ព័ត៌មានជាតិ
ពលករខ្មែរម្នាក់ ដេកស្លាប់ក្រោយផឹកស្រាថ្នាំ យីហោ «ឆ្អឹងខ្លា»
ពលករខ្មែរម្នាក់ ដែលមានមុខនាទីជាជាងភ្លើង ក្នុងខេត្ត ឈុនបុរី ប្រទេសថៃបានស្លាប់នៅក្នុងបន្ទប់ស្នាក់នៅ ដោយមានចំណងជាប់នៅដៃផង ដែលបញ្ហានេះបានធ្វើឲ្យប៉ូលិសថៃ មានមន្ទិលយ៉ាងខ្លាំង និងបង្កការភ្ញាក់ផ្អើលកាលពីព្រឹក ថ្ងៃទី ១៤ ខែ វិច្ឆិកា ឆ្នាំ ២០២០។
ពលករខ្មែររូបនេះ មានឈ្មោះ សង ត្រៀមចិត្រ ភេទប្រុស អាយុ ៣០ ឆ្នាំ មានមុខងារជា ជាងភ្លើង ក្នុងក្រុមហ៊ុនឯកជនមួយ នៅក្នុងខេត្តឈុនបុរី ។
តាមការអះអាងពីសាក្សីដែលស្នាក់នៅក្បែរបាននិយាយថា កាលពីវេលាម៉ោង ៧ និង ៣០ នាទី យប់ថ្ងៃទី ១៣ ខែ វិច្ឆិកា ជនរងគ្រោះរូបនេះបានជួបជុំគ្នាជាមួយមិត្តភ័ក្ដិចំនួន ២ នាក់ ដោយពួកគេបាននាំគ្នាផឹកស្រាថ្នាំយីហោ « ឆ្អឹងខ្លា » អស់ចំនួន ៤ ដបធំ រហូតដល់ម៉ោង ១០ យប់ទើបពួកគេបែកផ្លូវគ្នាចូលទៅសម្រាករៀងៗខ្លួន លុះព្រឹកឡើងនៅពេលដែលមិត្តភ័ក្ដិចូលទៅហៅដើម្បីចេញទៅធ្វើការ ទើបមានការភ្ញាក់ផ្អើលតែម្តង ដោយសារតែឃើញជនរងគ្រោះដេកស្លាប់នៅក្នុងសភាពដៃច្រង៉ាង ។
ដោយឡែកលោក រៀន ហ៊ាន អាយុ ៥០ ឆ្នាំ ត្រូវជា ឪពុកមា បង្កើតរបស់សព បានអះអាងប្រាប់សមត្ថកិច្ចថៃថា នៅព្រឹកថ្ងៃកើតហេតុ បន្ទាប់ពីមានការឆោឡោថា ក្មួយរបស់គាត់បានស្លាប់រួចមក គាត់ក៏បានចូលទៅមើល ហើយក៏បានហៅម្ចាស់ផ្ទះជួលឲ្យមកមើលដែរ ដោយសារតែក្មួយរបស់គាត់ដេកស្លាប់មានលក្ខណៈអាក្រក់មើលពេក គាត់ក៏បានទាញដៃទាំងពីរយកមកចងភ្ជាប់គ្នា រួចក៏បានហៅសមត្ថកិច្ចមកពិនិត្យ ។
ដំបូងឡើយ សមត្ថកិច្ចថៃមានការឈឺក្បាល ដោយគិតថា វាគឺជាករណីឃាតកម្ម ដោយសារតែសពមានការចងដៃជាប់គ្នា ប៉ុន្តែក្រោយពីបានស្តាប់សាក្សីបំភ្លឺ និងក្រោយពីបានពិនិត្យទៅលើរាងកាយសពមិនមានស្លាកស្នាមអ្វីមួយ ដែលអាចពាក់ព័ន្ធទៅនិងករណីឃាតកម្មនោះទេ ទើបប្រគល់សពទៅឲ្យក្រុមអង្គភាពជំនាញដើម្បីធ្វើការតាមនីតិវិធី៕
អត្ថបទ ៖ សោ និយមរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១០ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)