ព័ត៌មានជាតិ
ប្រទះឃើញមនុស្សស្លាប់នៅក្រោមសំណង់ស្ទាក់ទឹក បាតស្ទឹងសង្កែ សង្ស័យជាអំពើឃាតកម្ម
សពបុរសម្នាក់ដែលមាននាទីជាអ្នកបើករថយន្តដឹកដី ត្រូវបានគេប្រទះឃើញដេកស្លាប់ ផ្កាប់មុខក្នុងថ្លុកឈាម នៅលើបេតុងបាតស្ទឹង ដែលជាចំណុចសំណង់ស្ទាក់ទឹកស្ទឹងសង្កែ ដែលធ្វើឲ្យប្រភពជាច្រើនមានការសង្ស័យថា អាចជាអំពើឃាតកម្ម។
ការភ្ញាក់ផ្អើលនេះ បានកើតឡើងនៅព្រឹកថ្ងៃទី៥ ខែមិថុនា ឆ្នាំ២០២១ នៅត្រង់ចំណុចសំណង់ស្ទាក់ទឹកមួយកន្លែង ស្ថិតក្នុងភូមិស្នាពីមុខ ឃុំព្រែកខ្ពប ស្រុកឯកភ្នំ ខេត្តបាត់ដំបង បន្ទាប់ពីបានឃើញសពបុរសម្នាក់ដេកស្លាប់ នៅក្នុងថ្លុកឈាមគួរឲ្យរន្ធត់ ដែលបុរសនោះមានឈ្មោះ វង់ ដារ៉ា ហៅវិចិត្រ អាយុ៣០ឆ្នាំ មានស្រុកកំណើតនៅភូមិស្វាយជ្រះ ឃុំស្វាយជ្រះ ស្រុកឈ្នួល ខេត្តក្រចេះ មានមុខរបរជាអ្នកបើករថយន្តដឹកដីនៅក្នុងការដ្ឋាននេះ។
ក្រោយពីកម្លាំងជំនាញខេត្តចុះទៅពិនិត្យជាក់ស្តែង គឺសង្កេតឃើញថា សពមានស្លាកស្នាមដាច់រលាត់ទៅលើរាងកាយ ពិសេសនៅត្រង់ក្បាលនិងលើផ្ទៃមុខ ដោយសពមានសភាពដេកស្លាប់ផ្កាប់មុខទៅលើបេតុងបាតស្ទឹង និងមានឈាមជោកជាំ បន្ទាប់ពីបានផ្ងារសពឡើងគឺឃើញថា ខោជើងវែងដែលសពស្លៀក គឺគេបានរូតខោបើកហើយព្រមទាំងបានបញ្ចេញលិង្គមកខាងក្រៅខោលីអូបន្ថែមទៀត។
តាមការសន្និដ្ឋានជាបឋម គឺលោកស្នងការរង លឹម ពុទ្ធិឡា បានលើកឡើងថា អាចជាការឈរនោមភ្នាក់ស្នៀត ព្រោះកាលពីយប់ថ្ងៃទី៤ បុរសរូបនេះមានការផឹកស៊ីស្រវឹង ដែលគេសង្ស័យថា អាចដើរទៅលើសំណង់ដើម្បីនោម ប៉ុន្តែជាចៃដន្យច្រត់ខុសបង្កាន់ដៃ បណ្តាលឲ្យធ្លាក់មកបាតស្ទឹងតែម្តង ដែលមានកម្ពស់រហូតដល់ ១០,៦០ ម៉ែត្រឯណោះ ទើបបណ្តាលឲ្យស្លាប់តែម្តង។
ទោះបីជាការសន្និដ្ឋានបែបនេះក៏ដោយ ក៏សមត្ថកិច្ចនៅតែបន្តស្រាវជ្រាវបន្ថែមទៀត ដើម្បីឲ្យបញ្ហានេះកាន់តែច្បាស់ថា វាមិនមែនជាអំពើឃាតកម្ម៕
អត្ថបទ៖ សោ និយមរ័ត្ន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)