ព័ត៌មានជាតិ
ភ្ជួរដីចម្ការប្រទះឃើញវត្ថុសិល្បៈបុរាណជាច្រើនមុខ ប្រគល់ជូនអាជ្ញាធរ និងជំនាញវប្បធម៌
កសិករភ្ជួរដីចម្ការនៅក្បែរប្រាសាទ តាស្រី ក្នុងភូមិតាអុងលិច ឃុំស្វាយចេក ស្រុកស្វាយចេក ខេត្តបន្ទាយមានជ័យ កាលពីម៉ោងជាង៩ព្រឹក ថ្ងៃទី១០ ខែមិថុនា ឆ្នាំ២០២១ បានប្រទះឃើញវត្ថុសិល្បៈបុរាណ ធ្វើពីលោហៈធាតុចំនួន១៧ដុំ-រូប ហើយក៏បានប្រគល់ជូនអាជ្ញាធរលុះដល់ល្ងាចម៉ោង៣ អាជ្ញាធរក៏ប្រគល់បន្តដល់មន្ទីរវប្បធម៌ និងវិចិត្រសិល្បៈខេត្ត ដើម្បីចុះចូលក្នុងបញ្ជី រួចរក្សាទុកនៅសារៈមន្ទីរសហគមន៍នៅស្រុកស្វាយចេកតែម្តង ក្នុងនោះលោក លឿង សុភក្តិ អភិបាលស្រុក ស្វាយចេក បានទទួលវត្ថុសិល្បៈបុរាណនោះហើយ ពីកសិករ២នាក់នោះ។
កសិករនោះបានរៀបរាប់ថា នៅព្រឹកថ្ងៃទី១០ ខែមិថុនា នេះ បានបើកត្រាក់ទ័រភ្ជួរចម្ការដាំដំឡូងមី ស្រាប់តែប្រទះឃើញ ក្រឡកុលាលភាជន៍មួយចំនួន និងឃើញវត្ថុសិល្បៈបុរាណធ្វើលោហៈ ស្របពេលនោះមានការភ្ញាក់ផ្អើលដល់កសិករ និងអ្នកភូមិឯទៀត ដែលនាំគ្នាធ្វើការអុជធូបទៀនបន់ស្រន់គោរពសក្ការតែម្តង ។
ដោយឮខ្ចរខ្ចាយបែបនេះ ទើបកសិករដែលភ្ជួរដីរកឃើញវត្ថុសិល្បៈខាងលើ ក៏សម្រេចស្ម័គ្រចិត្តប្រគល់វត្ថុជូនអាជ្ញាធរ ពោលគឺដើម្បីកុំឲ្យធ្លាក់ទៅដល់ដៃឈ្មួញក្បាលអ្នកតា អ្នករកស៊ីទិញ លក់ រត់ពន្ធវត្ថុសិល្បៈបុរាណ។
លោក យង់ តាំងគួយ ប្រធានមន្ទីរវប្បធម៌ និងវិចិត្រសិល្បៈខេត្តបន្ទាយមានជ័យ រួមជាមួយអនុប្រធាន មន្ត្រីជំនាញបុរាណវិទ្យា និងលោក តាន់ ប៊ុនមីន អនុប្រធានការិយាល័យសង្គមកិច្ច សុខុមាលភាពវប្បធម៌ សាសនា កិច្ចការនារី និងជាប្រធានសារមន្ទីរស្វាយចេក បានពិនិត្យ និងចុះបញ្ជីវត្ថុសិល្បៈទាំងនោះ ហើយថា អាចមានចំណាស់ក្នុងស.វទី១០ទៅ១១ ។
វត្ថុសិល្បៈបុរាណទាំងនោះ រួមមាន១៧ដុំ មានរូបធ្វើពីលោហៈធាតុ ក្នុងនោះមាន១/ពុម្ពចាក់ព្រះ ចំនួន២ កណ្តឹងត្រួយចំនួន២ /៣/កង ចំនួន៩ ។ ៤/ ទេឥវរូបស្រី ចំនួន១ ។ ៥/ទេវរូបប្រុស ចំនួន១ ។៦/ពុទ្ធរូបប្រក់នាគ ចំនួន២ និង៧/ ដុំសំណ ចំនួន១០ដុំ(តូចៗ) ។
ក្នុងនោះមន្ត្រីបានថ្លែងអំណរគុណពលរដ្ឋល្អ ដែលបានរកឃើញ ហើយប្រគល់វត្ថុសិល្បៈបុរាណមកអាជ្ញាធរដែនដី និងជំនាញវប្បធម៌ដើម្បីរក្សាទុកមិនឲ្យបាត់បង់ នេះជាស្មារតីស្នេហាមរតកវប្បធម៌បេតិកភណ្ឌ សិល្បៈនិងអត្តសញ្ញាណជាតិខ្មែរ។
សូមបញ្ជាក់ថា ការទទួលលើកនេះ នាំឲ្យសារៈមន្ទីរស្វាយចេកនេះ នឹងបានទទួលការដាក់តាំងបន្ថែមរូបទើបប្រគល់ចំនួន១៧ដុំ /រូប ទៀត លើវត្ថុសិល្បៈបុរាណដែលទទួលពីពលរដ្ឋពីសមត្ថកិច្ចកងកម្លាំងពីអ្នកមុខសញ្ញាផ្សេងទៀត ដែលបានដាក់តាំងមានចំនួន៥២៦ដុំ /រូប /បន្ទះ ហើយនោះ ៕
អត្ថបទ ៖ វ៉ាន់ ណាង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)