ព័ត៌មានជាតិ
ក្រសួងសុខាភិបាលប្រកាសរកឃើញករណីជំងឺគ្រុនឈីកជាង៥០០នាក់នៅទូទាំងប្រទេស
ភ្នំពេញ ៖ ក្រសួងសុខាភិបាលបានប្រកាសថា គិតត្រឹមថ្ងៃទី០៩ ខែមិថុនា ឆ្នាំ២០២១នេះ ក្រសួងបានរកឃើញករណីជំងឺគ្រុនឈីកចំនួន៥១៤នាក់នៅទូទាំងប្រទេសក្នុងនៅមាន៨៦ភាគរយកើតនៅខេត្តរតនគីរី មណ្ឌលគីរី បាត់ដំបងនិងខេត្តក្រចេះ។
យោងតាមសេចក្តីជូនដំណឹងរបស់ក្រសួងសុខាភិបាលចុះថ្ងៃទី១១មិថុនានេះបានឲ្យដឹងថា ក្នុងចំណោមអ្នកជំងឺ៥១៤នាក់នោះ មាន៣៣១នាក់ស្មើនឹង៦៤,៥២ភាគរយជាមនុស្សពេញវ័យ ១៣៧នាក់ស្មើនឹង២៦,៧១ភាគរយជាកុមារ៤៥នាក់ស្មើនឹង៨,៧៧ភាគរយជាកុមារអាយុក្រោម៥ឆ្នាំ។
ក្រសួងបានបន្តថា ក្នុងចំនោមអ្នកជំងឺទាំងអស់បានជាសះស្បើយនិងមិនមានអ្នកស្លាប់បាត់បង់ជីវិតទេ។
លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលបានឲ្យដឹងថា ដើម្បីការពារសុខភាពឱ្យកាន់តែមានប្រសិទ្ធភាពជៀសផុត ពីការឆ្លងជំងឺគ្រុនឈីក និងគ្រុនឈាមដោយសារសត្វមូសខ្លា ញីខាំ និងជំងឺផ្សេងទៀតដែលអាចកើតមានឡើងដោយសារមូសខាំ ប្រជាពលរដ្ឋត្រូវប្រកាន់ខ្ជាប់នូវទម្លាប់រស់នៅស្អាត ធ្វើអនាម័យផ្ទះសម្បែង ផ្ទះមានពន្លឺចេញចូល ទុកដាក់របស់របរ សំលៀកបំពាក់ក្នុង និងក្រៅផ្ទះ ឲ្យមានសណ្ដាប់ធ្នាប់ លុបបំបាត់ព្រៃស៊ុបទ្រុបជុំវិញផ្ទះ។
លោករដ្ឋមន្ត្រីបានបន្តទៀតថា អំឡុងពេលថ្ងៃ គឺចាំបាច់ត្រូវស្លៀកសំលៀកបំពាក់មានដៃវែងជើងវែង សម្រាន្តក្នុងមុងជាប្រចាំ ទាំងថ្ងៃទាំងយប់ និងមិនត្រូវអង្គុយលេងនៅជិតទីកន្លែងងងឹតៗនោះទេ។
ត្រូវសកម្មចូលរួមកម្ចាត់ដង្កូវទឹកនៅតាមទីកន្លែង ឬវត្ថុដែលមានទឹកដក់ ដែលទុកចោលមិនប្រើប្រាស់ ដូចជាសំបក កង់ឡាន ម៉ូតូ សំបកដប កំប៉ុង ត្រឡោកដូង ចានបាយសម្លជ័រ កំប៉ុងកាហ្វេជ្រ ត្រូវកប់ ឬ ដុត ឬ កម្ទេចចោល ឬ ទុកដាក់ឱ្យមានរបៀប ដើម្បីកុំឱ្យមានទឹកដក់។ ត្រូវដាក់អាបែតក្នុងពាង ឬ អាង ឬវត្ថុស្តុកទឹក ជាដើម។
លោករដ្ឋមន្ត្រីបានណែនាំថា «បើមានអាការៈមិនស្រួល ដូចជាក្ដៅខ្លួនលើសពី ៣៨អង្សារសេ ចេញកន្ទួលក្រហមលើខ្លួនប្រាណ ឬនៅដៃ ឬមាន បញ្ហាសុខភាព សូមប្រញាប់ទៅស្វែងរកការពិគ្រោះ ពិនិត្យព្យាបាល នៅតាមមន្ទីរពេទ្យរដ្ឋ ដែលនៅជិតលោកអ្នកនិងកុំសាកល្បងព្យាបាលជំងឺដោយខ្លួនឯង ឬ ពន្យារពេលតាមដានជំងឺនៅមន្ទីរពេទ្យឯកជនដែលមិនមានសមត្ថភាពព្យាបាលជំងឺគ្រុនឈីកឱ្យសោះ»។
ទន្ទឹមនឹងនោះលោករដ្ឋមន្ត្រីបានអំពាវនាវឲ្យក្រសួងមន្ទីរឬអង្គភាពពាក់ព័ន្ធអង្គការសុខភាពពិភពលោកអង្គការមិនមែនរដ្ឋាភិបាលសហគមន៍ជាតិនិងអង្គអន្តរជាតិទាំងអស់ចូលរួមជួយអន្តរាគមន៍និងសហការពេញលេញព្រមទាំងបន្តជួយឧបត្ថម្ភគាំទ្រក្នុងការចូលរួមជាមួយកម្មវិធីជាតិប្រយុទ្ធនឹងជំងឺគ្រុនឈាមដើម្បីទប់ស្កាត់ការចម្លងជំងឺគ្រុនឈីកនៅតាមសហគមន៍ឲ្យកាន់តែមានប្រសិទ្ធភាពខ្ពស់ដើម្បីចៀសផុតពីជំងឺគ្រុនឈីកដែលនឹងកំពុងផ្ទុះឡើងពេលខាងមុខនេះ៕
ដោយ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ