ព័ត៌មានជាតិ
ឃាត់ខ្លួនមេខ្យល់ និងអ្នកបើករថយន្ត៣នាក់នាំពលករ២៦នាក់ទៅប្រទេសថៃដោយខុសច្បាប់
ដោយមានការចង្អុលបង្ហាញពីឯកឧត្តម ណុប ដារ៉ា អភិបាលរងនៃគណៈអភិបាលខេត្តបាត់ដំបង និងជាប្រធានគណៈកម្មការស្រាវជ្រាវបង្ក្រាបបទល្មើសឆ្លងដែនគ្រប់ប្រភេទ ជាពិសេសបទល្មើសនាំប្រជាពលរដ្ឋចេញ-ចូលក្នុងទឹកដីថៃដោយខុសច្បាប់ កម្លាំងចម្រុះការពារគោលដៅតំបន់ព្រំដែន បានចុះស្ទាក់ឃាត់ខ្លួនមេខ្យល់រួមទាំងអ្នកបើកបររថយន្តចំនួន៣នាក់ ដើម្បីអនុវត្តតាមផ្លូវច្បាប់ ខណ:ជនល្មើសបានដឹកនាំពលករឆ្លងដែនដោយខុសច្បាប់ផ្គើននឹងវិធានការទប់ស្កាត់ជំងឺកូវីដ-១៩។
សមត្ថកិច្ចការពារគោលដៅព្រំដែនបានឲ្យដឹងថា នៅថ្ងៃទី២៩ ខែឧសភា ឆ្នាំ២០២១កន្លងមកនេះកម្លាំងកងការពារព្រំដែនលេខ៥០៤ និងនគរបាលស្រុកសហការជាមួយកម្លាំងកងរាជអាវុធហត្ថស្រុកបានកំណត់មុខសញ្ញាចុះស្ទាក់ឃាត់ខ្លួនមេខ្យល់ និងអ្នកបើកបររថយន្តសរុបចំនួន៣នាក់នៅលើគោលដៅចំនួន២ផ្សេងគ្នា ក្នុងស្រុកកំរៀងខេត្តបាត់ដំបង។
ប្រភពដដែលបន្តថា គោលដៅទី១ ឃាត់ខ្លួនមេខ្យល់បាន១នាក់ មានឈ្មោះ វង្ស ភឿត ភេទប្រុសអាយុ២៩ឆ្នាំ រស់នៅក្នុងភូមិអូរជ្រៃ ឃុំរៀង ស្រុកកំរៀង ដកហូតរថយន្តបាន១គ្រឿងម៉ាកហាយឡិនឌ័រ ពណ៌ខៀវ ពាក់ស្លាកលេខភ្នំពេញ២P.៧១៧៩ និងអ្នកបើកបរម្នាក់ទៀតឈ្មោះ គង់ ថង ភេទប្រុស អាយុ៤០ឆ្នាំ រស់នៅក្នុងភូមិស្ដៅ ឃុំស្ដៅ ស្រុករតនមណ្ឌលបានល្មើសដឹកនាំពលករខ្មែរចំនួន១១នាក់ឆ្លងដែនដោយមិនស្របច្បាប់ចូលទៅប្រទេសថៃត្រង់ចំណុចភូមិសាស្ត្រក្រុមទី៦ភូមិអូរជ្រៃឃុំកំរៀងស្រុកកំរៀង។
គោលដៅទី២ខ្លួនមុខសញ្ញាជនសង្ស័យឈ្មោះ កាន់ ឌីណា ភេទប្រុសអាយុ២៥ឆ្នាំមុខរបររត់តាក់ស៊ីរស់នៅក្នុងភូមិភ្នំ១០០ ឃុំត្រាងស្រុកកំរៀង។ ដកហូតបានរថយន្តម៉ាកសាំយ៉ុង១គ្រឿងទៀតពណ៌សពាក់ស្លាកលេខ ព្រះសីហនុ២A.៦៦៤៩ ដែលជនសង្ស័យបានដឹកប្រមូលពលករពីស្រុកក្រឡាញ់ចំនួន១៥នាក់ចូលភូមិសាស្ត្រស្រុកកំរៀង បម្រុងឆ្លងដែនចូលក្នុងទឹកដីថៃក្បែរបង្គោលសីមាលេខ៦២ស្ថិតនៅក្នុងភូមិរកាបោះ ឃុំកំរៀង ស្រុកកំរៀង។ ខណៈដែលកម្លាំងសមត្ថកិច្ចចុះបង្ក្រាបជនសង្ស័យខាងលើ បានរត់គេចខ្លួនបាត់ តែការគេចខ្លួននេះធ្វើឡើងបានតែប៉ុន្មានម៉ោងសមត្ថកិច្ចតាមឃាត់ខ្លួនបានវិញ។
ជនសង្ស័យមេខ្យល់១នាក់ និងអ្នកបើកបររថយន្តចំនួន២នាក់ទៀត នៅថ្ងៃទី៣០ ខែឧសភាកន្លងមកនេះត្រូវបានសមត្ថកិច្ចកសាងសំណុំរឿង និងបញ្ជូនទៅតុលាការដើម្បីចាត់ការតាមនីតិវិធី។ ដោយឡែកពលករសរុបចំនួន២៦នាក់ដោយសារមិនមានជាប់សង្ស័យមានជំងឺកូវីដ១៩កម្លាំងការិយាល័យជំនាញបានអប់រំណែនាំហើយឲ្យធ្វើកិច្ចសន្យាឈប់ប្រព្រឹត្តិ និងអនុញ្ញាតឲ្យវិលត្រឡប់ទៅកាន់លំនៅស្ថានរៀងៗខ្លួនវិញ៕
អត្ថបទ ៖ សៅ សារិទ្ធ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៣ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)