ព័ត៌មានជាតិ
ឯកឧត្តម ហ៊ុន ម៉ាណែត និងលោកជំទាវ ពេជ្រ ច័ន្ទមុន្នី ផ្តល់ថវិកា១៤០លានរៀល ដល់គណៈកម្មាធិការសមាគម អតីតយុទ្ធជនកម្ពុជាខេត្តកំពង់ធំ
ឯកឧត្តម ហ៊ុន ម៉ាណែត និងលោកជំទាវ ពេជ្រ ច័ន្ទមុន្នី បន្ទាប់ពីមើលឃើញទុក្ខលំបាករបស់ក្រុមគ្រួសារអតីតយុទ្ធជនដែលទើបតែមកសាងជីវភាពថ្មី នៅលើដីសម្បទានសង្គមកិច្ច នៅឃុំក្រយា ស្រុកសន្ទុក ខេត្តកំពង់ធំ បានសម្រេចចិត្ត ផ្តល់ថវិកា១៤០លានរៀល ដល់គណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ សម្រាប់ធ្វើបង្គន់អនាម័យ ជូនដល់អតីតយុទ្ធជនចំនួន១៤០គ្រួសារ ដើម្បីសុខភាពអនាម័យរស់នៅស្អាត ។
ពិធីប្រគល់ថវិការ ១៤០ លានរៀល ជាអំណោយរបស់ ឯកឧត្តម មេបញ្ជាការកងទ័ពជើងគោក អគ្គលេខាធិការរងសមាគមអតីតយុទ្ធជនកម្ពុជា បានធ្វើឡើងនៅព្រឹកថ្ងៃទី៩ ខែមិថុនា ឆ្នាំ២០២១ នៅទីបញ្ជាការដ្ឋានតំបន់ប្រតិបត្តិការសឹករងកំពង់ធំ ដោយតំណាង ឯកឧត្តមបណ្ឌិត ហ៊ុន ម៉ាណែត និងលោកជំទាវ បានប្រគល់ជូន ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ។
សូមបញ្ជាក់ផងដែរថា នេះជាការយកចិត្តទុកដាក់បំផុត ក្នុងការគិតគូរពីសុខទុក្ខ របស់អតីតយុទ្ធជន ដែលមិនធ្វើឲ្យអតីតយុទ្ធជន និងក្រុមគ្រួសារ អស់សង្ឃឹមឡើយ គឺគ្រួសារនិមួយៗទទួលបាន ពីសម្ដេចអគ្គមហាសេនាបតីតេជោហ៊ុនសែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន មានផ្ទះមួយខ្នង ផ្ទៃដីលំនៅដ្ឋាន១៥០០០ម៉ែត្រការ៉េ បង្គន់អនាម័យមួយ រួមទាំងការមើលថែពីអាជ្ញាធរ គ្រប់ស្ថាប័ន ជាពិសេសក្រុមការងារគណៈកម្មាធិការសមាគមអតីតយុទ្ធជនកម្ពុជាខេត្តកំពង់ធំ ដែលមានឧត្តមសេនីយ៍ទោ សោម ស៊ុន ជាប្រធាន ។
ឧត្តមសេនីយ៍ទោសោម ស៊ុន តំណាងឲ្យអតីតយុទ្ធជនទាំងចំនួន 140 គ្រួសារ សូមគោរពថ្លែងអំណរគុណដ៏ជ្រាលជ្រៅជាទីបំផុតចំពោះឯកឧត្តមហ៊ុនម៉ាណែតនិងលោកជំទាវពេជ្រច័ន្ទមុន្នីដែលបានដល់ថវិកាសម្រាប់សាងសង់បង្គន់អនាម័យនេះដើម្បីសម្រួលដល់ការរស់នៅរបស់បងប្អូនតីតយុទ្ធជនរបស់យើង សូមគោរពជូនពរឯកឧត្តមនិងលោកជំទាវព្រមទាំងបុត្រាបុត្រីសូមបានជួបប្រទះពុទ្ធពរទាំងឡាយ 5 ប្រការគឺអាយុវណ្ណៈសុខៈពលៈនិងបដិភាណៈកុំបីឃ្លៀងឃ្លាតឡើយ៕
អត្ថបទ ៖ ប៊ុន រដ្ឋា
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)