ព័ត៌មានជាតិ
កាកបាទក្រហមខេត្តស្វាយរៀង អរគុណចំពោះសប្បុរសជនដែលបានបរិច្ចាកថវិកាជួយដល់សកម្មភាពមនុស្សធម៌
លោកស្រី ដួង វណ្ណា ប្រធានកិត្តិយសសាខា បានមានប្រសាសន៍លើកឡើងថា ទោះបីប្រទេសកម្ពុជាកំពុងតែជួបវិបត្តិសេដ្ឋកិច្ចធ្ងន់ធ្ងរក៏ដោយ ក៏សាខាកាកបាទក្រហមកម្ពុជាខេត្តស្វាយរៀង នៅតែបន្តសកម្មភាពមនុស្សធម៌គ្រប់ ខណៈពេលពលរដ្ឋមានការលំបាក ឬមានគ្រោះអាសន្ន្ននោះ។ ជាមួយគ្នានេះដែរលោកស្រីដួង វណ្ណាបានថ្លែងអរគុណចំពោះសប្បុរសជនដែលបានបរិច្ចាកថវិកាជួយដល់សកម្មភាពមនុស្សធម៌ទោះជួបវិបត្តិកូវីដ១៩ក្តី។
លោកស្រី ដួង វណ្ណា ថ្លែងបែបនេះនាថ្ងៃទី១០ ខែមិថុនា ឆ្នាំ២០២១ក្នុងពេលធ្វើពិធីប្រគល់-ទទួលមូលនិធិពីសប្បុរសជន អបអរខួបទី១៥៨ ទិវាពិភពលោក កាកបាទក្រហម អឌ្ឍចន្ទក្រហម ៨ឧសភា ឆ្នាំ២០២១ ក្រោមប្រធានបទ (ទាំងអស់គ្នា រួមគ្នាជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ)នៅទីស្នាក់ការសាខាកាកបាទក្រហមកម្ពុជា ខេត្តស្វាយរៀង ។
លោកស្រី ដួង វណ្ណា ប្រធានកិត្តិយសសាខា បានមានប្រសាសន៍លើកឡើងថា ទោះបីទិវាពិភពលោកកាកបាទក្រហម អឌ្ឍចន្ទក្រហម ៨ឧសភា មិនបានប្រារព្វធ្វើ២ឆ្នាំជាប់គ្នា ដោយសារតែការ រាតត្បាតជាសកលនៃជំងឺកូវី-១៩ បណ្តាលឲ្យជួបផលប៉ះពាល់ធ្ងន់ធ្ងរដល់សេដ្ឋកិច្ចនៅលើពិភពលោក ក៏ដូចនៅប្រទេសកម្ពុជាយើងក្តី ក៏សកម្មភាពមនុស្សធម៌នៅតែបន្តយ៉ាងសកម្មដដែល ខណៈពេលពលរដ្ឋជួបទុក្ខលំបាក ឬគ្រោះអាសន្នកើតឡើង។
លោកស្រីប្រធានកិត្តិយសសាខាថ្លែងបន្តថា បញ្ហាកូវីដ១៩នេះ ជាហេតុនាំឲ្យសាខាកាកបាទក្រហមកម្ពុជា ខេត្តនីមួយៗ ប្រើប្រាស់សេចក្តីប្រកាសព័ត៌មានរបស់កាកបាទក្រហមកម្ពុជា សម្រាប់ជាមូលដ្ឋាននៃការរកមូលនិធិដែលត្រូវរៀបចំជាកម្មវិធីប្រគល់-ទទួលដោយ អនុវត្តវិធានការ ៣ ការពារ ៣ កុំ និង ២ ចូលរួមផ្សព្វផ្សាយនាមសប្បុរសជន និងធ្វើលិខិត ឬបណ្ណថ្លែងអំណរគុណជូន សប្បុរសជន ទាន់ពេលវេលា ។
សូមបញ្ចាក់ថា សប្បុរសជនរួដែលបានចូលរួមក្នុងសកម្មភាពមនុស្សធម៌ខេត្តស្វាយរៀងរួមមាន៖ លោកបណ្តិត កែរ រដ្ឋា ប្រធានមន្ទីរសុខាភិបាល និងសហការី៥លានរៀល លោកស្រី ឥន ណាគ្រី ប្រធានមន្ទីរវប្បធម៌ និងវិចិត្រសិល្បៈ និងសហការី ៥ សែន រៀល លោកសេង សីលា អភិបាលរងខេត្ត និងភរិយា៥ សែនរៀល លោក សុខ រស់ អភិបាល រងខេត្ត និងភរិយា៣ សែនរៀល ។
ក្នុងឱកាសនោះដែរលោកស្រី ដួង វណ្ណា ប្រធានកិត្តិយសសាខា បានប្រគល់មូលនិធិដែលទទួលបានពីលោក លោកស្រីជាសប្បុរសជន ប្រគល់ជូនលោកស្រី ពៅ សុភាព ហេរញ្ញឹកគណៈកម្មាធិការសាខា ដែលមានរាយនាមដូចខាងក្រោម៖ លោកស្រី ម៉ែន ភក្តី ហុកឡងឌី ២.០០០ ដុល្លារ លោកនាយឧត្តមសេនីយ៍ ម៉ក់ សារុន អគ្គមេបញ្ជាកររង កងយោធពលខេរភូមិន្ទ និងភរិយា ២.០០០ ដុល្លារ ឧត្តមសេនីយ៍ឯកបណ្ឌិត យឿង សុខុន មេបញ្ជាការ ភូមិភាគ ៣ និងភរិយា ៤ លានរៀល លោកស្រី ឆឹង ណេង ៥០០ ដុល្លារ លោកឧត្តមសេនីយ៍ឯកម៉ែន សុផុន និងភរិយា ១ លានរៀល លោកឧត្តមសេនីយ៍ឯក លឹម ម៉ារីណា ២៥០ ដុល្លារ ៕
អត្ថបទ ៖ វិមាន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?