ជ្រើសរើស​បុគ្គល​ឆ្នើម​២​រូប​សម្រាប់​ដឹកនាំ​រុករក​អដ្ឋិធាតុ​កងទ័ព​ស្ម័គ្រចិត្ត​វៀតណាម​ក្នុងភូមិ​សាស្ត្រ​ខេត្ត​ព្រះសីហនុ
Connect with us
Helistar Cambodia - Helicopter Charter Services

ព័ត៌មានជាតិ

ជ្រើសរើស​បុគ្គល​ឆ្នើម​២​រូប​សម្រាប់​ដឹកនាំ​រុករក​អដ្ឋិធាតុ​កងទ័ព​ស្ម័គ្រចិត្ត​វៀតណាម​ក្នុងភូមិ​សាស្ត្រ​ខេត្ត​ព្រះសីហនុ

បានផុស

នៅ

រដ្ឋបាលខេត្ត​ព្រះសីហនុ​បានជ្រើសរើស​បុគ្គល​ឆ្នើម ០២​រូប ក្នុងការ​ដឹកនាំ​សម្របសម្រួល និង​អនុវត្ត​កិច្ចសហប្រតិបត្តិការ​កា​រ​រុករក ការជីក​គាស់ និង​ការធ្វើ​មាតុភូមិនិវត្តន៍​នូវ​អដ្ឋិធាតុ​កងទ័ព​ស្ម័គ្រចិត្ត និង​ជំនាញការ​វៀតណាម​ដែល​ពលី​កាលពី​សម័យ​ស​ង្គ្រា​ម​នៅ​កម្ពុជា​ក្នុងភូមិ​សាស្ត្រ​ខេត្ត​ព្រះសីហនុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​លិខិត​លេខ 367/CT-UP ចុះ​ថ្ងៃទី​២៩ ខែមីនា ឆ្នាំ​២០២១ របស់​គណៈកម្មាធិការ​ប្រជាជន​ខេត្ត​គៀង​យ៉ាង ប្រទេស​វៀតណាម រួមជាមួយ​គណៈកម្មកា​រ​ជំនាញ​ខេត្ត​ព្រះសីហនុ (​កម្ពុជា​) បាន​អនុវត្ត​កិច្ចសហប្រតិបត្តិការ​ដោយ​ទទួលបាន​លទ្ធផល​ជាក់ស្តែង បានធ្វើ​ការរុករក ជីក​គាស់​ការធ្វើ​មាតុភូមិនិវត្តន៍​នូវ​អដ្ឋិធាតុ​កងទ័ព​ស្ម័គ្រចិត្ត និង​ជំនាញការ​វៀតណាម​ដែល​ពលី​កាលសម័យ​សង្គ្រាម​នៅ​កម្ពុជា ក្នុងភូមិ​សាស្ត្រ​ខេត្ត​ព្រះសីហនុ បាន​ចំនួន ៥៥​អដ្ឋិធាតុ ហើយ​បាន​បញ្ជូនទៅ​ប្រទេស​វៀតណាម ធ្វើបុណ្យ​រំលឹក​គុណ និង​បញ្ចុះ។

គណៈកម្មាធិការ​ប្រជាជន​ខេត្ត​គៀង​យ៉ាង បាន​ផ្ដល់ជូន​ប័ណ្ណសរសើរ​ជូន​បុគ្គល​ចំនួន ០២​រូប ដែលមាន​ស្នាដៃ​ឆ្នើម​លើ​កិច្ចការងារ​ខាងលើ​ចាប់ពី​ឆ្នាំ ២០១៣-២០២០។

លោក ជាវ វិជ្ជាក់ អភិបាលរង​ខេត្ត​ព្រះសីហនុ ដែល​បាន​ដឹកនាំ​កិច្ចប្រជុំ​ពិភាក្សា​ជ្រើសរើស​បុគ្គល​ឆ្នើម ០២​រូប នៅ​ថ្ងៃទី​៣១​ឧសភា​បាន មានប្រសាសន៍ថា​«​យើង​ត្រូវ​ជ្រើសរើស​មន្ត្រី​ឆ្នើម ០២​រូប ដែលមាន​ពីរ​អង្គភាព ក្នុង​នោះ​មួយអង្គ​ភាព​មន្ត្រី​ឆ្នើម ០១​រូប ដែល​គណៈកម្មាធិការ​ប្រជាជន​ខេត្ត​គៀង​យ៉ាង គ្រោង​នឹង​ផ្តល់​ប័ណ្ណសរសើរ​ដល់​បុគ្គល ០២​រូបនោះ ដែលមាន​ស្នាដៃ​ឆ្នើម​ក្នុង​កិច្ចសហប្រតិបត្តិការ​រុករក ជីក​គាស់ ការធ្វើ​មាតុភូមិនិវត្តន៍​អដ្ឋិធាតុ​កងទ័ព​ស្ម័គ្រចិត្ត និង​ជំនាញការ​វៀតណាម ក្នុងភូមិ​សាស្ត្រ​ខេត្ត​ព្រះសីហនុ »​។

លោក​អភិបាលរង ខេត្ត បាន​បន្ត​ថា ការជ្រើសរើស​បុគ្គល​ឆ្នើម ០២​រូប​សម្រាប់​បុគ្គល​ដែល​បាន​ចូលរួម​ក្នុង​សកម្មភាព​រុករក ជីក​គាស់​អដ្ឋិធាតុ​កងទ័ព​ស្ម័គ្រចិត្ត និង​ជំនាញការ​វៀតណាម ដែល​បាន​ពលី កាលពី​សម័យ​សង្គ្រាម​នៅ​កម្ពុជា លើ​ភូមិសាស្ត្រ​ខេត្ត​ព្រះសីហនុ​នេះ​គឺ​ត្រូវធ្វើឡើង​ប្រកបដោយ​តម្លាភាព និង​សុ​ក្រិ​ត្យ​ភាព៕

ដោយ ៖ សំអឿន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ដឹង​មូលហេតុ​អំពី​យុវជន​វ័យ​១៥​ឆ្នាំ​បាន​ធ្វើ​អត្តឃាត​ចង.ក​សម្លាប់​ខ្លួន​ទាំង​ខ្លួន​នៅ​វ័យក្មេង

កីឡា៧ ម៉ោង មុន

ពិតជា​ខ្លាំង​មែន​! Superbon ផ្ដួល Petrosyan យក​ខ្សែក្រវាត់​ឃី​ក​បុក​សី​ង ONE Featherweight ត្រឹម​ដើម​ទឹក​ទី​២

ជីវិតកម្សាន្ដ១០ ម៉ោង មុន

ភាព​ល្បី​រន្ទឺ​របស់​លោកស្រី ឌី សា​វ៉េ​ត ធ្វើ​ឲ្យ​លេច ធ្លោ​ក្នុងសង្គម​ថៃ​កាលពី​ទសវត្ស​៧០

ព័ត៌មានជាតិ១០ ម៉ោង មុន

ឃាត់ខ្លួន​ជនជាតិ​ថៃ ៧នាក់ ដែល​មកពី​ខេត្ត​សមុទ្រ​ប្រា​កាន បម្រុង​លប​ឆ្លងដែន​មក​ធ្វើការ​នៅក្នុង​ប្រទេស​កម្ពុជា

ព័ត៌មានជាតិ១០ ម៉ោង មុន

រថយន្ត ​ម៉ូតូ​ និង​កង់​បី​សរុប​៧​គ្រឿង បុក​រុញ​បន្ត​គ្នា​របួស​ធ្ងន់ធ្ងរ​២​នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services