សម្ដេច​តេជោ ហ៊ុន សែន ដាក់ចេញនូវ​វិធានការ ​ប្រយុទ្ធ​ប្រ​ឆាំង​​គ្រឿងញៀន – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

សម្ដេច​តេជោ ហ៊ុន សែន ដាក់ចេញនូវ​វិធានការ ​ប្រយុទ្ធ​ប្រ​ឆាំង​​គ្រឿងញៀន

Published

on

សម្ដេច​​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​ដាក់ចេញ​នូវ​វិធានការ​មួយ​ចំនួន ដើម្បី​ប្រយុទ្ធ​ប្រឆាំង​​នឹង​គ្រឿងញៀន​ខុស​ច្បាប់ ដែល​កំពុង​តែ​កើតមាន​ឡើង​ជា​បន្ត​បន្ទាប់ ដូច​ជា​ការ​លប​លួច​នាំចូល នាំ​ឆ្លងកាត់ និង​ការ​លួចលាក់​កែច្នៃ​សារធាតុ​ញៀនជាដើម។ ​

តាមរយៈសេចក្តីណែនាំមួយចុះថ្ងៃទី១៦ ខែ​វិច្ឆិកា ឆ្នាំ២០២០ សម្ដេច​តេជោ ហ៊ុន សែន បាន​លើក​ឡើង​ថា ដើម្បី​ឆ្លើយតប​ទៅ​នឹង​សភាពការណ៍​ខាងលើ និង​ក្នុង​គោលបំណង​ធានា​បាន​ប្រសិទ្ធិភាព​អនុវត្ត​កម្មវិធី​នយោ​បាយ និង​យុទ្ធសាស្ត្រ​ចតុកោណដំណាក់កាលទី៤ ក៏ដូចជាការ​បញ្ចៀស​ឲ្យ​បាន​នូវ​ហានិភ័យ ដែល​បណ្ដាល​មក​ពី​គ្រឿងញៀន សម្ដេច​បាន​នាំដល់​អាជ្ញាធរ​ជាតិ ប្រយុទ្ធ​ប្រឆាំង​គ្រឿងញៀន ក្រសួងមហាផ្ទៃ និង​ស្ថាប័ន​ពាក់ព័ន្ធ ជាពិសេសគណៈបញ្ជាការឯកភាពរដ្ឋបាលរាជធានី ខេត្ត ក្រុង ស្រុក ខណ្ឌ ខិតខំ​ចាត់​តាំងអនុវត្តឲ្យបាន​ម៉ឺងម៉ាត់​នៅបទបញ្ជាចុះថ្ងៃទី១១ ខែកុម្ភៈ ឆ្នាំ២០១៦ របស់រាជរដ្ឋាភិបាល ស្តីពីការពង្រឹង ការប្រយុទ្ធប្រឆាំងគ្រឿងញៀន, បង្កើនសកម្មភាពអនុវត្តផែនការ និងយុទ្ធនាការប្រឆាំងគ្រឿង​ញៀនលើក​ទី៥ ឲ្យបានផុលផុស, លើកកម្ពស់​ស្មារតី​ផ្សព្វផ្សាយ អប់រំ ឱ្យបាន​ទូលំទូលាយ ស៊ី​ជម្រៅ ចំ​គោលដៅ និង​មុខ​សញ្ញាគ្រប់ទីកន្លែង ទាំងក្នុង​សហគមន៍ ទាំងក្នុងស្ថាប័នរដ្ឋ និងឯកជន​ ជាពិសេសត្រូវអនុវត្ត​ផ្សារភ្ជាប់​ជាមួយខ្លឹមសារ​ទិសស្លោក​ “បីកុំ មួយ​រាយការណ៍” គឺកុំ​ពាក់ព័ន្ធ កុំ​អន្តរាគមន៍ កុំលើកលែង និងត្រូវរាយ​ការណ៍​ជូនអាជ្ញាធរមាន​សមត្ថកិច្ច​គ្រប់​ករណី​បទល្មើស​គ្រឿងញៀន ហើយត្រូវយកចិត្តទុកដាក់ចាត់វិធាន​ការ​បង្ការការ​ទប់ស្កាត់ ការនាំចូលការដឹកជញ្ជូនឆ្លងកាត់ ការលួចលាក់កែច្នៃផលិតគ្រឿងញៀន និងការជួញ​ដូរការប្រើប្រាស់សារធាតុញៀន នៅតាមគោលដៅនានា។

ជាមួយគ្នានោះ សម្ដេចអគ្គមហាសេនាបតីតេជោ ហ៊ុន សែន ក៏បានណែនាំឲ្យអនុវត្តវិធានការនេះព្រមៗគ្នា ទាំងវិធានការរដ្ឋបាល វិធានការច្បាប់ ធ្វើឲ្យដូចភ្លៀងរលឹម សំដៅលុបបំបាត់បញ្ហាគ្រឿងញៀន ហើយត្រូវ​លើក​កម្ពស់​គុណភាព​សមត្ថភាព​មន្ត្រី​អនុវត្ត​ច្បាប់ តាម​រយៈ​ការ​បណ្ដុះបណ្ដាល​ជំនាញ ប្រតិបត្តិការ និង​ចំណេះដឹងផ្នែកច្បាប់ ដល់កងកម្លាំងអនុវត្តប្រយុទ្ធប្រឆាំងគ្រឿងញៀន ឲ្យបានល្អប្រសើរ ជាមួយនឹងការ​បន្តគាំទ្រ សរសើរ ជូនរង្វាន់ និងលើកទឹកចិត្ត ដល់អង្គភាព និងមន្ត្រីដែលមានស្នាដៃ៕

អត្ថបទ ៖ កោះកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ59 mins ago

លទ្ធផល​ជំរឿន​បង្ហាញថា ប្រជាជន​កម្ពុជា​ធ្លាក់ចុះ​នៃ​អត្រា​លទ្ធភាព​បង្កើតកូន​

ព័ត៌មានជាតិ1 hour ago

លោកជំទាវ​ម៉ែន សំអន ឧបត្ថម្ភ​ប្រាក់បៀវត្ស ដើម្បី​ចូលរួម​ជួយ​ដល់​ការប្រយុទ្ធប្រឆាំង​កូ​វីដ ១៩ រយៈពេល ៥​ខែ ជូនទៅ​ក្រសួងសុខាភិបាល

ព័ត៌មានជាតិ1 hour ago

លោកជំទាវ​ម៉ែន សំអន ផ្តាំផ្ញើ​ឲ្យ​ក្រុមការងារ​គណៈ​ចលនា​មហាជន ទូទាំង​ប្រទេស​បន្ត​ចុះ​ជួយ​ដោះស្រាយ​ទុក្ខ​លំបាក​ពលរដ្ឋ​ផ្ទាល់

ព័ត៌មានជាតិ1 hour ago

ធនាគារជាតិ​ប្រកាស​ដាក់​ឲ្យ​ដំណើរការ​ជា​ផ្លូវការ​នូវ​«​ប្រព័ន្ធ​រី​ធែ​ល​ផ‍េ​»​ដែល​អាច​ទូទាត់​សាច់ប្រាក់​ដោយ​មិនបាច់​ប្រើ​រូបិយប័ណ្ណ

ព័ត៌មានជាតិ2 hours ago

ខេត្ត​ព្រះសីហនុ​មាន​រោងចក្រ​អគ្គិសនី​ដំណើរការ​ដោយ​ថាមពល​ធ្យូងថ្ម​ចំនួន​៤​រោងចក្រ

Sokha Hotels

ព័ត៌មានពេញនិយម

Helistar Cambodia - Helicopter Charter Services