ព័ត៌មានជាតិ
សូមត្រៀម បងប្អូននៅតាខ្មៅ យុទ្ធនាការចាក់វ៉ាក់សាំងកូវីដនៅក្រុងតាខ្មៅ នឹងចាប់ផ្តើមនៅថ្ងៃ១០មិថុនាខាងមុខ
ភ្នំពេញ៖ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ (គ.វ.ក១៩)បានមានប្រសាសន៍នៅព្រឹកថ្ងៃទី៧មិថុនានេះ ថា គ.វ.ក១៩ នឹងចាប់ផ្តើមបើកយុទ្ធនាការចាក់វ៉ាក់សាំងការពារជំងឺកូវីដ‑១៩ដល់ប្រជាពលរដ្ ឋរស់នៅក្រុងតាខ្មៅខេត្តកណ្តាល នៅថ្ងៃទី១០ ខែមិថុនា ឆ្នាំ២០២១ ខាងមុខនេះ។
លោកស្រី បានបន្តថា « ថ្ងៃស្អែកវ៉ាក់សាំង ៥០ម៉ឺនដូសទៀត នឹងមកដល់អីចឹងយើងនឹងបើកយុទ្ធនាការបន្តទៀតសម្រាប់ចាក់នៅខណ្ឌចំនួន៣ទៀតនៅរាជធានីភ្នំពេញ ដែលនៅសេសសល់ គឺខណ្ឌដូនពេញ ខណ្ឌព្រែកព្នៅ និងខណ្ឌជ្រោយចង្វារនិងចាក់នៅក្រុងតាខ្មៅ ព្រោះយើងគណនាទៅឃើញថាអាចនៅសល់វ៉ាក់សាំង។ អីចឹងថ្ងៃទី១០មិថុនាហ្នឹងយើងបើកយុទ្ធនាការចាក់ទាំងនៅរាជធានីភ្នំពេញនិងក្រុងតានខ្មៅ»។
លោកស្រីបានបន្តទៀតថា យុទ្ធនាការចាក់វ៉ាក់សាំងបន្តនៅខណ្ឌចំនួន៣ ដែលនៅសេសសល់ដោយដូសទី១ចាក់ពីថ្ងៃទី១០ដល់ថ្ងៃទី២៣ខែមិថុនា និងដូសទី២ចាប់ពីថ្ងៃទី២៥ខែមិថុនាដល់ថ្ងៃទី៨ខែកក្កដាឆ្នាំ២០២១។
លោកស្រី រំពឹងទុកថា នឹងអាចចាក់អស់គ្រប់បុគ្គលដែលមានអាយុចាប់ពី១៨ឆ្នាំឡើង នៅរាជធានីភ្នំពេញនៅខែកក្កដាខាងមុខនេះ ខណៈបច្ចុប្បន្នកំពុងចាក់ជួនប្រជាពលរដ្ឋចំនួន១១ខណ្ឌហើយមានខណ្ឌខ្លះបានចាក់រួចរាល់និងខណ្ឌខ្លះទៀតកំពុងដំណើរការចាក់។
លោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលនិងជាប្រធានក្រុមការងារប្រតិបត្តិការបច្ចេកទេសនិងផ្គត់ផ្គង់នៃគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ-១៩ បានឱ្យដឹងថា វ៉ាក់សាំង៥០ ម៉ឺនដូសដែលនឹងមកដល់កម្ពុជានៅថ្ងៃស្អែកនេះ ស្ថិតក្នុងចំណោមវ៉ាក់សាំង៤ លាន ៥ សែនដូស ដែលត្រូវទទួលបានសម្រាប់ខែមិថុនា ឆ្នាំ២០២១។
បើតាមលោកគង់ សោភណ្ឌ័ អភិបា ល នៃគណៈអភិបាលខេត្តកណ្តាល ធ្លាប់បានមានប្រសាសន៍ថា ផែនការចាក់វ៉ាក់សាំងជាជំហានបន្ទាប់ទៀតនេះ រដ្ឋបាលខេត្ត មានតម្រូវការវ៉ាក់សាំងកូវីដ-១៩សម្រាប់ចាក់ជូនប្រជាពលរដ្ឋ និងកម្មករ-កម្មការិនី តាមបណ្ដាក្រុង ស្រុក សរុបចំនួន ១ ១៥៣ ២៣៧ នាក់ក្នុងនោះស្រី ៦៧៥ ៥៧៨ នាក់៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ