ខេត្តកោះកុងនឹងមានស្ថានីយថ្លឹងរថយន្តធុនធ្ងន់អចល័តនៅផ្លូវជាតិលេខ ៤៨ ឆ្នាំក្រោយ
Connect with us
Helistar Cambodia - Helicopter Charter Services

ព័ត៌មានជាតិ

ខេត្តកោះកុងនឹងមានស្ថានីយថ្លឹងរថយន្តធុនធ្ងន់អចល័តនៅផ្លូវជាតិលេខ ៤៨ ឆ្នាំក្រោយ

បានផុស

នៅ

ប្រធានមន្ទីរសាធារណការ និងដឹកជញ្ចូនខេត្តកោះកុង បានឱ្យដឹងផែនការរបស់ខ្លួនថា នៅឆ្នាំ២០២២ ខាងមុខ ខេត្តកោះកុងនឹងមានស្ថានីយ ជញ្ជីងថ្លឹងរថយន្តធុនធ្ងន់អចល័តជាផ្លូវការតាមបណ្តោយផ្លូវជាតិលេខ៤៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ជញ្ជីងថ្លឹងរថយន្តដឹកទំនិញធុនធ្ងន់នេះ ក្រោយពីមានការឯកភាពយល់ព្រមឱ្យស្ថាបនារបស់លោក ស៊ុន ចាន់​ថុល រដ្ឋមន្ត្រីក្រសួងសាធារណការ។

លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង នៅព្រឹកថ្ងៃទី៧ ខែមិថុនា បានឱ្យដឹងថា តាមគម្រោងស្ថានីយថ្លឹងរថយន្ត ធ្វើឡើងនៅតាមបណ្តោយផ្លូវជាតិលេខ៤៨ ក្នុងសង្កាត់ស្មាច់មានជ័យ ក្រុងខេមរភូមិន្ទ ក្រោមចំណាយថវិការបស់រដ្ឋទម្លាក់ដោយក្រសួងសេដ្ឋកិច្ច និងហិរញ្ញវត្ថុ។

កាលដែលមិនអាចអនុវត្តបាននៅឆ្នាំនេះ ក៏ព្រោះតែការរៀបចំផែនការសុំថវិកាអភិវឌ្ឍឆ្នាំ២០២១បានហួសពេល ទើបកំណត់យកឆ្នាំ២០២២ផ្តើមអនុវត្តគម្រោងតែម្តង។
លោករំពឹងថា នៅពេលមានជញ្ជីងថ្លឹងអចល័តរួចហើយ នឹងកាត់បន្ថយអត្រាគ្រោះថ្នាក់តាមដងផ្លូវ ព្រមទាំងការខូចខាតផ្លូវថ្នល់ ព្រោះតែសកម្មភាពដឹកជញ្ជូនទំនិញលើសកំណត់បានមួយកម្រិតធំ ក្រៅពីកំណាត់ផ្លូវមួយចំនួនមានសភាពចាស់ទ្រុឌទ្រោមទៅហើយ រង់ចាំគម្រោងអភិវឌ្ឍន៍ថ្មីមកដល់។

តាមការលើកឡើងរបស់រដ្ឋលេខាធិការទទួលបន្ទុកការងារស្ថានីយថ្លឹងរថយន្ត ចង់មានឱ្យមានជញ្ជីងសងខាងផ្លូវ តែ​ទោះ​យ៉ាងណាក្រុមការងារថ្នាក់ជាតិសង់មួយចំហៀងជាមុនសិន។
សាធារណជននៅខេត្តកោះកុង មើលឃើញថា បណ្តោយផ្លូវជាតិលេខ៤៨ តែងរងការខូចខាតអំឡុងរដូវភ្លៀងខ្លាំងស្ទើររៀងរាល់ឆ្នាំ ទោះបីសង្កេតឃើញមានសកម្មភាពរបស់ក្រុមការងារជំនាញចុះជួសជុលថែទាំយ៉ាងណាក្តីពុំដឹងថាមកពីកត្តាហេតុអ្វី?។
ទន្ទឹមនឹងមានវត្តមានស្ថានីយថ្លឹងរថយន្តនៅខេត្តកោះកុង ប្រជាពលរដ្ឋរស់នៅក្នុងខេត្ត បង្ហាញក្តីរំពឹងដែរថានឹងអាចកាត់បន្ថយការខូចខាតផ្លូវតាមការលួចលាក់ដឹកទំនិញលើសទម្ងង់កំណត់បានយ៉ាងមានប្រសិទ្ធភាព ប្រកបដោយតម្លាភាព ជៀសវាងប្រព្រឹត្តអំពើពុករលួយប្រការណាមួយនាំឱ្យខូចបង់ថវិកាជាតិ។

កំណាត់ផ្លូវជាតិលេខ៤៨ដែលមានប្រវែងសរុបប្រមាណជិត៣០០គីឡូម៉ែត្រ ចាប់ពីព្រំដែនអន្តរជាតិចាំយាមដល់ផ្លូវបំបែកស្រុកស្រែអំបិលស្របជាមួយផ្លូវជាតិលេខ៤ខេត្តព្រះសីហនុ គឺជាផ្លូវចរន្តសរសៃរឈាមបម្រើដល់ការដឹកជញ្ចូនទំនិញពាណិជ្ជកម្មដ៏មានសារៈសំខាន់មួយមិនអាចខ្វះបាន៕ អត្ថបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ នាទី មុន

សមត្ថកិច្ច​បង្ក្រាប​បទល្មើស​លួច​ ឆក់​ ក្នុង​រាជធានី​​បានជិត១០០​នាក់​ ក្នុង១ខែ

ព័ត៌មានជាតិ១១ នាទី មុន

សាក្សី​​៖ ​ស្ត្រី​​ជន​ជាតិ​ចិន​​​បើក​ឡាន​ទំនើប​​​ បុក​បុរស​ម្នាក់​កំពុង​ដើរ​​​ រួច​ជ្រុល​​ទៅ​​បុក​ឡាន​​ផ្សេង​ ថយ​ក្រោយ​ប្រុង​រត់​ កិន​ជន​​រង​គ្រោះ​ថែម​​​ស្លាប់​​​ភ្លាម​ៗ​

ព័ត៌មានជាតិ៣២ នាទី មុន

កងកម្លាំងក្រុងសៀមរាបបន្តចុះល្បាតតំបន់ក្រហមទាំងភ្លៀង និងដកហូតមធ្យោបាយធ្វើដំណើរល្មើសបម្រាម

ជីវិតកម្សាន្ដ៥៣ នាទី មុន

សម្រស់តារាស្រី ៤ដួងក្នុងឈុតប្រពៃណីនារដូវបុណ្យភ្ជុំបិណ្ឌ ពិតជាស្រស់ស្អាតមិនចាញ់គ្នាទេ

ចរាចរណ៍១ ម៉ោង មុន

យុវជនម្នាក់ បានរងរបួសធ្ងន់បន្ទាប់ពីជិះបុករថយន្ត១គ្រឿង នៅក្រុងបានលុង

Sokha Hotels

ព័ត៌មានពេញនិយម

Helistar Cambodia - Helicopter Charter Services