កម្មករបូមខ្សាច់ម្នាក់ ត្រូវម៉ាស៊ីនបូមខ្សាច់ស្រូបចូលក្នុងទុយយោស្លាប់ភ្លាមៗ​

បុរស​ម្នាក់​បាន​ស្លាប់​យ៉ាង​អាណោចអាធ័ម ​ខណៈ​ដើ​រ​មិន​ប្រយ័ត្ន​ក៏​រអិល​ជើង​ធ្លាក់ចូល​ទុក​យោ​បូម​ខ្សាច់បង្ក​ការភ្ញាក់ផ្អើល​ដល់​សមត្ថ​កិច្ច​កាលពី​វេលា​ម៉ោង​៧និង​០០​នាទី ថ្ងៃទី​០៣ ខែមិថុនា ឆ្នាំ​២០២១ នៅ​ទីតាំង​បូម​ខ្សាច់​មួយកន្លែង​តាម​បណ្ដោយ​ផ្លូវជាតិ​លេខ​២ ក្នុង​សង្កាត់​ចាក់អង្រែ​លើខណ្ឌមានជ័យ ។

សព​ជនរងគ្រោះ​មានឈ្មោះ ឆន ស​ម្ប​តិ្ត ភេទ​ប្រុស អាយុ​២២​ឆ្នាំ ជា​កម្មករ​បូម​ខ្សាច់ ស្នាក់នៅ​កន្លែង​កើតហេតុ​ មាន​ស្រុកកំណើត​នៅឯ​ខេត្តតាកែវ ។

យោងតាម​ប្រភពពី​កន្លែងកើតហេតុ​បាន​ប្រាប់​ឱ្យដឹងថា មុនពេល​កើតហេតុ​ជនរងគ្រោះបានដើរមក​ក្បែរ​​ទុយយោ​បូម​ខ្សាច់​ ដោយ​មិន​ប្រយ័ត្ន​ក៏​រអិល​ជើង​ធ្លាក់ចូល​ទឹក​ ហើយត្រូវ​ម៉ា​ស៊ីន​បូម​ខ្សាច់​ស្រូប​ចូលក្នុង​ទុយមុយ​បណ្ដាលឱ្យ​ជនរ​គ្រោះ​ស្លាប់​យ៉ាង​អាណោច​អាធ័ម​។

ក្រោយ​កើតហេតុ​សមត្ថកិច្ច​មូល​ដ្ឋា​ន​ចុះ​មកដល់​ចំណុចកើតហេតុ​ បាន​ទាក់ទង​ខាង​សមត្ថកិច្ច​ជំនាញ​ត្រួតពិនិត្យ ​រួច​ក៏​ប្រគល់​សព​ឲ្យ​សាច់ញាតិ​យកទៅ​ធ្វើបុណ្យ​តាម​ប្រ​ពែ​ណី​៕

អត្ថបទ ៖ ​សុខា​