ព័ត៌មានជាតិ
លោក ជិន ម៉ាលីន ៖ ជាការទូត លោកស្រី Sherman ត្រូវតែលើកឡើងពីក្តីបារម្ភ និងសំណូមពរ
លោក ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជាបានថ្លែងប្រាប់កម្ពុជាថ្មី នារសៀលថ្ងៃទី០២ ខែមិថុនា នេះថា ជាការទូត លោកស្រី Wendy Sherman លោកស្រីអនុរដ្ឋមន្ត្រីក្រសួងការបរទេសសហរដ្ឋអាមេរិក ត្រូវតែលើកឡើងពីបញ្ហាផ្សេងៗ ដែលជាក្តីបារម្ភ ពីព្រោះគាត់ទទួលបានសំណូមពរ ខាងសកម្មជន ក៏ដូចជាសមាជិកសភារបស់អាមេរិក។
ការលើកឡើងរបស់លោក ជិន ម៉ាលីន បន្ទាប់ពីមានសេចក្តីប្រកាសព័ត៌មានមួយរបស់អ្នកនាំពាក្យក្រសួងការបរទេសសហរដ្ឋអាមេរិក ក្រោយពីដំណើរទស្សនកិច្ចរបស់លោកស្រី Wendy Sherman នៅប្រទេសកម្ពុជា រយៈពេល១ថ្ងៃ កាលពីថ្ងៃអង្គារ ទី១ ខែមិថុនា ដែលនៅក្នុងសេចក្តីប្រកាសព័ត៌មាននោះ បានលើកឡើងពីខ្លឹមសារជំនួបរវាងសម្តេចតេជោ ហ៊ុន សែន ជាមួយលោកលោកស្រី Wendy Sherman ដោយបានបញ្ជាក់ថា នៅក្នុងជំនួបនោះ លោកស្រីអនុរដ្ឋមន្ត្រីបានស្នើសុំឲ្យរដ្ឋាភិបាលកម្ពុជា គោរពតាមការប្តេជ្ញាចិត្តរបស់ខ្លួនផ្នែកសិទ្ធិមនុស្សជាអន្តរជាតិ និងនៅក្នុងប្រទេស ដោយរួមទាំងការប្តេជ្ញាចិត្ត ដែលមានចែងនៅក្នុងរដ្ឋធម្មនុញ្ញរបស់ប្រទេសកម្ពុជា ហើយបានសុំឲ្យមានការធានាចំពោះការពារសិទ្ធិកម្មករ និងបានអំពាវនាវឲ្យអាជ្ញាធរទម្លាក់ចោលជាបន្ទាន់នូវការចោទប្រកាន់ ដែលមានហេតុផលនយោបាយប្រឆាំង នឹងសមាជិក នៃគណបក្សប្រឆាំង អ្នកសារព័ត៌មាន និងសកម្មជននានា។
ទាក់ទងបញ្ហានេះ លោក ជិន ម៉ាលីន បញ្ជាក់បែបនេះថា “នៅក្នុងជំនួបជាលក្ខណៈការទូត គាត់ត្រូវតែលើកបែបហ្នឹងហើយ ពីព្រោះគាត់បានទទួលសំណើនេះពីខាងសកម្មជន ក៏ដូចជាសមាជិកសភារបស់គាត់ ដូច្នេះជាលក្ខណៈការទូតគាត់ត្រូវតែលើកឡើងជាក្តីបារម្ភ និងសំណូមពរ ប៉ុន្តែរាជរដ្ឋាភិបាលនឹងទទួលយកមកពិចារណា និងធ្វើការពិនិត្យ ថាតើសំណើណា ដែលស្របទៅនឹងរដ្ឋធម្មនុញ្ញ និងបញ្ញត្តិច្បាប់របស់កម្ពុជា ដែលអាចអនុវត្តបាន ហើយសំណើណា ដែលមិនអាចអនុវត្តបាន ដោយផ្ទុយទៅនឹងរដ្ឋធម្មនុញ្ញ និងបញ្ញត្តិច្បាប់កម្ពុជា”។
ពាក់ព័ន្ធទៅនឹងស្ថានភាពសិទ្ធិមនុស្ស និងប្រជាធិបតេយ្យនេះដែរ លោក ជិន ម៉ាលីន លើកឡើងថា រវាងប្រទេសកម្ពុជា និងសហរដ្ឋអាមេរិក នៅមានការយល់ខុសគ្នាមួយចំនួន ដោយសារការទទួលបាននូវព័ត៌មានខុសៗគ្នា ដូច្នេះរដ្ឋាភិបាលកម្ពុជា នឹងបន្តធ្វើការជាមួយរដ្ឋាភិបាលសហរដ្ឋអាមេរិក និងបន្តពិភាក្សាគ្នាទៀត ដើម្បីពិនិត្យមើលចំណុចខ្វែងគ្នា និងការយល់ខុសគ្នា ដើម្បីធ្វើការបកស្រាយ និងបង្រួមចំណុចខ្វែងគ្នានោះឲ្យកាន់តែតូចទៅៗ៕
ដោយ ៖ កោះកែវ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៤ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)