បណ្ឌិត គី សេរីវឌ្ឍន៍៖ ឥណទានថ្មីៗកើនឡើងមិនប្រាកដថាល្អសម្រាប់សេដ្ឋកិច្ចនោះទេ
Connect with us
Helistar Cambodia - Helicopter Charter Services

ព័ត៌មានជាតិ

បណ្ឌិត គី សេរីវឌ្ឍន៍៖ ឥណទានថ្មីៗកើនឡើងមិនប្រាកដថាល្អសម្រាប់សេដ្ឋកិច្ចនោះទេ

បានផុស

នៅ

ទោះស្ថិតក្នុងបរិបទកូវីដ១៩ក្ដី ឥណទានថ្មីៗនៅតែបន្តរក្សាកំណើនវិជ្ជមាន ដោយសារតែគោលនយោបាយបន្ធូរបន្ថយរបស់ធនាគារជាតិនៃកម្ពុជា ដែលជួយដល់គ្រឹះស្ថានធនាគារ និងហិរញ្ញវត្ថុដើម្បីអាចបន្តផ្ដល់ប្រាក់កម្ចីដល់អតិថិជនរបស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមាគមគ្រឹះស្ថានមីក្រូហិរញ្ញវត្ថុកម្ពុជា ឥណទានបញ្ចេញថ្មីក្នុងខែមេសា ឆ្នាំ២០២១ មានចំនួន ១,១១២ លានដុល្លា សម្រាប់អតិថិជន ១១៨ ៤៧៦នាក់ សម្រាប់វិស័យធនាគារ និងហិរញ្ញវត្ថុទាំងមូល កើនឡើងបន្តិចបន្តួចបើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះវិស័យមីក្រូហិរញ្ញវត្ថុមានចំណែកអតិថិជន ៦៣% ប៉ុន្តែឥណទានមានប្រមាណតែ ២២%នៃឥណទានសរុប។

លោក បណ្ឌិត គី សេរីវឌ្ឍន៍ ​អ្នក​ជំនាញ​សេដ្ឋកិច្ច​នៃ​រាជបណ្ឌិត​សភាកម្ពុជាមានប្រសាសន៍ថា៖ «ប្រាក់កម្ចីគឺជាអាវុធមុខពីរ ហើយប្រាក់កម្ចីកើនឡើងមិនប្រាកដថាល្អសម្រាប់សេដ្ឋកិច្ចនោះទេ ជាពិសេសនៅក្នុងបរិបទកូវីដ១៩។ ប្រសិនបើកម្ចីនោះសម្រាប់ការប្រើប្រាស់ វានឹងមានវិបត្តិកាន់តែធ្ងន់ធ្ងរសម្រាប់សេដ្ឋកិច្ច ពោលគឺស្មើនឹងលក់ទ្រព្យសម្បត្តិចាយ បើគាត់យកប្លង់ផ្ទះទៅដាក់បញ្ចាំដើម្បីបានប្រាក់កម្ចី។ ផ្ទុយទៅវិញ ប្រសិនបើកម្ចីនោះសម្រាប់ផលិតកម្មនានា នោះទើបហៅថាកម្ចីល្អដែលអាចជួយដល់ការជំរុញសេដ្ឋកិច្ចឡើងវិញ។»

លោក បណ្ឌិត គី សេរីវឌ្ឍន៍ បានបន្តថា តាមការសង្កេត ការកើនឡើងនូវកម្ចីភាគច្រើនផ្តោតលើការទិញអចលនទ្រព្យ ដែលម្ចាស់អចលនទ្រព្យរងវិបត្តិហើយត្រូវលក់វិញក្នុងតម្លៃធូរថ្លៃល្មម។ ពេលនោះ មនុស្សមួយចំនួនដែលយល់ថាអាចទិញបាន ពួកគាត់នឹងខ្ចីលុយដើម្បីយកមកទិញអចលនទ្រព្យនោះ។

ដូច្នេះ វិស័យអចលនទ្រព្យគឺជាកត្តារារាំងដល់វិស័យផលិតកម្ម ព្រោះការលូតលាស់វិស័យអចលនទ្រព្យខ្លាំងពេកធ្វើឱ្យមនុស្សមួយចំនួនតូចក្លាយជាអ្នកមាន ចំណែកផលិតកម្មនៅក្នុងស្រុកអត់មាន ធ្វើឱ្យយើងបាត់បង់ទម្លាប់នៃការផលិតហើយត្រូវទិញគេជារៀងរហូត។

សេដ្ឋកិច្ចកម្ពុជារំពឹងថានឹងមានកំណើន៤,២ភាគរយនៅឆ្នាំនេះ និងកំណើន៦ភាគរយនៅឆ្នាំ២០២២ បន្ទាប់ពីបានធ្លាក់ចុះ៣,៥ភាគរយនៅឆ្នាំ២០២០កន្លងទៅ។ នេះបើយោងតាម សេដ្ឋវិទូជាន់ខ្ពស់ IMF លោក Yasuhisa Ojima។ ទោះជាយ៉ាងណាក៏ដោយ លោក Yasuhisa Ojima ព្រមានថា ភាពមិនប្រាកដប្រជានៅតែមានចំពោះឥណទានសម្រាប់វិស័យសំណង់ និងអចលនទ្រព្យ រួមទាំងវិស័យទេសចរណ៍។

ផ្អែកលើរបាយការណ៍ប្រចាំឆ្នាំ២០២០របស់ធនាគារជាតិនៃកម្ពុជា ឥណទានអតិថិជនរបស់គ្រឹះស្ថានមីក្រូហិរញ្ញវត្ថុបានកើនឡើង១២,៥ភាគរយ។ ឥណទានទាំងនេះបានផ្ដល់ទៅកាន់វិស័យសេដ្ឋកិច្ចរួមមាន៖ ក្រុមគ្រួសារ៣១% ពាណិជ្ជកម្មនិងជំនួញ២០% កសិកម្ម១៨% សេវាកម្ម១៦% ដឹកជញ្ជូន៦% សំណង់៣,៨% និងផ្សេងៗ៣%។

ទន្ទឹមនេះ ឥណទានអតិថិជនរបស់គ្រឹះស្ថានធនាគារកើនឡើង១៥% ដោយឥណទានទាំងនេះបានផ្ដល់ទៅកាន់វិស័យសេដ្ឋកិច្ចរួមមាន៖ ការជួញដូររាយ ១៥,៥% ការជួញដូរដុំ ៩,៧% ការឱ្យខ្ចីទិញផ្ទះជាកម្មសិទ្ធិផ្ទាល់ខ្លួន ១២,៨% សំណង់៩,២% និងការជួញដូរអចលនទ្រព្យ៨,៤%។

អត្ថបទ៖ វ៉ាត វិន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៥ ម៉ោង មុន

បន្ទាន់ទាំងយប់ រដ្ឋាភិបាល​ប្រកាស​បិទ​ខ្ទប់​ខេត្ត​ជាប់ព្រំដែន​ថៃ​ទាំងអស់ និង​ខេត្ត​សៀមរាប

កូវីដ-១៩៦ ម៉ោង មុន

កម្ពុជា​សម្រេច​បិទ​ខេត្ត​ជាប់​ព្រំដែន​ថៃ ក្រោយ​រក​ឃើញ​ឆ្លង​មេរោគកូវីដ១៩ បម្លែងថ្មី Delta ចូលសហគមន៍

កូវីដ-១៩៦ ម៉ោង មុន

ខេត្តកំពង់ឆ្នាំង​រក​ឃើញ​អ្នក​វិជ្ជមាន​ថ្មី​កូ​វីដ​១៩​ថ្មី ៦៥ នាក់ នៅ​ថ្ងៃទី ២៧ ខែកក្កដា

ព័ត៌មានជាតិ៧ ម៉ោង មុន

ពស់ថ្លាន់​២៦​ក្បាល​ ត្រូវ​មន្ត្រី​ឧទ្យាន​នុរក្ស​សហការ​ជាមួយ​ក្រុម​អន្តរាគមន៍​ប្រលែង​ចូល​ព្រៃ​អភិរក្ស​ធម្មជាតិ​ក្នុង​ឃុំ​ផ្លូវ​ទូក

ព័ត៌មានជាតិ៧ ម៉ោង មុន

កម្ពុជារកឃើញ​អ្នក​ចាក់​វ៉ាក់សាំង​ការពារកូវីដ-១៩ លើក​ទី៧លាន ស្មើនឹង៧០ភាគរយ នៃប្រជាជន

Sokha Hotels

ព័ត៌មានពេញនិយម

Helistar Cambodia - Helicopter Charter Services