ព័ត៌មានជាតិ

ផ្លូវល្បឿនលឿនទៅក្រុងព្រះសីហនុ អាចជាន់ដល់ល្បឿន ១២០ គីឡូម៉ែត្រក្នុងមួយម៉ោង

បានផុស

៣ years មុន

នៅ

ថ្ងៃពុធ ២ មិថុនា ២០២១

ដោយ

បើតាមមន្រ្តីក្រសួងសាធារណការនិងដឹកជញ្ជូនបានឲ្យដឹងថា ផ្លូវល្បឿនលឿនដំបូងគេទៅខេត្តព្រះសីហនុ អាចរត់បានល្បឿន ១០០គីឡូម៉ែត្រក្នុងមួយម៉ោង និងកន្លែងខ្លះអាចដល់ ១២០គីឡូម៉ែត្រ ក្នុងមួយម៉ោង។

មានប្រវែងជាង ១៨៧ គីឡូម៉ែត្រ ផ្លូវនេះត្រូវបានស្ថាបនាឆ្លងកាត់ខេត្តក្រុងចំនួន ៥ មាន រាជធានីភ្នំពេញ ខេត្តកណ្តាល ខេត្តកំពង់ស្ពឺ ខេត្តកោះកុង និងខេត្តព្រះសីហនុ។ ការបញ្ចប់គម្រោងផ្លូវល្បឿនលឿន នឹងជួយបង្កើនការធ្វើពាណិជ្ជកម្មតាមរយៈការដឹកជញ្ជូន និងការធ្វើដំណើរមកខេត្តព្រះសីហនុ ខណៈខេត្តជាប់សមុទ្រនេះបានក្លាយជាប៉ូលសេដ្ឋកិច្ច និងទេសចរណ៍ដ៏មានសក្តានុពលរបស់កម្ពុជា និងជាច្រកពាណិជ្ជកម្មអន្តរជាតិតាមរយៈកំពង់ផែទឹកជ្រៅ។

គួរបញ្ជាក់ថា ផ្លូវល្បឿនលឿនទៅខេត្តព្រះសីហនុ ស្ថាបនាសម្រេចបានជាង ៥០ ភាគរយ។ ផ្លូវនេះស្ថាបនាថ្មីទាំងស្រុងកាត់តាមតំបន់ព្រៃភ្នំ។ នៅលើកំណាត់ផ្លូវនេះមានស្ថាបនាសួនពុះចែកទ្រូងផ្លូវ កន្លែងប្តូរទិសចរាចរណ៍ ៧ កន្លែង ផ្លូវប្រសព្វ ២៨ កន្លែង ផ្លូវក្រោមផ្លូវល្បឿនលឿន ២៣៧ កន្លែង និងស្ពានរំលងផ្លូវ ២០ កន្លែង។ ក៏មានរៀបចំចំណតសម្រាប់អ្នកដំណើរឈប់សម្រាកចំនួន ៣ កន្លែង ចំណតរថយន្ត ១ កន្លែង មណ្ឌលប្រតិបត្តិការនិងថែទាំផ្លូវ ៤ កន្លែង និងបញ្ជរបង់ប្រាក់ ៩ កន្លែង៕