ព័ត៌មានជាតិ
អភិបាលខេត្តព្រៃវែង អញ្ជើញចុះសួរសុខទុក្ខក្រុមទាហានឈុត ស នៅមន្ទីរពេទ្យបង្អែកស្រុកព្រះស្ដេច
ឯកឧត្តម ជា សុមេធី អភិបាលខេត្ត និងឯកឧត្ដម ហ៊ី ប៉ាវី ប្រតិភូរាជរដ្ឋាភិបាលទទួលបន្ទុកជាអគ្គនាយកកំពង់ផែស្វ័យត រាជធានីភ្នំពេញ និងជាប្រធានក្រុមការងារចុះជួយស្រុកព្រះស្តេច ខេត្តព្រៃវែង បានអញ្ជើញចុះសួរសុខទុក្ខដល់ក្រុមទាហានឈុត ស និងអ្នកជំងឺកូវីដ១៩ ដែលកំពុងសម្រាកព្យាបាលនៅមន្ទីរពេទ្យបង្អែកស្រុកព្រះស្ដេច។
ថ្លែងនៅក្នុងឱកាសនោះផងដែរ ឯកឧត្តម ជា សុមេធី អភិបាលខេត្តបានមានប្រសាសន៍ថា គិតត្រឹមថ្ងៃទី៩ ខែមិថុនា ឆ្នាំ២០២១ ខេត្តព្រៃវែងមានអ្នកឆ្លងជំងឺកូវីដ-១៩ សរុប៧៨២នាក់ បានព្យាបាល ជាសះស្បើយ៣១៣នាក់ កំពុងសម្រាកព្យាបាល ៤៦១នាក់ និងស្លាប់៨នាក់។
ឯកឧត្ដមអភិបាលខេត្ត បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងយកអស់កម្លាំងកាយចិត្ត របស់ក្រុមទាហានឈុត ស ក្នុងការប្ដូរជីវិត លះបង់គ្រួសារ ដើម្បីពុះពារខិតខំក្នុងការព្យាបាលជំងឺដ៏កាចសាហាវដែលកំពុងតែរាតត្បាតនៅលើពិភពលោក ក៏ដូចជានៅក្នុងប្រទេសកម្ពុជាយើង ហើយមានការឆ្លងនិងស្លាប់មួយចំនួននៅក្នុងប្រទេសកម្ពុជាក៏ដូចជានៅក្នុងស្រុកព្រះស្ដេចដែលកំពុងតែមានអ្នកកើតនូវជំងឺកូវីដ១៩ ជាច្រើននាក់ដែលកំពុងតែសម្រាកព្យាបាលនៅក្នុងមន្ទីរពេទ្យបង្អែកស្រុកព្រះស្ដេចនេះ ដោយជាលទ្ធផលក្រុមគ្រូពេទ្យរបស់យើងក៏បានខិតខំព្យាបាលរហូតដល់មានការជាសះស្បើយជាច្រើននាក់ផងដែរ។
ក្នុងនោះឯកឧត្តអភិបាលខេត្ត សូមផ្តាំផ្ញើដល់ក្រុមទាហានឈុត ស ទាំងអស់មិនត្រូវមានការបាក់ទឹកចិត្តក្នុងការព្យាបាលនៃជំងឺកូវីដ១៩ ជូនបងប្អូនប្រជាពលរដ្ឋយើងនោះទេ។ ហើយប្រសិនបើមានបញ្ហាឬតម្រូវការចាំបាច់ណាមួយដែលត្រូវរាយការណ៍ដល់ខេត្ត ឯកឧត្ដមនឹងទទួលស្វាគមន៍គ្រប់ពេលវេលា។
ឯកឧត្ដមអភិបាលខេត្ត សូមផ្តាំផ្ញើដល់បងប្អូនប្រជាពលរដ្ឋដែលកើតជំងឺកូវីដ១៩ អញ្ជើញមកសម្រាកព្យាបាលនៅមន្ទីរពេទ្យបង្អែក ស្រុកព្រះស្ដេចទាំងអស់នេះ ត្រូវថែទាំសុខភាពដោយខ្លួនឯងឲ្យបានខ្ជាប់ខ្ជួន ហើយត្រូវហូបចុះគ្រប់គ្រាន់។
លោក ភុន សម្ផស្ស អភិបាលស្រុកព្រះស្ដេច និងលោក អ៊ុង ចាន់ធឿន ប្រធានការិយាល័យសុខាភិបាលស្រុកប្រតិបត្តិ ព្រះស្ដេច សូមថ្លែងអំណរអរគុណដល់ឯកឧត្តម អភិបាលខេត្ត និងឯកឧត្តម ហ៊ឺ បាវី ដែលបានអញ្ជើញចុះសួរសុខទុក្ខក្នុងការលើកទឹកចិត្តដល់ក្រុមទាហានឈុត ស ក៏ដូចជាបងប្អូនប្រជាពលរដ្ឋដែលកំពុងតែសម្រាកព្យាបាលជំងឺកូវីដ១៩នេះ។
លោកអភិបាលស្រុកបានលើកឡើងថា ឯកឧត្ដមអភិបាលខេត្ត និងឯកឧត្តមប្រធានក្រុមការងារ តែងតែឧបត្ថម្ភគាំទ្រដល់ស្រុកព្រះសម្តេចជានិច្ច៕
អត្ថបទ ៖ សៅគ្រី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ