ព័ត៌មានជាតិ
លោកជំទាវ ម៉ែន សំអនបានប្រគេនទេយ្យទានដល់ព្រះសង្ឃគង់នៅវត្តសារាវ័នតេជោ ក្នុងអំឡុងពេលដែលវត្តត្រូវបានបិទខ្ទប់
ភ្នំពេញ ៖ លោក ហុង ឡុង នាយកខុទ្ទកាល័យ បាននាំយកទេយ្យវត្ថុ និងបច្ច័យរបស់លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ប្រគេនដល់ ព្រះញាណសំវរ ស៊ឹម សយ៉ុង ព្រះរាជាគណថ្នាក់ចត្វា និងជាព្រះគ្រូចៅអធិការវត្តសាវ័នតេជោ ស្ថិតក្នុងខណ្ឌដូនពេញ រាជធានីភ្នំពេញ នាព្រឹកថ្ងៃព្រហស្បត្តិ៍ ១រោច ខែជេស្ឋ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ២៧ ខែឧសភាឆ្នាំ២០២១ក្នុងអំឡុងពេលដែលវត្តត្រូវបានបិទខ្ទប់។
សូមបញ្ជាក់ផងដែរថា វត្តសារាវ័នតេជោ ត្រូវបានបិទខ្ទប់កាលពីថ្ងៃទី២៣ឧសភា ឆ្នាំ២០២១ ដោយសារតែ អនុគណៈកម្មការស្រាវជ្រាវជំងឺកូវីដ១៩ បានរកឃើញមានវិជ្ជមានចំនួន ១០អង្គ/នាក់។ បច្ចុប្បន្ននេះ មានព្រះសង្ឃ និងអ្នករស់នៅក្នុងវត្តសរុបចំនួន ៣៣៤អង្គ/នាក់ ដែលបាននឹងកំពុងធ្វើចត្តាឡីស័កនៅក្នុងវត្តផងដែរ។ ចំណែកឯទេយ្យវត្ថុរបស់លោកជំទាវកិត្តិសង្គហបណ្ឌិត ម៉ែន សំអន ដែលបានយកមកប្រគេនដល់ព្រះសង្ឃនៅក្នុងថ្ងៃនេះ គឺជាការចូលរួមចំណែកក្នុងការសម្រាលនូវការ លំបាករបស់ព្រះចៅអធិការវត្តសាវ័ន្តតេជោ និងចូលរួមចំណែកក្នុងការលើកស្ទួយនៅវិស័យព្រះពុទ្ធសាសនា នៅក្នុងដំណាក់កាលនៃការឆ្លងរីករាដាលនៃជំងឺកូវីដ១៩ ក្នុងគ្រាដ៏លំបាកនេះ។
នាឱកាសនោះ លោក នាយកខុទ្ទកាល័យ លោកជំទាវកិត្តិសង្គហបណ្ឌិតឧបនាយករដ្ឋមន្ត្រីបានថ្លែងនូវការពាំនាំសាកសួរសុខទុក្ខរបស់លោកជំទាវប្រគេននិងជូនពុទ្ធបរិស័ទចំណុះជើងវត្តទាំងអស់នូវ ក្តីគោរពប្រតិបត្តិនិងនឹករលឹកពិសេសសូមប្រតិបត្តិដល់ព្រះសង្ឍ ពុទ្ធបរិស័ទបន្តចូលរួមទាំងអស់គ្នា ចំពោះវិធានការណ៍ ៣កុំ៣ការពារជាប់ជានិច្ចដើម្បីរួមគ្នាប្រឆាំងនឹងជំងឺរាតត្បាតដ៍កាចសាហាវកូវីដ១៩នោះ។
ទេយ្យវត្ថុដែលប្រគេនដល់ព្រះសង្ឃពីសំណាក់លោកជំទាវកិត្តិសង្គហបណ្ឌិតនៅពេលនេះ រួមមាន ៖ទី១.អង្ករ២៥គីឡូក្រាម ៣០បាវ ទី២.ទឹកសុទ្ធ ៣០កេស ទី៣. ម៉ាស់ ៥.០០០ម៉ាស់ ទី៤.ទឹកត្រី ៣០យួរ ទី៥. ទឹកស៊ីអ៉ីវ ៣០យួរ ទី៦.ត្រី ខ ១កេស ទី៧.សាច់ក្រ ៥គីឡូក្រាម ទី៨.ត្រីងៀត ៥គីឡូក្រាម ទី៩.អាល់កុល ១កាន ទី១០. ថវិកាមួយចំនួនទៀតផងដែរ ៕
ដោយ ៖ វិមាន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១២ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)