ព័ត៌មានជាតិ
ឃាត់ខ្លួនពលករនិងមេខ្យល់៤នាក់លួចឆ្លងដែនចូលប្រទេសថៃដោយខុសច្បាប់
ពលករខ្មែរ៣នាក់និងមេខ្សល់១នាក់ជាអ្នកនាំផ្លូវទៅប្រទេសថៃដោយខុសច្បាប់ត្រូវ កម្លាំងចម្រុះនគរបាល និងយោធាឃាត់ខ្លួនបាននៅវេលាម៉ោង១២យប់រំលងអាធ្រាត្រ ថ្ងៃទី២៥ ខែឧសភា ឆ្នាំ ២០២១ ខណៈបម្រុងឆ្លងដែនទៅប្រទេសថៃនៅគោលដៅដើមស្តុកស្តោរ ភូមិសាស្ត្រប៉ុស្តិ៍ការពារព្រំដែនអូរសាយ ភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ។
លោកវរសេនីយ៍ឯក ឡុង សំណាង មេបញ្ជាការនគរបាលវរសេនាតូចការពារព្រំដែនគោកលេខ៨០៧ បានឲ្យដឹងថា ពលករ៣នាក់មាន១ឈ្មោះ គុណ ណាង ភេទប្រុសអាយុ៤៤ឆ្នាំ រស់នៅភូមិរូងអំពិលឃុំខ្នាចរមាស ស្រុកបវិលខេត្តបាត់ដំបង។ ២ឈ្មោះ រឿន ស្រីកែវ ភេទស្រីអាយុ២២ឆ្នាំ រស់នៅភូមិរូងអំពិល ឃុំខ្នាចរមាស ស្រុកបវិលខេត្តបាត់ដំបង។ ៣ឈ្មោះ ឆេង ជឿន ភេទប្រុសអាយុ៣៤ឆ្នាំ រស់នៅភូមិព្រៃទទឹង ឃុំបវិលស្រុកបវិល ខេត្តបាត់ដំបង។ ៤មេខ្យល់មានឈ្មោះ គុយ ចាន់ ភេទប្រុសអាយុ២៣ឆ្នាំរស់នៅ ភូមិត្រពាំងសំរោង ឃុំគោករមៀត ស្រុកថ្មពួក ខេត្តបន្ទាយមានជ័យ។លោកមេបញ្ជាការបានបញ្ជាក់ឲ្យដឹងទៀតថា ក្រោយពីឃាត់ខ្លួននិងសួរនាំ ឈ្មោះ គុយ ចាន់ បានឆ្លើយថា គេអ្នកស៊ីឈ្នួលជូនពលករឆ្លងដែនទៅប្រទេសថៃ បន្តពីប្រពន្ធរបស់ឈ្មោះ យិន សៀរអ៊ុយ រស់នៅភូមិត្រពាំងសំរោង ឃុំគោករមៀតស្រុកថ្មពួក ខេត្តបន្ទាយមានជ័យ ក្នុង១នាក់ឈ្នួលជូនក្នុងតម្លៃម្នាក់៤០០បាតតែប៉ុណ្ណោះ ។
ដោយផ្អែកលើចម្លើយសារភាពរបស់ជនសង្ស័យ និងការបំភ្លឺពីពលករទាំង៣នាក់ប្រាប់សមត្ថកិច្ចថា មេខ្យល់បានសន្យាជាមួយពួកគាត់ពេលជូនទៅដល់គោលដៅ យកក្នុងម្នាក់៤០០បាត ទើបពួកខ្លួនឲ្យជូន។
មេខ្យល់ឈ្មោះ គុយ ចាន់ សមត្ថកិច្ចចម្រុះបានប្រគល់ឲ្យនគរបាលប៉ុស្តិ៍រដ្ឋដើម្បីចាត់ការបន្តចំណែកពលករទាំង៣នាក់ ត្រូវសមត្ថកិច្ចចម្រុះបញ្ជូនទៅមណ្ឌលចត្តាឡីស័កនៅស្រុកថ្មពួកឲ្យគ្រប់១៤ថ្ងៃទើបឲ្យវិញទៅផ្ទះវិញ៕
អត្ថបទ ៖ វ៉ាន់ ណាង
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង