ព័ត៌មានជាតិ
ពលករខ្មែរ៩នាក់លួចចេញទៅប្រទេសថៃទាំងយប់ ត្រូវសមត្ថកិច្ចចាប់បាន ជាមួយមេខ្យល់ម្នាក់ទៀត
ពលករខ្មែរប្រុសស្រីចំនួន០៩នាក់ដោយក្នុងនោះមានមេខ្យល់ម្នាក់ផងបានកំពុងធ្វើដំណើរលួចចូលទៅប្រទេសថៃដោយខុសច្បាប់នៅយប់រំលងអាធ្រាត្រទៀបភ្លឺត្រូវបានកងកម្លាំងផ្នែកសឹករងស្រុកសំពៅលូនឃាត់ខ្លួន។
មន្ត្រីយោធាវរ:សេនាតូចលេខ៥៣៣បានឲ្យដឹងថា កិច្ចប្រតិបត្តិការបង្ក្រាបបទល្មើសខាងលើអនុវត្តឡើងដោយកម្លាំងឈរជើងការពារទប់ស្កាត់ការលួចឆ្លងដែនខុសច្បាប់នៅយប់ថ្ងៃទី២២ខែឧសភាឆ្នាំ២០២១វេលាម៉ោង០២:១០នាទីបានសហការជាមួយកម្លាំងយោធាផ្នែកសឹករង ស្រុកសំពៅលូន បានទប់ស្កាត់និងឃាត់ខ្លួនពលករខ្មែរបានចំនួន០៩នាក់ក្នុងនោះស្រី០៤នាក់ក្មេងស្រី០១នាក់និងអ្នកនាំផ្លូវម្នាក់ផង(មេខ្យល់)។
ប្រភពខាងលើបន្តថាក្រោយបានណែនាំអបរំនិងធ្វើកំណត់ហេតុរួចកម្លាំងបានប្រគល់ពលករខ្មែររួមទាំងមេខ្យល់ឲ្យទៅកម្លាំងជំនាញនៃអធិការដ្ឋាននគបាលស្រុកសំពៅលូនដើម្បីចាត់ការបន្តតាមនីតិវិធី។
សមត្ថកិច្ចនៃអធិការស្រុកបានឲ្យដឹងដែរថាក្រោយធ្វើការអប់រំណែនាំពលករទាំងអស់ត្រូវបានអនុញ្ញាតឱ្យត្រឡប់ទៅផ្ទះវិញដោយសារតែពលករទាំងនោះមិនទាន់ចូលដល់ទឹកដីថៃនៅឡើយ និងបានពិនិត្យត្រឹមត្រូវមិនមានបញ្ហាលើសុខភាព។
ចំណែកស្ត្រីមេខ្យល់ម្នាក់ ឈ្មោះ ថាង ភៀច អាយុ៣៩ឆ្នាំ រស់នៅភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង សមត្ថកិច្ចកំពុងបន្តនីតិវិធីចាត់ការតាមផ្លូវច្បាប់៕សៅ សារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)