ព័ត៌មានជាតិ
កូរ៉េបើកវគ្គបណ្តុះបណ្តាលពង្រឹងសមត្ថភាពដល់មន្ត្រីមូលដ្ឋានកម្ពុជា
ភ្នំពេញ ៖ ការិយាល័យ កយកា-KOICAប្រចាំនៅកម្ពុជា នឹងផ្តល់ការបណ្តុះបណ្តាលតាមប្រព័ន្ធអ៊ិនធឺរណែត ដើម្បីពង្រឹងសមត្ថភាពដល់មន្ត្រីរដ្ឋាភិបាលកម្ពុជានៅតាមមូលដ្ឋានឱ្យកាន់តែប្រសើរឡើងថែមទៀត។
យោងតាមសេចក្តីប្រកាសព័ត៌មាន បានឱ្យដឹងថា វគ្គបណ្តុះបណ្តាលនេះមានរយៈពេល៣ឆ្នាំ(២០២១-២០២៣)ស្តីពីកម្មវិធីអភិវឌ្ឍន៍សមត្ថភាពសម្រាប់សាលាជាតិរដ្ឋបាលមូលដ្ឋាន(កម្ពុជា)ដែលនឹងត្រូវធ្វើឡើងតាមប្រព័ន្ធអ៊ីនធឺណិតរយៈពេល ៧ ថ្ងៃ ចាប់ពីថ្ងៃទី៨ ខែមិថុនា ដល់ថ្ងៃទី ១៤ ខែមិថុនា ឆ្នាំ២០២១។
គោលបំណងនៃកម្មវិធីនេះគឺ ដើម្បីពង្រឹងសមត្ថភាពមន្ត្រីមូលដ្ឋានរបស់រដ្ឋាភិបាលកម្ពុជា តាមរយៈ ការចែករំលែកបទពិសោធន៍របស់ប្រទេសកូរ៉េ នៅក្នុងប្រព័ន្ធអភិវឌ្ឍន៍ធនធានមនុស្ស (HRD) និងប្រព័ន្ធគ្រប់គ្រងធនធានមនុស្ស (HRM)។
វគ្គបណ្ដុះបណ្ដាលឆ្នាំទី១ មានគោលបំណង ធ្វើឲ្យប្រសើរឡើង នូវការយល់ដឹងរបស់អ្នកចូលរួម អំពីសារៈសំខាន់នៃការបណ្តុះបណ្តាល មន្ត្រីរដ្ឋាភិបាល និងដើម្បីបង្កើតផែនការសកម្មភាពប្រកបដោយប្រសិទ្ធភាព ផ្អែកលើការវិភាគគោលនយោបាយ របស់ប្រទេសកម្ពុជា តាមរយៈករណីរបាយការណ៍។
វគ្គបណ្ដុះបណ្ដាលឆ្នាំទី២ ត្រូវបានរៀបចំឡើង ដើម្បីពង្រឹងសមត្ថភាពគ្រូបង្គោលជាតិ សាលារដ្ឋបាលមូលដ្ឋាន(NASLA) រួមទាំងការរៀបចំនិងការអភិវឌ្ឍកម្មវិធីសិក្សា វិធីសាស្ត្របង្រៀនជាដើម និងដើម្បីបង្កើតផែនការសកម្មភាពផ្អែកលើការវិភាគស្ថានភាពបច្ចុប្បន្នរបស់សាលារដ្ឋបាលមូលដ្ឋាន(NASLA)ជាមួយករណីរបាយការណ៍។
វគ្គបណ្ដុះបណ្ដាលឆ្នាំទី៣ គឺផ្តល់យោបល់អំពីការអនុវត្តផែនការសកម្មភាពដោយពិនិត្យឡើងវិញនូវការបង្ហាញការបង្រៀន ដើម្បីចែករំលែកបទពិសោធន៍ និងចំណេះដឹងរបស់ប្រទេសកូរ៉េ អំពីការគ្រប់គ្រង និងប្រតិបត្ដិការនៃវិទ្យាស្ថានបណ្តុះបណ្តាលមន្ត្រីរដ្ឋាភិបាលនិងដើម្បីរៀបចំផែនការសកម្មភាពចុងក្រោយ ដោយផ្អែកលើវឌ្ឍនភាពនៃឆ្នាំទី១និងទី២។
កម្មវិធីនេះមានសិក្ខាកាមចូលរួមចំនួន២២នាក់ មកពីក្រសួងមហាផ្ទៃ រួមមាន នាយកដ្ឋានបណ្តុះបណ្តាល នាយកដ្ឋានបុគ្គលិកនិង រដ្ឋបាលថ្នាក់ក្រោមជាតិ មកពីខេត្តរតនគីរី ខេត្តពោធិ៍សាត់ ខេត្តកំពង់ចាម ខេត្តបន្ទាយមានជ័យ ខេត្តកោះកុង ខេត្តកំពង់ធំ និងខេត្តសៀមរាប។ ក្នុងចំណោមសិក្ខាកាមទាំង២២នាក់ មានសិក្ខាកាមចំនួន៦នាក់ ដែលជាអភិបាលរងខេត្ត មកពីខេត្តរតនគីរី ពោធិ៍សាត់ កំពង់ចាម បន្ទាយមានជ័យ កោះកុង និង កំពង់ធំ៕
ដោយ ៖ សំអឿន
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ