ព័ត៌មានជាតិ
ខេត្តកំពង់ស្ពឺបន្តរឹតបន្តឹងការជួបជុំផឹកស៊ី និងដាក់បម្រាមគោចរពេលយប់មួយសប្តាហ៍ទៀត
រដ្ឋបាលខេត្តកំពង់ស្ពឺបន្តហាមការជួបជុំផឹកស៊ី និងដាក់បម្រាមគោចរពេលយប់មួយសប្តាហ៍ទៀតដើម្បីទប់ស្កាត់ការឆ្លងរាលដាលជំងឺកូវីដ-១៩ នៅក្នុងភូមិសាស្ត្រខេត្តកំពង់ស្ពឺ។
លោក វ៉ី សំណាង អភិបាលខេត្តកំពង់ស្ពឺបានឱ្យដឹងនៅក្នុងសេចក្តីជូនដំណឹងចុះថ្ងៃទី៧ ខែមិថុនា ថាការដាក់វិធានការរដ្ឋបាលជាបណ្ដោះអាសន្នរយៈពេលមួយសប្តាហ៍ជាបន្តទៀតនេះ គឺចាប់អនុវត្តចាប់ពីថ្ងៃទី៧ដល់ថ្ងៃទី១៣ ខែមិថុនា ឆ្នាំ២០២១ ដើម្បីទប់ស្កាត់ការឆ្លងរាលដាលជំងឺកូវីដ១៩។
លោកអភិបាលខេត្តបានឱ្យដឹងទៀតថា នៅក្នុងការអនុវត្តវិធានការរដ្ឋបាលជាបណ្ដោះអាសន្នរយៈពេលមួយសប្តាហ៍នេះ ត្រូវបានផ្អាកជាបណ្ដោះអាសន្ននូវសកម្មភាពដូចជា ភោជនីយដ្ឋាន អាហារដ្ឋាន តូបអាហារចល័ត ដែលបើកទទួលអតិថិជនចូលទទួលទានអាហារភេសជ្ជៈ នៅចន្លោះម៉ោង២០យប់ ដល់ម៉ោង៣ទៀបភ្លឺ។ ប៉ុន្តែទីតាំងអាជីវកម្មទាំងនោះ អាចលក់ជាលក្ខណៈវេចខ្ចប់បាន។
លោកអភិបាលខេត្តបានបន្តទៀតថា ភោជនីយដ្ឋានអាហារដ្ឋានតូបអាហារដែលបើកទទួលទានអាហារ មិនត្រូវលក់គ្រឿងស្រវឹងជាដាច់ខាត ហើយគ្រប់ផ្សាររដ្ឋ ផ្សារឯកជន ផ្សារម៉ាត និងហាងលក់ភេសជ្ជៈ ត្រូវផ្អាកការលក់គ្រឿងស្រវឹងគ្រប់ប្រភេទផ្អាក។
ទន្ទឹមនឹងនេះ លោកអភិបាលខេត្តបានបន្ថែមថា ផ្អាកការជួបជុំជាលក្ខណៈគ្រួសារដែលមានការទទួលគ្រឿងស្រវឹង និងរាល់ការធ្វើសកម្មភាពកីឡាដែលមានលក្ខណៈជួបជុំ ឬការប្រមូលផ្ដុំមនុស្សលើសពី២នាក់។ ប៉ុន្តែត្រូវបានលើកលែងតែចំពោះករណីការជួបជុំលក្ខណៈគ្រួសារដែលរស់នៅក្នុងលំនៅឋាន ឬទីសំណាក់តែមួយ ។
ការរៀបចំពិធីបុណ្យសពគោរពតាមវិធានការសុខាភិបាល និងតាមការកំណត់របស់អាជ្ញាធរមានសមត្ថកិច្ច ។ ការជួបជុំរបស់បុគ្គលិកសុខាភិបាលបំពេញការងារក្នុងការថែរក្សាសង្គ្រោះផ្សេងៗ ។
ការជួបជុំរបស់អាជ្ញាធរសមត្ថកិច្ច កម្លាំងគណៈបញ្ជាការឯកភាពខេត្ត ក្រុង ស្រុក ឃុំ សង្កាត់ ក្នុងការបំពេញភារកិច្ចថែរក្សាសន្តិសុខសណ្ដាប់ធ្នាប់ និងរបៀបរៀបរយសាធារណៈ។
លោកអភិបាលខេត្តបានព្រមានថា បុគ្គលឬនីតិបុគ្គលទាំងឡាយណា ដែលមិនចូលរួមអនុម័តតាមរដ្ឋបាលខេត្តនឹងអនុវត្តវិធានកាទៅតាមផ្លូវច្បាប់ដូចបានកំណត់ក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ១៩ និងជំងឺកាចសាហាវនិងប្រកបដោយគ្រោះថ្នាក់ធ្ងន់ធ្ងរផ្សេងទៀតព្រមទាំងលិខិតបទដ្ឋានគតិយុត្តិពាក់ព័ន្ធជាធរមាន៕
អត្ថបទ ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)