Connect with us

ព័ត៌មានជាតិ

ក្រុមហ៊ុន ហ៊ិ​ន​នី​គែន ខេ​ម​បូ​ឌា បញ្ចប់​យុទ្ធនា​ការចាក់​វ៉ាក់សាំង​ជូន​បុគ្គលិក​

បានផុស

នៅ

​ក្រុមហ៊ុន ហ៊ិ​ន​នី​គែន ខេ​ម​បូ​ឌា បាន​បញ្ចប់​ការចាក់​វ៉ាក់សាំង​ជិត​៨០% នៃ​បុគ្គលិក និង​អ្នកម៉ៅការ​ចំនួន​៧០០​នាក់ នៅ​ក្រុមហ៊ុន ដែល​ជា​ផ្នែក​មួយ​នៃ​យុទ្ធនា​ការចាក់​វ៉ាក់សាំង​រយៈពេល​៣​សប្តាហ៍​របស់​ក្រុមហ៊ុន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ដោយមាន​ការយកចិត្ត​ទុកដាក់​ជា​ចម្បង​ទៅលើ​សុខភាព និង​សុវត្ថិភាព​របស់​បុគ្គលិក ក្រុមហ៊ុន ហ៊ិ​ន​នី​គែន ខេ​ម​បូ​ឌា បានរៀបចំ​ព្រឹត្តិការណ៍​ចាក់​វ៉ាក់សាំង​នេះ​ឡើង​នៅឯ​រោងចក្រ​ផលិត​ស្រា​បៀរ​ដ៏​ទំនើប​របស់​ក្រុមហ៊ុន ក្រោម​ការសហការ​ជាមួយនឹង​ក្រសួង​ការងារ និង​បណ្ដុះបណ្ដាល​វិជ្ជាជីវៈ​។ យុទ្ធនា​ការចាក់​វ៉ាក់សាំង​នេះ​បាន​ចំណាយពេល​៣​សប្តាហ៍​។​

​លោកស្រី អ៊ែន អូ​លី​វ័រ (Anne Ollivier) នាយក​ផ្នែក​កិច្ចការ​សាជីវកម្ម​របស់​ក្រុមហ៊ុន ហ៊ិ​ន​នី​គែន ខេ​ម​បូ​ឌា បាន​ថ្លែងថា “​បុគ្គលិក គឺជា​កម្លាំង​ស្នូល​របស់​ក្រុមហ៊ុន​យើង ហើយ​សុវត្ថិភាព​គឺជា​កត្តា​អាទិភាព​របស់​យើង​។ ដូច្នេះ ក្រុមហ៊ុន ហ៊ិ​ន​នី​គែន ខេ​ម​បូ​ឌា ចាំបាច់​ត្រូវ​រៀបចំ​ឲ្យ​បាន​លឿន​បំផុត​ តាម​ដែល​អាច​ធ្វើ​បាន​នូវ​កម្មវិធី​ចាក់​វ៉ាក់សាំង​ជូន​បុគ្គលិក​នេះ ដើម្បី​ធានាថា បុគ្គលិក​របស់​យើង​ដែលជា​កម្លាំង​ចលករ​របស់​អា​ជីវ​កម្ម​យើង​មាន​សុវត្ថិភាព​”​។ ក្រុមការងារ​មកពី​ក្រសួង​ការងារ និង​បណ្តុះបណ្តាល​វិជ្ជាជីវៈ​ ដែលមាន​ក្រុម​វេជ្ជបណ្ឌិត និង​គិលានុបដ្ឋាក បាន​សហការ​យ៉ាង​ល​ល្អ​ដើម្បី​ពិនិត្យមើល​ដំណើរ​ការចាក់​វ៉ាក់សាំង​នេះ​ផងដែរ​។​

​លោកស្រី អ៊ែន អូ​លី​វ័រ បាន​បន្ថែមថា “​យើងខ្ញុំ​សូម​ថ្លែងអំណរគុណ​យ៉ាង​ជ្រាលជ្រៅ​ដល់​រាជរដ្ឋាភិបាល​កម្ពុជា ដែល​បានរៀបចំ​កម្មវិធី​ចាក់​វ៉ាក់សាំង​នា​ថ្ងៃនេះ​សម្រាប់​ក្រុមហ៊ុន​របស់​យើង​។ ក្រុមការងារ​មកពី​ក្រសួង​ការងារ និង​បណ្ដុះបណ្ដាល​វិជ្ជាជីវៈ កំពុងធ្វើការ​ងារ​នៅតាម​មូលដ្ឋាន​របស់​ពួកគាត់​បាន​យ៉ាង​ល្អ ដើម្បី​ចាក់​វ៉ាក់សាំង​ជូន​ក្រុមហ៊ុន​ឲ្យ​បាន​ច្រើន​បំផុត តាម​ដែល​អាច​ធ្វើបាន ដោយ​រក្សា​ឲ្យ​បានជា​និច្ច​នូវ​សុវត្ថិភាព​ខ្ពស់​។ ជាការ​លើក​ទឹក ចិត្ត​បន្ថែម និង​ជា​ផ្នែក​មួយ​នៃ​កិច្ច​ប្រឹង ប្រែង​របស់​ក្រុមហ៊ុន ហ៊ិ​ន​នី​គែន ខេ​ម​បូ​ឌា ដើម្បី​គាំទ្រ​ដល់​យុទ្ធនា​ការចាក់​វ៉ាក់សាំង​របស់​រាជរដ្ឋាភិបាល​កម្ពុជា ក្រុមហ៊ុន ហ៊ិ​ន​នី​គែន ខេ​ម​បូ​ឌា ក៏បាន​រៀបចំ​កម្មវិធី​ផ្សងសំណាង​ផងដែរ​ សម្រាប់​អ្នក​ដែល​បាន​បញ្ចប់​ការចាក់​វ៉ាក់សាំង​របស់​ពួកគេ​។ ឈ្មោះ​របស់​អ្នក​ដែល​បាន​ចាក់​វ៉ាក់សាំង​រួច​ត្រូវបាន​ដាក់បញ្ចូល​ទៅក្នុង​កម្មវិធី​ចាប់ ឆ្នោត​ផ្សងសំណាង ដើម្បី​ឈ្នះ​រង្វាន់​ជា​កង់​”​។​

​ដោយមាន​វត្ត​មាននៅ​កម្ពុជា​តាំងពី​ឆ្នាំ​១៩៩៤​មក ក្រុមហ៊ុន ហ៊ិ​ន​នី​គែន ខេ​ម​បូ​ឌា ផ្ដល់​ការងារ​ជូន​ដល់​បុគ្គលិក​ចំនួន​ជិត​៧០០​នាក់ ព្រមទាំង​ផ្ដល់​ការងារ​ជា​ប្រយោល​ជូន​ដល់​ប្រជាជន​កម្ពុជា​រាប់ម៉ឺន​នាក់​ផ្សេងទៀត ដែល​បំពេញការងារ​ជា​ផ្នែក​មួយ​នៃ​បណ្ដាញ​អាជីវកម្ម​របស់​ក្រុមហ៊ុន ពោលគឺ ​រាប់​ចាប់ពី​កសិករ​ដំណាំ​ស្រូវ រហូតដល់​អាជីវករ​លក់ដូរ​។ ថ្មីៗ​នេះ ក្រុមហ៊ុនផលិតស្រាបៀរ​មួយ​នេះ បាន​ផ្លាស់ប្ដូរ​ឈ្មោះ​របស់ខ្លួន​ពី CBL (Cambodia Brewery Limited) មកជា​ក្រុមហ៊ុន ហ៊ិ​ន​នី​គែន ខេ​ម​បូ​ឌា (HEINEKEN Cambodia) វិញ​។​

​នៅក្នុង​សេចក្ដីប្រកាស​មួយ​កាលពីពេល​ថ្មីៗ​នេះ ឯកឧត្តម គង់ វិបុល ប្រតិភូ​រាជរដ្ឋាភិបាល​ទទួលបន្ទុក​អគ្គនាយក​នៃ​អគ្គនាយកដ្ឋាន​ពន្ធដា (GDT) បានទទួល​ស្គាល់​ក្រុមហ៊ុន ហ៊ិ​ន​នី​គែន ខេ​ម​បូ​ឌា ថា​ជា ក្រុមហ៊ុន​ដែល​បង់ពន្ធ​ជូន​រាជរដ្ឋាភិបាល​ច្រើនជាង​នៅ​កម្ពុជា​។​ ក្រុមហ៊ុន​រំពឹងថា នឹងត្រូវ​បានផ្តល់​កិត្តិយស​នៅក្នុង​ពិធី​ផ្លូវការ​មួយ​នៅ​ឆ្នាំនេះ នៅពេលដែល​ឯកឧត្តម គង់ វិបុល រំពឹងថា ​នឹង​ផ្តល់ជូន​លិខិត​ថ្លែងអំណរគុណ​និង​កោតសរសើរ​មួយ ដែលមាន​ការចុះ ហត្ថលេខា​ដោយ​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា និង​ឯកឧត្តម បណ្ឌិតសភា​ចា​រ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និង​ជា​រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ​។​

​លោកស្រី អ៊ែន អូ​លី​វ័រ ថ្លែងថា “​នៅ​ក្រុមហ៊ុន ហ៊ិ​ន​នី​គែន ខេ​ម​បូ​ឌា យើង​ទទួលខុសត្រូវ​លើ​កាតព្វកិច្ច​របស់​យើង​ចំពោះ​ប្រទេសជាតិ​យ៉ាង​ម៉ុ​ត​មាំ​។ ក្នុងនាម​ជា​ក្រុមហ៊ុន​បង់ពន្ធ​ច្រើនជាងគេ​នៅ​កម្ពុជា និង​ជា​ក្រុមហ៊ុនផលិតស្រាបៀរ​ធំ​បំផុត​មួយ​ក្នុងប្រទេស ក្រុមហ៊ុន ហ៊ិ​ន​នី​គែន ខេ​ម​បូ​ឌា មាន​ភាព​សកម្ម​ខ្លាំង​នៅក្នុង​សង្គម​កម្ពុជា ដែល​ហេតុ​ដូច្នេះហើយ​បានជា​យុទ្ធនា​ការចាក់​វ៉ាក់សាំង​នេះ​មាន​សារៈសំខាន់​ខ្លាំង​”​។​

​ក្រុមហ៊ុន ហ៊ិ​ន​នី​គែន ខេ​ម​បូ​ឌា បាន​វិនិយោគ​ទឹកប្រាក់​ចំនួន​ជាង ២៣០​លាន​ដុល្លារ​សហរដ្ឋអាមេរិក​ទៅក្នុង​រោងចក្រ​ផលិត​ស្រា​បៀរ​របស់ខ្លួន​នៅ​កម្ពុ​ជានា​អំឡុងពេល ៥​ឆ្នាំ​កន្លង​ចុងក្រោយ​នេះ​។ បច្ចុប្បន្ន ក្រុមហ៊ុនផលិតស្រាបៀរ​ចំនួន ៥​ម៉ាក​យីហោ​ក្នុងប្រទេស​កម្ពុជា​ដោយ​អនុលោម​តាម​ស្តង់ដារ​គុណភាព​ខ្ពស់បំផុត​។ ផលិត​ចេញពី​គ្រឿងផ្សំ​ធម្មជាតិ ១០០% ក្នុងប្រទេស​កម្ពុជា ផលិតផល​របស់​ក្រុមហ៊ុន ហ៊ិ​ន​នី​គែន ខេ​ម​បូ​ឌា រួមមាន ស្រា​បៀរ Heineken®, ABC, Tiger, Anchor និង Gold Crown​។​

​ស្ថិតក្រោម​ពាក្យស្លោក “​ចូលរួម​អភិវឌ្ឍ​ពិភពលោក​ដ៏​ល្អប្រសើរ​” ក្រុមហ៊ុន ហ៊ិ​ន​នី​គែន (​ខេ​ម​បូ​ឌា​) បាន​កាត់បន្ថយ​បរិមាណ​ទឹក​យ៉ាងច្រើន​ ដែល​ក្រុមហ៊ុន​ប្រើប្រាស់​ដើម្បី​ផលិត​ស្រា​បៀរ​របស់ខ្លួន ដោយ​សម្រេច​បាន​ឋានៈ​ថា ជា​ក្រុមហ៊ុន​ផលិតស្រាបៀរ ដែល​មាន​ប្រសិទ្ធភាព​សន្សំសំចៃ​ទឹក​បំផុត​មួយ​នៅ​ទូទាំង​តំបន់​អាស៊ី​ប៉ាស៊ីហ្វិក​។ ក្រុមហ៊ុន​ក៏បាន​កាត់បន្ថយ​ការ​បញ្ចេញ​កាបូនឌីអុកស៊ីត ៥០% ផងដែរ​គិត​ចាប់ពី​ឆ្នាំ​២០១៣​មក​។​

​ក្រុមហ៊ុន ​បាន​វិនិយោគ​ទឹកប្រាក់​រាប់លាន​ដុល្លារ​ លើ​រោងចក្រ​ប្រព្រឹត្តិកម្ម​សំណល់​រាវ​នៅ​រោងចក្រ​ផលិត​ស្រា​បៀរ​របស់ខ្លួន ​នៅ​ជាយ​រាជធានី​ភ្នំពេញ ដែល​ជា​រោងចក្រ​ប្រព្រឹត្តិកម្ម​សំណល់​រាវ​ដំបូង​គេ​ក្នុង​ប្រទេស​កម្ពុជា​។ ក្រុមហ៊ុន​ក៏​ប្រើប្រាស់​ឡើងវិញ​នូវ​ជីវឧស្ម័ន ​សម្រាប់​ថាមពល​កម្តៅ​ផងដែរ​។ ក្រុមហ៊ុន ហ៊ិ​ន​នី​គែន (​ខេ​ម​បូ​ឌា​) ក៏មាន បំណង​លើកកម្ពស់​ការ​ពិសា​គ្រឿង ស្រវឹង​ប្រកបដោយ​ការទទួល ខុសត្រូវ​ផងដែរ​។ ១០% នៃ​ថវិកា​សម្រាប់​ប្រព័ន្ធ​ផ្សព្វផ្សាយ​របស់​ម៉ាក​យីហោ Heineken® ត្រូវបាន​ចំណាយ​លើ​ការផ្សព្វផ្សាយ​ការ​ពិសា​រគ្រឿង​ស្រវឹង​ប្រកប ដោយ​ការ​ទទួលខុស ត្រូវ ជាមួយនឹង​យុទ្ធ​ន​ការ “​ពេល​ស្រវឹង សូមកុំ​បើកបរ​”​។​

​ក្រុមហ៊ុន ហ៊ិ​ន​នី​គែន ខេ​ម​បូ​ឌា ក៏​គាំទ្រ​ដល់​ការបង្ហាញ តម្លាភាព ផង ដែរ តាមរយៈ​ការ​ផ្តល់ព័ត៌មាន​អំពី​គ្រឿងផ្សំ និង​កម្រិត​អាហារូបត្ថម្ភ នៅ​លើ​ស្រា​បៀរ​គ្រប់​ម៉ាក​យីហោ​ទាំងអស់​របស់ខ្លួន​៕ ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៤ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៤ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៥ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ៦ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៦ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម