ព័ត៌មានជាតិ
ប្រមុខរាជរដ្ឋាភិបាល សម្រេចលុបចោលការបោះឆ្នោតសាកល្បង ជ្រើសរើសក្រុមប្រឹក្សាឃុំសង្កាត់
តាមរយៈសារជាសំឡេងនាល្ងាចថ្ងៃទី០៩ ខែមិថុនា ឆ្នាំ២០២១នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានសម្រេចលុបចោលការបោះឆ្នោតសាកល្បង ដើម្បីជ្រើសរើសក្រុមប្រឹក្សា ឃុំ សង្កាត់នៅថ្ងៃទី២០ ខែមិថុនា ខាងមុខ។
សម្ដេចបានបញ្ជាក់ថា សម្ដេចទើបទទួលព័ត៌មាន ពីការបោះឆ្នោតសាកល្បងជ្រើសរើសក្រុមប្រឹក្សាឃុំសង្កាត់ឆ្នាំ២០២១។ សម្តេចបានបន្តថា ដោយយោងទៅលើសភាពការណ៍បច្ចុប្បន្ន គឺការរីករាលដាលនៃជំងឺកូវីដ១៩ ដោយមួយថ្ងៃៗ មានប្រជាជនឆ្លងរាប់រយនាក់ និងមានមនុស្សស្លាប់ជារៀងរាល់ថ្ងៃផងនោះ ដូច្នេះគ្មានភាពចាំបាច់ណា ដើម្បីធ្វើការបោះឆ្នោតសាកល្បងនោះទេ។ ពីព្រោះពេលវេលានេះ យើងត្រូវផ្ដល់អាទិភាព និងប្រមូលគ្រប់កម្លាំងទាំងអស់ដើម្បីប្រយុទ្ធប្រឆាំងជំងឺកូវីដ១៩។
បើតាមសម្ដេចតេជោ ហ៊ុន សែន ពេលវេលានេះ មិនមែនជាពេលវេលាត្រូវប្រមូលប្រជាជនមកធ្វើការរៀនសូត្រពីការបោះឆ្នោតសាកល្បងនោះទេ ដែលសូម្បីតែគណៈកម្មាធិការជាតិរៀបចំការបោះឆ្នោត ក៏ត្រូវចូលរួមដើម្បីប្រយុទ្ធប្រឆាំងជំងឺកូវីដ១៩ផងដែរ។ ការប្រមូលប្រជាជន ដើម្បីធ្វើការបោះឆ្នោតសាកល្បង គឺគ្មានការចាំបាច់នោះទេ។
សម្ដេចតេជោ ហ៊ុន សែន បានបញ្ជាក់ថា ក្នុងនាមរាជរដ្ឋាភិបាល សម្ដេចកំពុងតែធ្វើលិខិតដើម្បីស្នើសុំទៅគណៈកម្មាធិការជាតិរៀបចំការបោះឆ្នោត ដើម្បីឲ្យលុបចោលនូវកម្មវិធីបោះឆ្នោតសាកល្បងនេះ ប៉ុន្តែដើម្បីជាកិច្ចការជាបន្ទាន់ សម្ដេចត្រូវចេញបទបញ្ជាទៅអភិបាលរាជធានី ខេត្តទាំងអស់ សុំកុំប្រមូលប្រជាជន ដើម្បីបណ្ដុះបណ្ដាលរៀនសូត្រពីការបោះឆ្នោតសាកល្បងនេះ។
ការសម្រេចចេញបទបញ្ជានេះ ដោយសារសម្ដេចបានដឹងពីព័ត៌មានពីការប្រមូលផ្តុំប្រជាពលរដ្ឋនៅថ្ងៃស្អែកនេះ ដើម្បីហ្វឹកហាត់ក្នុងការបោះឆ្នោតសាកល្បងនៅខេត្តសៀមរាប ដែលខេត្តមួយនេះ មានឃុំចំនួន២កំពុងតែរីករាលដាលយ៉ាងខ្លាំង។
សូមបញ្ជាក់ថា នៅល្ងាចថ្ងៃទី០៩ ខែមិថុនា ឆ្នាំ២០២១ដដែលនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក៏បានធ្វើលិខិតស្នើទៅគណៈកម្មាធិការជាតិរៀបចំការបោះឆ្នោត ដើម្បីលុបចោលកម្មវិធីបោះឆ្នោតសាកល្បងនេះផងដែរ៕
អត្ថបទ៖ កោះកែវ
-
ជីវិតកម្សាន្ដ៧ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៦ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១៨ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៦ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?
-
ព័ត៌មានជាតិ៤ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត