ពលករខ្មែរ១០នាក់នៅម៉ាឡេស៊ី នឹងមកបញ្ជូនដល់កម្ពុជាវិញ នៅល្ងាចនេះ

នៅ​ល្ងាច​នេះ ​មាន​ពលករ​ខ្មែរ​ចំនួន​១០​នាក់​ថែមទៀត នឹង​ធ្វើ​ដំណើរ​មក​ដល់​ប្រទេស​កម្ពុជា​វិញ ក្រោយ​មាន​ការសហការណ៍ជាមួយស្ថានទូតកម្ពុជាប្រចាំប្រទេសម៉ាឡេស៊ីពលករ។

ដោយមានកិច្ចអន្តរាគមន៍របស់ស្ថានទូតកម្ពុជាប្រចាំប្រទេសម៉ាឡេស៊ីពលករ ពលការិនីខ្មែរ  ចំនួន០៩នាក់ និងកុមារ០១នាក់ នឹងធ្វើដំណើរមកដល់មាតុប្រទេសវិញ តាមជើងយន្តហោះ លេខ SQ158 ថ្ងៃ ទី៣១ ខែឧសភា ឆ្នាំ២០២១ វេលាម៉ោង៥ និង៣៥ នាទីល្ងាច នេះបើតាមការបញ្ជាក់ពីលោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិត្តិការអន្តរជាតិកម្ពុជា។

បើតាមលោក កុយ គួង ស្ថានទូតបានចេញលិខិតធ្វើដំណើរបណ្តោះអាសន្ន ចំពោះអ្នកដែលគ្មានលិខិតឆ្លងដែន និងរៀបចំឯកសារទៅអគ្គនាយកដ្ឋានអន្តោប្រវេសន៍ម៉ាឡេស៊ី ជូនទៅធ្វើតេស្តកូវីដ១៩ ព្រមទាំងបានចាត់មន្រ្តីជូនពួកគាត់ខាងលើទៅអាកាសយានដ្ឋានអន្តរជាតិ KLIA ផងដែរ៕

អត្ថបទ៖ កោះកែវ