ព័ត៌មានជាតិ
សម្តេចតេជោ ហ៊ុន សែន ស្នើឲ្យរដ្ឋបាលលោក ចូ បៃដិន ពិនិត្យបញ្ហាបំណុលដែលកម្ពុជាជំពាក់ដោយអនុញ្ញាតឲ្យកម្ពុជាសងតាមរយៈ៣ចំណុច
ភ្នំពេញ ៖ ប្រមុខរាជរដ្ឋាភិបាលកម្ពុជាសម្តេចអគ្គមហាសេនាបតីតេជោ ហ៊ុន សែន បានស្នើសុំឲ្យសហរដ្ឋអាមេរិកពិនិត្យពិចារណាបញ្ហាបំណុលដែលកម្ពុជា ជំពាក់អាមេរិក ដោយអនុញ្ញាតឲ្យកម្ពុជាសងប្រាក់បំណុលនេះតាមកម្មវិធីបន្តិចម្ដងៗ ,ទី២.សងបំណុលតាមកម្មវិធីដែលមានការប្រាក់មិនលើសពី ១ ភាគរយ និង ទីបី.បំណុលដែលកម្ពុជាសងទៅអាមេរិកនោះគឺសំណង ៧០% ត្រូវបង្វិលមកធ្វើជាជំនួយសម្រាប់ប្រទេសកម្ពុជាវិញដោយជួយទៅលើវិស័យ អប់រំ វិស័យវប្បធម៌ វិស័យដោះមីននិងយុទ្ធភណ្ឌមិនទាន់ផ្ទុះជាដើមមក។
ជាមួយនេះសម្តេចតេជោ ហ៊ុន សែន ក៏បានស្នើសុំឲ្យសហរដ្ឋអាមេរិកពិនិត្យឡើងវិញ អំពីបញ្ហាបញ្ជូនជនជាតិកម្ពុជាពីសហរដ្ឋអាមេរិកត្រឡប់មកកម្ពុជាវិញផងដែរ។
ការលើកឡើងរបស់ប្រមុខរាជរដ្ឋាភិបាលកម្ពុជាបែបនេះនៅក្នុងជំនួបពិភាក្សាការងារជាមួយលោកស្រី Wendy R. Sherman អនុរដ្ឋមន្ត្រីក្រសួងការបរទេសសហរដ្ឋអាមេរិកនៅល្ងាចថ្ងៃទី ១ ខែមិថុនានៅវិមានសន្តិភាព។
លោក អ៊ាង សុផល្លែត ជំនួយការផ្ទាល់សម្តេចតេជោ ហ៊ុន សែន បានមានប្រសាសន៍ប្រាប់អ្នកសារព័ត៌មានបន្ទាប់ពីជំនួបនោះថា៖ នៅក្នុងជំនួបនោះលោកស្រី Wendy R. Sherman បានជម្រាបជូនសម្ដេចតេជោ ហ៊ុន សេន ថាដំណើរទស្សនកិច្ចរបស់លោកស្រីមកកាន់កម្ពុជានៅពេលនេះគឺដើម្បីពាំនាំនូវលិខិតរបស់ លោកប្រធានាធិបតី ចូ បៃដិន ជម្រាបជូនសម្ដេចតេជោហ៊ុនសែនដោយផ្ទាល់លោកស្រីក៏បានបន្ថែមថានេះគឺជាបំណងរបស់លោកប្រធានាធិបតី ចូ បៃដិនក្នុង គោលបំណងធ្វើឱ្យមានភាពល្អប្រសើរឡើងក្នុងកិច្ចសហប្រតិបត្តិការសម្រាប់ប្រទេសទាំងពីរ។លោកស្រីក៏បានសម្ដែងនូវការពេញចិត្តចំពោះកិច្ចប្រតិបត្តិការរវាង កម្ពុជានិងសហរដ្ឋអាមេរិកកន្លងមកលើវិស័យជាច្រើន ជាពិសេសលើវិស័យនៃការរុករកអដ្ឋិធាតុទាហានបាត់ខ្លួនរបស់សហរដ្ឋអាមេរិក នៅក្នុងប្រទេសកម្ពុជា ,កិច្ចសហប្រតិបត្តិការប្រយុទ្ធប្រឆាំងនឹងភេរវកម្ម និង កិច្ចសហប្រតិបត្តិការលើវិស័យមនុស្សធម៌ ដូចជាការផ្តល់ឲ្យនាវា westerndam ចូលចតនៅកម្ពុជាជួយ សង្គ្រោះប្រជាពលរដ្ឋដែលជាប់នៅលើកប៉ាល់ ដោយប្រទេសដទៃទៀតមិនអនុញ្ញាតឲ្យចូលដោយសារតែបញ្ហាជំងឺកូវីដ១៩ ។ ពីនោះទៅទៀតលោកស្រីក៏បាន ជម្រាបជូនសម្ដេចតេជោ ហ៊ុន សែន ផងដែរអំពីឱកាសនៃកិច្ចសហប្រតិបត្តិការរវាងប្រទេសទាំងពីរ មានទាំងការលុបបំបាត់បំណុលរបស់កម្ពុជាចំពាក់អាមេរិក បញ្ហាសហប្រតិបតិ្តការលើបញ្ហាប្រេងនិងឧស្ម័ន ការវិនិយោគរបស់សហរដ្ឋអាមេរិកលើការបញ្ហាទឹកនិង បញ្ហាហេដ្ឋារចនាសម្ព័ន្ធ បញ្ហាថាមពលបៃតងនិងបញ្ហា ដទៃទៀតជាច្រើន ។
ជាការឆ្លើយតបសម្តេចតេជោ ហ៊ុន សែន បានសម្តែងនូវការរីករាយចំពោះអ្វីដែលលោកស្រីបានលើកឡើងអ្វីដែលសហរដ្ឋអាមេរិកបានចូលរួមចំណែកជួយដល់ កម្ពុជារួមមានការស្វែងរកសន្តិភាពនៅកម្ពុជា ,ការចូលរួមចំណែកអភិវឌ្ឍកម្ពុជារហូតមកដល់ពេលនេះ និងការចូលរួមចំណែករបស់សហរដ្ឋអាមេរិកជួយកម្ពុជា ដោយផ្ទាល់និងដោយប្រយោលតាមរយៈអង្គការ w h o ក្នុងការ ចូលរួមប្រយុទ្ធប្រឆាំងនឹងការរាតត្បាតនៃជំងឺកូវីដ១៩។
ឆ្លៀតឱកាសនោះដែរសម្តេចតេជោហ៊ុនសែនក៏បានសុំឱកាសអបអរសាទរដល់រដ្ឋាភិបាលនិងប្រជាជនសហរដ្ឋអាមេរិកដែលបានទប់ទល់នឹងជំងឺកូវីដ១៩បាន ជោគជ័យដែលជាការឆ្លុះបញ្ចាំងក្នុងរយៈពេលប៉ុន្មានថ្ងៃកន្លងមកនេះគឺមានការធ្លាក់ចុះនៃការរីករាលដាលជំងឺកូវីដ១៩ នៅក្នុងសហរដ្ឋអាមេរិក។
សម្ដេចតេជោ ហ៊ុន សែន ក៏បានឆ្លើយតបទៅនឹងលោកស្រីផងដែរពាក់ព័ន្ធនឹងការលើកឡើងរបស់លោកស្រីទៅលើការដោះស្រាយបញ្ហាបំណុលដែលកម្ពុជា ជំពាក់អាមេរិក។ សម្ដេចតេជោហ៊ុនសែនបានស្នើឲ្យសហរដ្ឋអាមេរិក ពិសេសលោកប្រធានាធិបតី ចូ បៃដិន សូមមេត្តាពិនិត្យពិចារណាដោះស្រាយបញ្ហាបំណុល ដែលកម្ពុជាមានចំពោះសហរដ្ឋអាមេរិកតាមរយៈទ្វេភាគីដោយអនុញ្ញាតឲ្យកម្ពុជាសងប្រាក់បំណុលនេះបន្តិចម្ដងៗនិងទី២.សងប្រាក់តាមកម្មវិធីដែលមានការ ប្រាក់ត្រឹម១% និង ទី៣.បំណុលដែលកម្ពុជាជំពាក់សហរដ្ឋអាមេរិកនោះគឺសំណង ៧០ ភាគរយត្រូវបង្វិលមកធ្វើជាជំនួយដល់កម្ពុជាវិញទៅលើវិស័យអប់រំ វិស័យវប្បធម៌ វិស័យដោះមីននិងយុទ្ធភណ្ឌមិនទាន់ផ្ទុះជាដើម។
ជាមួយនេះសម្តេចតេជោក៏បានស្នើសុំឱ្យសហរដ្ឋអាមេរិកពិនិត្យឡើងវិញអំពីបញ្ហាបញ្ជូនជនជាតិ កម្ពុជាពីសហរដ្ឋអាមេរិកត្រឡប់មកកម្ពុជាវិញ។
ជាការឆ្លើយតបលោកស្រី Wendy R. Sherman បានថ្លែងអំណរគុណសម្តេចតេជោហ៊ុនសែនចំពោះការផ្តល់គារកិច្ចនេះហើយលោកស្រីបានសន្យាថាអ្វីដែល សម្តេចតេជោហ៊ុនសែនបានលើកឡើងលោកស្រីនឹងយកទៅជម្រាបជូនលោកប្រធានាធិបតី ចូ បៃដិន នៅពេលត្រឡប់ទៅដល់សហរដ្ឋអាមេរិកវិញ។
លោកស្រី Wendy R. Sherman អនុរដ្ឋមន្ត្រីក្រសួងការបរទេសសហរដ្ឋអាមេរិកអញ្ជើញបំពេញទស្សនកិច្ចនៅកម្ពុជារយៈពេល១ ថ្ងៃនៅថ្ងៃទី០១ ខែមិថុនា ឆ្នាំ២០២១ នេះ។ កម្ពុជាជាប្រទេសបីនៅក្នុងចំណោមអាស៊ាន ១០ ដែលត្រូវបានមន្ត្រីជាន់ខ្ពស់អាមេរិករូបនេះជ្រើសរើសយកនៅក្នុងដំណើរទស្សនកិច្ចរបស់ខ្លួន១១ ថ្ងៃទៅកាន់ប្រទេសចំនួន ៥ ចាប់ពីថ្ងៃទី ២៥ ខែឧសភាដល់ថ្ងៃទី ៤ ខែមិថុនាឆ្នាំ២០២១ ដោយទស្សនកិច្ចដំបូងទៅកាន់ប្រទេសប្រទេសបែលហ្ស៉ិកហើយបន្តទៅតួកគី ,ឥណ្ឌូនេស៊ី, កម្ពុជា និង ប្រទេសថៃផងដែរ៕
ដោយ ៖ ណារី
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ