ព័ត៌មានជាតិ
លោកស្រី ឱ វណ្ណឌីន ៖ កម្ពុជាមានអ្នកឆ្លងវីរុសបំប្លែងថ្មី B.1.617មានប្រភពមកពីឥណ្ឌា៤ករណីហើយ
ភ្នំពេញ ៖ លោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការនិងជា អ្នកនាំពាក្យក្រសួងសុខាភិបាលបានមានប្រសាសន៍នៅល្ងាចថ្ងៃទី៥មិថុនាថា រហូតមកដល់ពេលនេះកម្ពុជាមានអ្នកឆ្លងវីរុសបំប្លែងថ្មី B.1.617ដែលមានប្រភពជាលើកដំបូងមកពីប្រទេសឥណ្ឌានេះចំនួន៤ករណីហើយក្នុងនោះមាន១ករណីបានព្យាបាលជាសះស្បើយកាលពីខែមេសាកន្លងទៅ។
លោក ស្រី បានបន្តទៀតថាវីរុសបំប្លែងថ្មី B.1.617 ដែលបានរកឃើញដំបូងនៅប្រទេសឥណ្ឌា គឺមានភាពឆ្លងខ្លាំងជាង និងគ្រោះថ្នាក់ខ្លាំងជាង ហើយជាប្រភេទវីរុសដែលពិភពលោកកំពុងតែព្រួយបារម្ភបំផុត ខណៈវីរុសបំប្លែងថ្មី B.1.617 គ្រោះថ្នាក់ជាង វីរុសដែលមិនទាន់បំប្លែងខ្លួន ហើយសម្រាប់កម្ពុជាបានរកឃើញវីរុសនេះ ចំនួន ០៤ករណីមកហើយ ដោយករណីទី១ ត្រូវបានព្យាបាលជាសះស្បើយកាលពីខែមេសាកន្លងមក។
លោកស្រី បានបន្ថែម ថា ការរកឃើញវីរុសបំប្លែងថ្មី B.1.617 លើពលរដ្ឋកម្ពុជាដែលធ្វើដំណើរមកពីប្រទេសថៃនេះ គឺជាការបារម្ភមួយ ព្រោះថាវាអាចនឹងចរាចរលឿនជាងអ្វីដែលយើងរំពឹងទុក។ ហេតុដូច្នេះហើយ យើងត្រូវតែចាត់វិធានការការពារភ្លាមៗ និងអនុវត្តដោយយកចិត្តទុកដាក់បំផុត ដើម្បីការពារការចម្លងវីរុសបំប្លែងថ្មីនេះ។
យ៉ាងណាក៏ដោយ លោក ស្រីបានអំពាវនាវដល់បងប្អូនប្រជាពលរដ្ឋ ត្រូវតែបន្តអនុវត្តវិធានការដែលដាក់ចេញដោយ សម្តេចតេជោនាយករដ្ឋមន្ត្រី គឺ “៣ការពារ និង៣កុំ” ជាបន្តទៀត រួមជាមួយនឹងវិធានការផ្សេងៗទៀត ដែលដាក់ចេញដោយក្រសួងសុខាភិបាលដើម្បីកាត់ផ្តាច់ការចម្លងពីបុគ្គលមួយបន្តទៅបុគ្គលមួយទៀត។
បន្ទាប់ពីមានពលករខ្មែរមកពីថៃឆ្លងវីរុសបំប្លែងថ្មី B.1.617 ក្រសួងសុខាភិបាលបានបើកកិច្ចប្រជុំបន្ទាន់មួយតាមរយៈប្រព័ន្ធវីដេអូ ជាមួយអភិបាលរាជធានីខេត្តដែលដឹកលោកសាស្ត្រាចារ្យ វេជ្ជបណ្ឌិត ម៉ម ប៊ុនហេង រដ្ឋមន្ត្រីក្រសួងសុខាភិបាល និងជាប្រធានគណៈកម្មការអន្តរក្រសួង ដើម្បីទទួលការណែនាំថ្មី។
បើតាមមន្ត្រីរដ្ឋបាលខេត្តកំពង់ចាម ដែលបានចូលរួមនៅក្នុងកិច្ចប្រជុំនោះបានឱ្យដឹងថា ក្នុងកិច្ចប្រជុំនោះ លោកសាស្ត្រាចារ្យ វេជ្ជបណ្ឌិត ម៉ម ប៊ុនហេង បានធ្វើការណែនាំភ្លាមៗ ទៅមន្ទីរសុខាភិបាលខេត្ត ក៏ដូចជាគ្រប់អង្គភាពសុខាភិបាលទាំងអស់ ឲ្យបង្កើនការយកចិត្តទុកដាក់ និងអនុវត្តឲ្យបានត្រឹមត្រូវ តាមគោលការណ៍ប្រតិបត្តិ ស្តង់ដារបច្ចេកទេស ការពារការចម្លងពីបុគ្គលម្នាក់ទៅម្នាក់ ដោយដាក់អ្នកជំងឺឲ្យនៅដោយឡែកពីគ្នា និងបន្តការស្រាវជ្រាវដោយហ្មត់ចត់ លើករណីដែលសង្ស័យ ឬពាក់ព័ន្ធទៅនឹងការចម្លងបន្តគ្នាផ្សេងៗទៀត នៅតាមទីតាំងដែលមានការរកឃើញករណី វិជ្ជមានវីរុសកូវីដ-១៩។
យោងតាមសេចក្តីប្រកាសព័ត៌មានរបស់ក្រសួងសុខាភិបាល កាលពីថ្ងៃម្សិលមិញ បានប្រកាសរកឃើញវីរុសបំប្លែងថ្មី B.1.617 លើពលរដ្ឋកម្ពុជាចំនួន ០៣នាក់ ដែលបានធ្វើដំណើរមកពីប្រទេសថៃ តាមច្រកផ្លូវគោក ហើយអ្នកវិជ្ជមានវីរុសបម្លែងថ្មីទាំង ៣នាក់នេះ បាននិងកំពុងសម្រាកព្យាបាលដាច់ដោយឡែកពីគ្នា នៅមន្ទីរពេទ្យខេត្តឧត្តរមានជ័យ និងមន្ទីរពេទ្យនៅខេត្តបាត់ដំបង៕
ដោយ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)