០២០​នេះ​។​

​សម្តេច​តេ​ជោ ហ៊ុន សែន បាន​មានប្រសាសន៍​បញ្ជាក់ថា លោកស្រី យក់ សម្បត្តិ រដ្ឋលេខាធិការ ក្រសួងសុខាភិបាល នឹង​នាំយក​ម៉ាស់ និង​បរិក្ខារ​ពេទ្យ​ដែល​សម្រាប់​បម្រើ​ការងារ​លើ​ការប្រយុទ្ធប្រឆាំង​ជំងឺ​កូ​វីដ​១៩​ទាំងអស់ ដឹក​តាម​យន្តហោះ​ទៅកាន់​ប្រទេស​ឡាវ​នៅ​ព្រឹក​ថ្ងៃ​ច័ន្ទ សប្តាហ៍​ក្រោយ​។​

​ការផ្តល់​ជំនួយ​នេះ​បាន​បង្ហាញ​ពី​ទឹកចិត្ត​ដ៏​ធំធេង​របស់​កម្ពុជា​នៅ​កាលៈទេសៈ​ពេលនេះ ដែល​ពិភពលោក​កំពុង​រួមគ្នា​ប្រយុទ្ធប្រឆាំង​ជាមួយ​ជំងឺ​កូ​វីដ​១៩​។​

​សូម​ជំរាប​ថា លទ្ធផល​ធ្វើតេស្ត​រក​មេរោគ​កូ​វីដ​១៩ របស់​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា និង​សម្តេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន និង​អ្នក​នៅ​ជុំវិញ សម្តេច​ទាំងអស់ នា​ថ្ងៃទី​១៤ ខែវិច្ឆិកា ឆ្នាំ​២០២០​ទទួលបាន​លទ្ធផល «​អវិជ្ជមាន​»​។ សម្តេច​តេ​ជោ​បានបញ្ជាក់​ដូច្នេះ​ថា​៖ «​នៅ​ព្រឹក​ថ្ងៃទី​១៤ វិច្ឆិកា ឆ្នាំ​២០២០​នេះ ក្រុមគ្រូពេទ្យ​បាន​យក​សំណាក​ទៅធ្វើ​តេស្ត​ជា​លើក​ទី​៣​។ ជា​លទ្ធផល​ទាំង​ខ្ញុំ និង​ភរិយា ក៏ដូចជា​បងប្អូន​នៅ​ជុំវិញ​គឺ​អវិជ្ជមាន​កូ​វីដ​-១៩​ទាំងអស់​»៕
កែសម្រួល​ដោយ ៖ នាគព័ន្ធ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ6 mins ago

លទ្ធផល​ជំរឿន​បង្ហាញថា ប្រជាជន​កម្ពុជា​ធ្លាក់ចុះ​នៃ​អត្រា​លទ្ធភាព​បង្កើតកូន​

ព័ត៌មានជាតិ13 mins ago

លោកជំទាវ​ម៉ែន សំអន ឧបត្ថម្ភ​ប្រាក់បៀវត្ស ដើម្បី​ចូលរួម​ជួយ​ដល់​ការប្រយុទ្ធប្រឆាំង​កូ​វីដ ១៩ រយៈពេល ៥​ខែ ជូនទៅ​ក្រសួងសុខាភិបាល

ព័ត៌មានជាតិ23 mins ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ35 mins ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ47 mins ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services