ព័ត៌មានជាតិ
បង្ក្រាបឃ្លាំងស្តុកអាល់កុលក្លែងក្លាយ៣កន្លែង រឹបអូសជាង៧០ម៉ឺនតោន
សមត្ថកិច្ចបានចុះបង្ក្រាបទីតាំងឃ្លាំងស្តុក និងចែកចាយអាល់កុល ក្លែងក្លាយធំបំផុត ចំនួន៣កន្លែង ស្ថិតនៅ ភូមិព្រែកទាល់១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ប្រតិបត្តិការនេះធ្វើឡើងដោយគណៈកម្មាធិការប្រយុទ្ធប្រឆាំងផលិតផលក្លែងក្លាយ (គ.ប.ផ.ក) នៃក្រសួងមហាផ្ទៃ ដោយរឹបអូសអាល់កុលក្លែងក្លាយបានជាង ៧ម៉ឺនលីត្រ ប្រមាណ៧០ម៉ឺនតោន។
លោកនាយឧត្តមសេនីយ៍ មៀច សុផាន់ណា រដ្ឋលេខាធិការ ក្រសួងមហាផ្ទៃ និងជាប្រធានគណៈកម្មការប្រយុទ្ធប្រឆាំងផលិត ផលក្លែងក្លាយ បានឱ្យដឹងថា បច្ចុប្បន្នឃ្លាំងទាំងនោះ ត្រូវបានបិទជាបណ្តោះអាសន្ន និងម្ចាស់ទីតាំង ព្រមទាំងអ្នកពាក់ព័ន្ធផ្សេងទៀតត្រូវបានសមត្ថកិច្ចកំណត់អត្តសញ្ញាណរួចអស់ហើយ និងកំពុងតាមចាប់ផងដែរដើម្បីយកមកផ្តន្ទាទោសទៅតាមច្បាប់។
ថ្លែង ក្នុងសន្និសីទកាសែតមួយកាលពីល្ងាចថ្ងៃទី០២មិថុនា នាយឧត្តមសេនីយ៍ មៀច សុផាន់ណា បានបញ្ជាក់បន្ថែមថា ឃ្លាំងស្តុកទុក និងចែកចាយនូវអាល់កុលទាំងនេះ គឺជាឃ្លាំងធំបំផុត សម្រាប់ចែកចាយ នៅទូទាំងប្រទេស ដោយសារទីតាំងមានទំហំដ៏ធំ និងមានស្តុកអាល់កុលច្រើនសន្ធឹកសន្ធាប់ ដែលពុំធ្លាប់មាន កន្លងមក ខណៈអាល់កុលទាំងនេះក្លែងក្លាយគ្មានគុណប្រយោជន៍ខាង ផ្នែកវេជ្ជសាស្ត្រ សម្រាប់សម្លាប់មេរោគឡើយ ជាពិសេសមេរោគកូវីដ-១៩ និងពុំមានច្បាប់អនុញ្ញាតពីក្រសួង-ស្ថាប័នមានសមត្ថកិច្ចពាក់ព័ន្ធទាំងអស់ផងដែរ។
លោកនាយឧត្តមសេនីយ៍ មៀច សុផាន់ណា បានអំពាវនាវដល់បងប្អូនប្រជាពលរដ្ឋទាំងអស់សហការជាមួយអាជ្ញាធរពេលដែលដឹងថា មានឈ្មួញទុច្ចរិត លួចផលិតនូវអាល់កុលក្លែងក្លាយ ឬផលិតផលក្លែងក្លាយដើម្បីចាត់ការវិធានការបង្ក្រាបឱ្យបានទាន់ពេលវេលា។
សូមជម្រាបថា អាល់កុលក្លែងក្លាយ ប្រមាណជាង៧០តោននោះគណៈកម្មាធិការប្រយុទ្ធប្រឆាំងផលិតផលក្លែងក្លាយ(គ.ប.ផ.ក) នៃក្រសួងមហាផ្ទៃ សហការជាមួយស្ថាប័នជំនាញពាក់ព័ន្ធ ដោយមានការសម្របសម្រួល នីតិវិធីពីស្ថាប័នអយ្យការអមសាលាដំបូងរាជធានីភ្នំពេញនោះ នឹងយកទៅបំផ្លិចបំផ្លាញចោលនាពេលខាងមុខនេះ៕អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ