ព័ត៌មានជាតិ
អាកាសធាតុកម្ពុជា នឹងចាប់ផ្ដើមចុះត្រជាក់ ចាប់ពីថ្ងៃស្អែក
ក្រសួងធនធានទឹក និងឧតុនិយមថា បានឲ្យដឹងថា ក្នុងរយៈពេលចាប់ពីថ្ងៃទី១៨-២៤ ខែវិច្ឆិកា ឆ្នាំ២០២០ កម្ពុជា នឹងទទួលរងនូវឥទ្ធិពលនៃសម្ពាធខ្ពស់ពីភាគខាងជើង (ប្រទេសចិន) និងខ្យល់មូសុងឦសានខ្សោយ។
តាមសេចក្តីជូនដំណឹងបានឲ្យដឹងថា ស្ថានភាពនេះ នឹងធ្វើឲ្យបណ្ដាខេត្ត ក្រុងមួយចំនួន ក្នុងប្រទេសកម្ពុជា មានសីតុណ្ហភាពចុះត្រជាក់ ដល់២១អង្សាសេ ពិសេសបណ្ដាខេត្ត ជាប់ជួរភ្នំដងរែក និងខ្ពង់រាបឦសាន។ សេចក្តីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងដែរថា ស្ថានភាពនេះ នឹងធ្វើឲ្យផ្នែកមួយចំនួន អាចមានភ្លៀងក្នុងកម្រិតពីខ្សោយទៅមធ្យម ផងដែរ។ សូមបញ្ជាក់ដែរថា នាពេលថ្មីៗនេះ ក្រសួងសុខាភិបាល បានបង្ហាញពីរបៀបការពារសុខភាព ដល់ប្រជាពលរដ្ឋ ពិសេសមនុស្សវ័យចំណាស់ និងកុមារ នៅក្នុងអំឡុងពេលអាកាសធាតុចុះត្រជាក់។
យោងតាមសេចក្តីណែនាំរបស់ក្រសួងសុខាភិបាល បានឲ្យដឹងថា នៅក្នុងអាកាសធាតុ ចុះត្រជាក់នេះ ប្រជាពលរដ្ឋត្រូវប្រឈមនឹងជំងឺមួយចំនួនដូចជា ជំងឺផ្លូវដង្ហើម ដែលមិនត្រូវនឹងអាកាសធាតុត្រជាក់ ឬជាប្រភេទអាល់លែកហ្ស៊ី និងជំងឺផ្លូវដង្ហើមបណ្ដាលមកពីវីរុសនិងមេរោគស្ត្រិបតូកូក ដែលបង្កឲ្យមានរោគសញ្ញាដូចជា គ្រុនផ្តាសាយ ហៀរសំបោរ រលាកបំពង់ក ក្អកនិងរលាកក្រពះពោះវៀនដោយពពួកវីរុស ជាដើម។
ក្រសួង បានណែនាំដល់ប្រជាពលរដ្ឋ ពិសេសទារក កុមារ និងមនុស្សវ័យចំណាស់ គួរតែស្លៀកពាក់ច្រើនជាន់ ដើម្បីរក្សាភាពកក់ក្តៅក្នុងខ្លួន។ ចៀសវាងសំលៀកបំពាក់តឹង ពីព្រោះវាអាចរំខានដល់ចរាចរឈាម ក្នុងរាងកាយ និងបណ្តាលឲ្យបាត់បង់កំដៅរាងកាយ។ លើសពីនេះទៀតមនុស្សវ័យចំណាស់អាចបណ្តាលឲ្យមានគ្រោះថ្នាក់ដល់អាយុជីវិត ដោយសារតែការឆ្លើយតបរបស់រាងកាយ ជាមួយភាពត្រជាក់ ជាពិសេសអ្នកមានជំងឺទឹកនោមផ្អែម និងជំងឺបេះដូង។ក្រសួង បានណែនាំដល់ប្រជាពលរដ្ឋស្វែងរកការព្យាបាលវេជ្ជសាស្ត្រ នៅគ្រឹះស្ថានសុខាភិបាល ប្រសិនបើលោកអ្នកមានរោគសញ្ញា ពិបាកដកដង្ហើម គ្រុនក្តៅ ក្អក ឈឺក និង ឈឺសាច់ដុំ ឬមានបញ្ហាសុខភាពផ្សេងទៀត ដែលមិនបានរៀបរាប់នៅក្នុងសេចក្តីណែនាំនេះ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ