ព័ត៌មានជាតិ
នាយឧត្តមសេនីយ៍ នេត សាវឿន ឧបត្ថម្ភថវិកា២,២០០,០០០រៀល ដល់កម្លាំងផែនការងារប្រឆាំងគ្រឿងញៀន
លោកឧត្ដមសេនីយ៍ទោ ហួត សុធី ស្នងការនគរបាលខេត្ត ដោយមានការចូលរួមពី លោកស្នងការរង បានរៀបចំពិធីសំណេះសំណាល និងនាំយកថវិកាសរុបចំនួន ២,២០០,០០០ រៀល (ពីរលានពីររយពាន់រៀលគត់) ដែលជាអំណយដ៏ថ្លៃថ្លារបស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ប្រគល់ជូនដល់កម្លាំងផែនការងារប្រឆាំងគ្រឿងញៀន ការិយាល័យនគរបាលព្រហ្មទណ្ឌកម្រិតធ្ងន់ ប៉ុស្តិ៍នគរបាលរដ្ឋបាលអូរស្មាច់នៃអធិការដ្ឋាននគរបាលក្រុងសំរោង និងប្រជាការពារភូមិរបស់សង្កាត់អូស្មាច់។
ជាការលើកទឹកចិត្ត ក្រោយពីបានខិតខំចូលរួមសហការគ្នា បំពេញភារកិច្ចបំបែកសំណុំរឿងបទល្មើសព្រហ្មទណ្ឌ(បទប៉ុនប៉ងឃាតកម្មមានស្ថានទម្ងន់ទោស) ដោយសារជនរងគ្រោះជារាជការសាធារណៈ ក្នុងការបំពេញមុខងារ ការកាន់កាប់អាវុធដោយគ្មានការអនុញ្ញាត និងការជួញដូរដោយខុសច្បាប់នូវសារធាតុញៀន កាលពីថ្ងៃទី២៣ ខែឧសភា ឆ្នាំ២០២១ ទទួលបានលទ្ធផលល្អប្រសើរ និងធ្វើការឃាត់ខ្លួនបានមេខ្លោងធំៗសរុបចំនួន ០៤នាក់ ផងដែរ ។
ក្នុងនោះ ថវិកាដែលទទួលបានរួមមាន៖
– ផែនការងារប្រឆាំងគ្រឿងញៀន ចំនួន ១,០០០,០០០ រៀល
– ការិយាល័យនគរបាលព្រហ្មទណ្ឌកម្រិតធ្ងន់ ចំនួន ៥០០,០០០ រៀល
– ប៉ុស្តិ៍នគរបាលរដ្ឋបាលអូរស្មាច់ ចំនួន ៥០០,០០០ រៀល
– ប្រជាការពារភូមិចំនួន ០២នាក់ (ម្នាក់ៗទទួលបានចំនួន ១០០,០០០ រៀល) ។
នាឱកាសនោះផងដែរ លោកស្នងការ ក៏បានមានប្រសាសន៍សម្ដែងនូវការអបអរសាទរ និងកោតសរសើរលើកទឹកចិត្តដល់កងកម្លាំងទាំងអស់ ដែលមានការសាមគ្គីភាពគ្នាល្អ និងខិតខំអនុវត្ត ភារកិច្ចបានយ៉ាងល្អប្រសើរផងដែរ៕
អត្ថបទ៖ ចាន់ ធី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)