ព័ត៌មានជាតិ
កម្លាំងចម្រុះស្រុកស្វាយទាបចុះបិទហាងខារ៉ាអូខេផឹកស៊ីមួយកន្លែងល្មើសបម្រាម
ខេត្តស្វាយរៀង៖ លោក តូច ប៉ូលីវ៉ា អភិបាលរងខេត្តស្វាយរៀង បានដឹកនាំកម្លាំងបញ្ជាការឯកភាពស្រុកស្វាយទាប ដែលមានលោកអភិបាលស្រុក កម្លាំងអធិការនគបាលស្រុក ប៉ុស្តិ៍រដ្ឋបាលឃុំកងរាជអាវុធហត្ថស្រុក ចុះបង្ក្រាបហាងខារ៉ាអូខេ មួយកន្លែង យីហោ “ម៉ាយហ្វេវ័ររីត” ស្ថិតនៅភូមិទួលអង្គប់ ឃុំសំបួរ ស្រុកស្វាយទាប ខេត្តស្វាយរៀង នៅវេលាម៉ោង៩យប់ ថ្ងៃទី០១ ខែមិថុនា ឆ្នាំ២០២១។
សមត្ថកិច្ចឃាត់ខ្លួនបាន មេកាខារ៉ាអូខេ និងស្ត្រីបម្រើការងារក្នុងហាងចំនួន១៧នាក់ ដើម្បីយកវិភាគសំណាក និងធ្វើចត្តាឡីសក័នៅក្នុងហាងចំនួន១៤ថ្ងៃ ចំណែកភ្ញៀវ ចំនួន១០នាក់ទៀត ត្រូវបានដោះលែងឲ្យត្រឡប់ទៅផ្ទះវិញ។
ទាក់ទិនករណីនេះដែរ លោកអភិបាលស្រុកស្វាយទាប បានមានប្រសាសន៍ប្រាប់អ្នកសារព័ត៌មានថា ដោយហាងខារ៉ាអូខេ យីហោ ម៉ាយហ្វេវ័ររីត បើកធ្វើអាជីវកម្ម ទទួលភ្ញៀវឲ្យចូលផឹកស៊ី អង្គុយកកកុញទើបមានការបង្ក្រាប ក៏ប៉ុន្តែអត់បិទអាជីវកម្មទេ ហើយក៏អត់ផាកពិន័យដែរ គ្រាន់តែឃាត់អប់រំ ហើយឲ្យធ្វើអាជីវកម្មធម្មតា ដោយលក់វិចខ្ចប់ មិនអនុញ្ញាតិឲ្យទទួលភ្ញៀវចូលស៊ីផឹកក្នុងហាងទៀតទេ។
លោកអភិបាលស្រុកស្វាយទាប បានបន្តទៀតថា បើបិទអាជីវកម្មទៅ ធ្វើឲ្យប៉ះពាល់ដល់ជីវភាពអ្នកបម្រើការងារក្នុងហាងនេះ ទើបអាជ្ញាធរមិនឲ្យបិទហាង ដោយឲ្យលក់វិចខ្ចប់ ហើយនៅយប់កើតហេតុគឺមានភ្ញៀវចូលផឹកស៊ីក្នុងហាង និងមានអ្នកមកទិញវិចខ្ចប់ដែរ ដូច្នេះទើបគ្រាន់តែឃាត់អប់រំ។
ចំណែកសមត្ថកិច្ចម្នាក់បានបង្ហើបឲ្យដឹងថា ហាងខារ៉ាអូរខេយីហោ “ម៉ាយហ្វេវ័ររីត” នេះផ្គើនសមត្ថកិច្ច គឺសមត្ថកិច្ចធ្លាប់បានចុះទៅអប់រំ ចំនួន២លើករួចមកហើយ មិនឲ្យទទួលភ្ញៀវ ចូលផឹកស៊ីក្នុងហាង និងមាននាងៗកំដរ ក៏ប៉ុន្តែម្ចាស់ហាងមិនព្រមស្តាប់នៅតែបន្តបើក៕
អត្ថបទ៖ ភក្ដី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៦ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)