ព័ត៌មានជាតិ
ចូលរួមទប់ស្កាត់ និងកាត់បន្ថយសំណល់ប្លាស្ទិក ទាំងនៅលើដី និងក្នុងទឹក
ពិធីចុះហត្ថលេខាលើកិច្ចព្រមព្រៀងអនុវត្តគម្រោងកាត់បន្ថយសំណល់ប្លាស្ទិកនៅក្នុងខេត្តសៀមរាប រវាងក្រសួងបរិស្ថាន និងរដ្ឋបាលខេត្ត នារសៀលថ្ងៃទី០៧ ខែមិថុនា ឆ្នាំ២០២១ នៅសាលាប្រជុំលេខ១ របស់រដ្ឋបាលខេត្តសៀមរាប ក្រោមអធិបតីភាពលោក គិត ច័ន្ទគ្រីស្នា ទីប្រឹក្សារដ្ឋមន្ត្រីក្រសួងបរិស្ថាន និងលោក ង៉ាន់ ភិរុណ អភិបាលរងខេត្ត តំណាងដ៏ខ្ពង់ខ្ពស់លោក ទៀ សីហា អភិបាលនៃគណៈអភិបាលខេត្តសៀមរាប ដោយមានការអញ្ជើញចូលរួមពីលោកនាយករងរដ្ឋបាលខេត្ត លោកប្រធានមន្ទីរបរិស្ថាន មន្ទីរទេសចរណ៍ អភិបាលរងក្រុង តំណាងប្រធានមន្ទីរធនធានទឹក ប្រធានមន្ទីរកសិកម្ម លោកស្រី Moeko Saito Jensen អ្នកជំនាញការបរិស្ថាននៃកម្មវិធីអភិវឌ្ឍន៍សហប្រជាជាតិ (UNDP) លោក លោកស្រី ប្រតិភូអមដំណើរទាំងអស់។
លោក ង៉ាន់ ភិរុណ អភិបាលរងខេត្តបានមានប្រសាសន៍ថា បច្ចុប្បន្ននេះរដ្ឋបាលខេត្តសៀមរាប បាននឹងកំពុងកៀងគរធនធានពីដៃគូអភិវឌ្ឍន៍ និងជំរុញដល់រដ្ឋបាល ក្រុង-ស្រុកក្នុងការអនុវត្តមុខងារគ្រប់គ្រងសំរាម សំណល់រឹង ទីប្រជុំជន តាមបណ្តាក្រុង-ស្រុក ដោយអនុលោមតាមអនុក្រឹត្យលេខ១១៣ អនក្រ.បក ស្តីពីការគ្រប់គ្រងសំរាម សំណល់រឹងទីប្រជុំជន ដើម្បីធានាបាននូវ សោភណ្ឌភាព សុខមាលភាព និងគុណភាពបរិស្ថាន។
តាមរយៈកិច្ចខិតខំប្រឹងប្រែងកន្លងមកនេះ ខេត្តសៀមរាបទទួលបានឡដុតសំរាមចំនួន៣គ្រឿង រ៉ឺម៉កម៉ូតូកង់បីចំនួន០៦គ្រឿង និងរថយន្តដឹកជញ្ជូនសំរាម ២គ្រឿង ផ្តល់ដោយក្រសួងបរិស្ថាន និងទទួលរថយន្តបោសសម្អាតផ្លូវចំនួន ០៣គ្រឿង ក្រោមជំនួយឧបត្ថម្ភពីខេត្តយូណាន នៃសាធារណៈរដ្ឋប្រជាមានិតចិន សម្រាប់សម្អាតតាមដងផ្លូវនានា ក្នុងក្រុងសៀមរាប។
លោកបានបន្ថែមទៀតថា តាមរយៈកិច្ចសហការអនុវត្តគម្រោងនេះសង្ឃឹមថា សំណល់ប្លាស្ទិកនឹងត្រូវបានកាត់បន្ថយតាមរយៈការបញ្ជ្រាបការយល់ដឹង និងផ្សព្វផ្សាយដល់ប្រជាពលរដ្ឋ ការប្រើប្រាស់ផលិតផលជំនួសផលិត ផលប្លាស្ទិក និងការគាំទ្រនូវមធ្យោបាយសម្ភារផ្សេងៗសម្រាប់អនុវត្តសកម្មភាពរួមមានទី១កាសិក្សាពីលទ្ធភាព និងមធ្យោបាយបង្កើនសេវាគ្របដណ្តប់ក្នុងការប្រមូល សម្អាត និងដឹកជញ្ជូនសំរាម និងដោះស្រាយការកកស្ទះសំរាម ទី២ការផ្តល់នូវសម្ភារធុងសំរាម និងការរៀបចំដំឡើងប៉ាណូផ្សព្វផ្សាយទាក់ទងនឹងការកាត់បន្ថយប្លាស្ទិក និង៣).ការបង្កើនចំណេះដឹង និងយុទ្ធនាការផ្សព្វផ្សាយគ្រប់មធ្យោបាយ។
លោកអភិបាលរងក៏បានបញ្ចាក់ដែរថា នៅក្នុងពិធីចុះហត្ថលេខាលើកិច្ចព្រមព្រៀងនេះដែរគឺធ្វើឡើងក្នុងគោលបំណងចូលរួមចំណែកក្នុងការទប់ស្កាត់ និងការកាត់បន្ថយសំណល់ប្លាស្ទិកទាំងនៅលើដី និងក្នុងទឹក តាមរយៈការអនុវត្តនូវគោលការណ៍៤ (ការកាត់បន្ថយ ការប្រើប្រាស់ឡើងវិញ ការកែច្នៃ និងបដិសេធ)៕
អត្ថបទ ៖ គឿនវេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ